ಮೂತ್ರದಲ್ಲಿ ಕಂಡುಬರುವ ಅಸಹ್ಯಕರ ದುರ್ವಾಸನೆಗೆ ಕಾರಣವೇನು?

ಬಿಗಿಯಾಗಿರುವ ಒಳ ಉಡುಪುಗಳನ್ನು ತೊಡಬೇಡಿ

ಒಳ ಉಡುಪುಗಳು ಸಡಿಲವಾಗಿರಲಿ. ನೈಲಾನ್ ಗಿಂತಲೂ ಹತ್ತಿಯ ಬಟ್ಟೆಯೇ ಉತ್ತಮವಾಗಿವೆ. ಇದರಿಂದ ಮೂತ್ರಕೋಶದಲ್ಲಿ ನೀರು ತುಂಬಿಕೊಳ್ಳುತ್ತಾ ಹೋದಂತೆ ಒಳ ಉಡುಪು ಮತ್ತು ನಿತ್ಯದ ಉಡುಗೆಗಳ ಮೂಲಕ ಬೀಳುವ ಒತ್ತಡ ಕಡಿಮೆಯಾಗಿ ಸುಲಭವಾಗಿ ಉಬ್ಬಿಕೊಳ್ಳಲು ಸಾಧ್ಯವಾಗುತ್ತದೆ.

ಬೆಳಿಗ್ಗೆದ್ದು ಲಿಂಬೆಹಣ್ಣಿನ ರಸ ಸೇರಿಸಿದ ನೀರು ಕುಡಿಯಿರಿ

ಬೆಳಿಗ್ಗೆದ್ದು ಮುಖಮಾರ್ಜನದ ಬಳಿಕ ಖಾಲಿಹೊಟ್ಟೆಯಲ್ಲಿ ಲಿಂಬೆರಸ ಸೇರಿಸಿದ ನೀರು ಕುಡಿಯಿರಿ. ಇದರಿಂದ ಮೂತ್ರದಲ್ಲಿದ್ದ ವಿಷಕಾರಿ ವಸ್ತುಗಳನ್ನು ಶೀಘ್ರವಾಗಿ ಹೊರಹಾಕಲು ನೆರವಾಗುತ್ತದೆ. ಪರಿಣಾಮವಾಗಿ ಸೋಂಕು ಉಂಟಾಗುವುದರಿಂದ ತಪ್ಪಿಸಿ ದುರ್ವಾಸನೆಯಿಂದ ಕಾಪಾಡುತ್ತದೆ.

ಸಾಕಷ್ಟು ನೀರು ಕುಡಿಯಿರಿ

ನಿಮ್ಮ ಕೆಲಸಕ್ಕಿಂತಲೂ ಆರೋಗ್ಯ ಮುಖ್ಯ. ಶೌಚಾಲಯವಿಲ್ಲದಿರುವ ಸ್ಥಳದಲ್ಲಿ ಸೂಕ್ತ ವ್ಯವಸ್ಥೆ ಕಲ್ಪಿಸುವವರೆಗೂ ಕೆಲಸ ಸಾಧ್ಯವಿಲ್ಲ ಎಂದು ಕಟ್ಟುನಿಟ್ಟಾಗಿ ಹೇಳಿ. ಸಾಕಷ್ಟು ನೀರು ಕುಡಿಯಿರಿ ಹಾಗೂ ಕ್ಲುಪ್ತಕಾಲದಲ್ಲಿ ಮೂತ್ರವಿಸರ್ಜಿಸಿ.

ಮಜ್ಜಿಗೆ ಕುಡಿಯಿರಿ

ಬೆಣ್ಣೆರಹಿತವಾದ ಮಜ್ಜಿಗೆಯಲ್ಲಿ ನೀರುಳ್ಳಿ, ಬೆಳ್ಳುಳ್ಳಿ ಮತ್ತು ಶುಂಠಿಯನ್ನು ಸೇರಿಸಿ ನಿತ್ಯವೂ ಬೆಳಿಗ್ಗೆ ಕುಡಿಯುವುದರಿಂದ ಉರಿಮೂತ್ರ, ಮೂತ್ರದಲ್ಲಿ ವಾಸನೆ, ಸೋಂಕು ಮೊದಲಾದ ತೊಂದರೆಗಳು ನಿವಾರಣೆಯಾಗುತ್ತದೆ. ಬೆಳಗ್ಗಿನ ಮೂತ್ರದಲ್ಲಿ ಹೆಚ್ಚಿನ ವಾಸನೆ ಇದ್ದರೆ ದಿನಕ್ಕೆ ಎರಡು ಲೋಟ ಕುಡಿಯಿರಿ.

ಕ್ರ್ಯಾನ್ಬೆರಿ ಜ್ಯೂಸ್ ಕುಡಿಯಿರಿ

ಮೂತ್ರದಲ್ಲಿ ವಾಸನೆ ಇದ್ದರೆ ಕ್ರ್ಯಾನ್ಬೆರಿ ಹಣ್ಣುಗಳ ರಸ ಉತ್ತಮ ಪರಿಹಾರ ನೀಡುತ್ತದೆ. ಒಂದು ವೇಳೆ ರಸ ಸಿಗದೇ ಇದ್ದರೆ ಹಣ್ಣುಗಳನ್ನು ನೇರವಾಗಿಯೂ ಸೇವಿಸಬಹುದು. ರಸವನ್ನು ಬೆಳಗ್ಗಿನ ಸಮಯ ಖಾಲಿಹೊಟ್ಟೆಯಲ್ಲಿ ಸೇವಿಸುವುದು ಉತ್ತಮ.

ಎಳನೀರಿಗೆ ಕಲ್ಲುಸಕ್ಕರೆ ಸೇರಿಸಿ ಕುಡಿಯಿರಿ

ಎಳನೀರಿನಲ್ಲಿ ಕಲ್ಲುಸಕ್ಕರೆಯ ಚಿಕ್ಕ ತುಂಡನ್ನು ಕಲಕಿ ಕರಗಿದ ಬಳಿಕ ಖಾಲಿಹೊಟ್ಟೆಯಲ್ಲಿ ಸೇವಿಸಿ, ಮುಂದಿನ ಮುಕ್ಕಾಲು ಗಂಟೆ ಏನನ್ನೂ ಸೇವಿಸಬೇಡಿ. ಬಳಿಕ ನಾಲ್ಕೈದು ಬಾರಿ ಮೂತ್ರಕ್ಕೆ ಅವಸರವಾಗುತ್ತದೆ. ಇದು ಮೂತ್ರವನ್ನು ಹೆಚ್ಚಿಸಿ ವಿಷಕಾರಿ ವಸ್ತುಗಳನ್ನು ಹೊರದಬ್ಬುತ್ತದೆ.

ಬಾರ್ಲಿ ನೀರನ್ನು ಸೇವಿಸಿ

ಬಾರ್ಲಿ ಕುದಿಸಿ ತಣಿಸಿ ಸೋಸಿದ ನೀರು ಸಹಾ ಮೂತ್ರವನ್ನು ಹೆಚ್ಚಿಸಲು ನೆರವಾಗುತ್ತದೆ. ಹೆಚ್ಚು ಮೂತ್ರ ಹೊರಹರಿಯುವುದರಿಂದ ವಾಸನೆಯೂ ಕಡಿಮೆಯಾಗುತ್ತದೆ.