ಬೇಸಿಗೆಯಲ್ಲಿ ಕಾಡುವ ಹುಳುಕಡ್ಡಿ ಸಮಸ್ಯೆಗೆ ಪರಿಹಾರವೇನು?

ಇನ್‍ಫೆಕ್ಷನ್ ಇರುವ ಸಾಕು ಪ್ರಾಣಿಗಳು

ಒಂದು ವೇಳೆ ನಿಮ್ಮ ಸಾಕು ಪ್ರಾಣಿಗಳು ಇನ್‍ಫೆಕ್ಷನ್‍ಗೆ ಒಳಗಾಗಿದ್ದಲ್ಲಿ, ಅದನ್ನು ನೇರವಾಗಿ ಮುಟ್ಟಬೇಡಿ. ಮೊದಲು ಅದನ್ನು ಪ್ರಾಣಿ ತಜ್ಞರ ಬಳಿ ತೋರಿಸಿ, ಚಿಕಿತ್ಸೆ ಪಡೆದ ನಂತರ ಅದನ್ನು ಮುಟ್ಟಿ.

ವೈಯುಕ್ತಿಕ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳಿ

ನಿಮ್ಮ ವೈಯುಕ್ತಿಕ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳಿ ಮತ್ತು ನಿಮ್ಮ ಸುತ್ತ ಮುತ್ತ ಸಹ ಸ್ವಚ್ಛತೆಯನ್ನು ಕಾಪಾಡಿ. ಏನಾದರು ಕೊಳೆಯನ್ನು ಮುಟ್ಟಿದರೆ ಮೊದಲು ಕೈಯನ್ನು ತೊಳೆದುಕೊಳ್ಳಿ. ನೀವು ಶುಚಿಯಾಗಿದ್ದಲ್ಲಿ ತ್ವಚೆಯ ಈ ಸಮಸ್ಯೆ ನಿಮ್ಮನ್ನು ಕಾಡುವುದಿಲ್ಲ.

ಟವೆಲ್‌ಗಳನ್ನು ಹಂಚಿಕೊಳ್ಳಲು ಹೋಗಬೇಡಿ

ಯಾವುದೇ ಕಾರಣಕ್ಕು ನಿಮ್ಮ ಟವೆಲ್, ಒಳ ಉಡುಪುಗಳನ್ನು ಇತರರ ಜೊತೆಗೆ ಹಂಚಿಕೊಳ್ಳಬೇಡಿ. ಇದರಿಂದ ಇನ್‍ಫೆಕ್ಷನ್ ಸುಲಭವಾಗಿ ಒಬ್ಬರಿಂದ ಒಬ್ಬರಿಗೆ ಹರಡುತ್ತದೆ. ಒಂದು ವೇಳೆ ಇದನ್ನು ಬಳಸುವ ಮೊದಲು ಬಿಸಿ ನೀರಿನಲ್ಲಿ ಒಗೆದು ಬಳಸಿ.

ನಿಮ್ಮ ಮಕ್ಕಳಿಗೆ ಹೇಳಿ

ಇಂತಹ ತ್ವಚೆಯ ಸಮಸ್ಯೆಗಳನ್ನು ಹೇಗೆ ಎದುರಿಸಬೇಕು ಮತ್ತು ಮುಂಜಾಗರೂಕತೆ ಕ್ರಮಗಳನ್ನು ಹೇಗೆ ತೆಗೆದುಕೊಳ್ಳಬೇಕು ಎಂದು ನಿಮ್ಮ ಮಕ್ಕಳಿಗೆ ತಿಳಿಸಿಕೊಡಿ.

ಆಟದ ಮೈದಾನ

ಒಂದು ವೇಳೆ ನೀವು ಇತರರ ಜೊತೆಗೆ ಆಟದ ಮೈದಾನದಲ್ಲಿ ಕಳೆಯಬೇಕಾದಲ್ಲಿ, ಆಟ ಮುಗಿದ ತಕ್ಷಣ ಮೊದಲು ಕೈ ಕಾಲು ಮುಖವನ್ನು ಚೆನ್ನಾಗಿ ತೊಳೆಯುವ ಅಭ್ಯಾಸವನ್ನು ಇರಿಸಿಕೊಳ್ಳಿ.

ಒಣಗಿಸಿ

ಸ್ನಾನ ಮುಗಿದ ತಕ್ಷಣ ನಿಮ್ಮ ದೇಹವನ್ನು ಚೆನ್ನಾಗಿ ಒಣಗಿಸಲು ಮರೆಯಬೇಡಿ. ಬೆವರು ಮತ್ತು ತೇವಾಂಶವು ಇನ್‍ಫೆಕ್ಷನ್ ಅನ್ನು ಹೆಚ್ಚು ಮಾಡುತ್ತದೆ.

ಬಟ್ಟೆಗಳು

ನಿಮ್ಮ ಬಟ್ಟೆಗಳು ಬೆವರನ್ನುಂಟು ಮಾಡುತ್ತದೆಯೇ ಎಂದು ಗಮನಿಸಿ. ಬೆವರುಕಾರಕ ಬಟ್ಟೆಗಳನ್ನು ಹೆಚ್ಚಾಗಿ ಧರಿಸಬೇಡಿ.

ಸಾರ್ವಜನಿಕ ಶೌಚಾಲಯಗಳು

ಒಂದು ವೇಳೆ ನೀವು ಸಾರ್ವಜನಿಕ ಶೌಚಾಲಯಗಳನ್ನು ಬಳಸುತ್ತಿದ್ದಲ್ಲಿ, ಪಾದರಕ್ಷೆಗಳನ್ನು ಧರಿಸಿಕೊಂಡು ಹೋಗಿ. ಜೊತೆಗೆ ಜಿಮ್ ಮುಂತಾದ ಕಡೆಯಲ್ಲಿ ಸಹ ಆದಷ್ಟು ಎಚ್ಚರಿಕೆಯನ್ನು ವಹಿಸಿ.