ಎಲೆಕ್ಟ್ರಾನಿಕ್ಸ್ ಸಿಗರೇಟ್ ಎಳೆದರೆ ಅಪಾಯವಿಲ್ಲವೇ?

ಎಲೆಕ್ಟ್ರಾನಿಕ್ಸ್ ಸಿಗರೇಟ್

ಎಲೆಕ್ಟ್ರಾನಿಕ್ಸ್ ಸಿಗರೇಟ್ ಅನ್ನುವುದು ತಂಬಾಕು ಹಾಕಿ ತಯಾರಿಸುವ ಸಿಗರೇಟ್ ಗೆ ಬದಲಿಗಿ ತಯಾರಿಸಿದ ಸಿಗರೇಟ್ ಆಗಿದೆ. ಈ ಸಿಗರೇಟ್ ಅನ್ನು ಹೀಟರ್, ಬ್ಯಾಟರಿ, ಕಾರ್ಟ್ ರಿಡ್ಜ್ ಬಳಸಿ ತಯಾರಿಸಲಾಗುವುದು. ಈ ಸಿಗರೇಟ್ ಎಳೆಯುವುದರಿಂದ ನಿಕೋಟಿನ್ ಅಂಶ ಧೂಮಪಾನಿಯ ಶರೀರವನ್ನು ಸೇರುವುದಿಲ್ಲ, ಆದರೆ ತಂಬಾಕು ಸಿಗರೇಟ್ ಎಳೆದಾಗ ಸಿಗುವಂತಹ ಕಿಕ್ ಧೂಮಪಾನಿಗೆ ದೊರೆಯುವುದು. ಆದ್ದರಿಂದ ಈ ಸಿಗರೇಟ್ ಎಳೆಯುವುದು ಒಳ್ಳೆಯದು ಎಂಬ ನಂಬಿಕೆ ಧೂಮಪಾನ ಮಾಡುವವರಲ್ಲಿದೆ. ಆದರೆ ಈ ನಂಬಿಕೆ ಸರಿಯೇ ಎಂದು ನೋಡೋಣವೇ?

ಮೊದಲಿಗೆ ಇದರ ಪ್ಲಸ್ ಪಾಯಿಂಟ್ (!)ಬಗ್ಗೆ ನೋಡೋಣ

* ಎಲೆಕ್ಟ್ರಾನಿಕ್ಸ್ ಸಿಗರೇಟ್ ಎಳೆಯುವುದರಿಂದ ನಿಕೋಟಿನ್ ಅಂಶ ದೇಹವನ್ನು ಸೇರುವುದಿಲ್ಲ.

ಪ್ಲಸ್ ಪಾಯಿಂಟ್ (!)

* ಹಲ್ಲುಗಳು ಹಳದಿ ಬಣ್ಣಕ್ಕೆ ತಿರುಗುವುದಿಲ್ಲ ಹಾಗೂ ಬಾಯಿ ದುರ್ಗಂಧ ಬೀರುವುದಿಲ್ಲ.

ನೆಗೆಟಿವ್ ಅಂಶಗಳು-ಶ್ವಾಸಕೋಶಕ್ಕೆ ಹಾನಿ

ಆದರೆ ಈ ಸಿಗರೇಟ್ ನಲ್ಲಿ ಈ ನೆಗೆಟಿವ್ ಗುಣಗಳು ಕೂಡ ಇವೆ ಅನ್ನುವುದನ್ನು ಮರೆಯದಿರಿ.

* ಎಲೆಕ್ಟ್ರಾನಿಕ್ಸ್ ಸಿಗರೇಟ್ ಎಳೆಯುವುದರಿಂದ ಶ್ವಾಸಕೋಶ ಹಾನಿಗೊಳಗಾಗುತ್ತದೆ. ಇದಕ್ಕೆ ಕಾರಣವೆಂದರೆ ಮಾಮೂಲಿ ಸಿಗರೇಟ್ ಎಳೆದಾಗ ಹೊಗೆಯನ್ನು ನುಂಗುತ್ತೇವೆ, ಆದರೆ ಎಲೆಕ್ಟ್ರಾನಿಕ್ಸ್ ಸಿಗರೇಟ್ ಎಳೆದರೆ ಹಬೆಯನ್ನು ನುಂಗುತ್ತೇವೆ. ಇದರಿಂದ ಈ ಸಿಗರೇಟ್ ಎಳೆಯುವವರಿಗೆ ಶ್ವಾಸಕೋಶದಲ್ಲಿ ಸೋಂಕು ಕಂಡು ಬರುವ ಸಾಧ್ಯತೆ ಹೆಚ್ಚು.

ನೆಗೆಟಿವ್ ಅಂಶಗಳು-ಹಾನಿಕಾರಕ ಅಂಶ

* ಅದಲ್ಲದೆ ಈ ಸಿಗರೇಟ್ ನಲ್ಲಿ ಎಷ್ಟು ಹಾನಿಕಾರಕ ಅಂಶಗಳಿವೆ ಎಂದು ಯಾರಿಗೂ ಗೊತ್ತಿಲ್ಲ, ತಂಬಾಕು ಸಿಗರೇಟ್ ನಲ್ಲಿ ಇಂತಿಷ್ಟು ಇವೆ ಎಂದು ಹೇಳಬಹುದು, ಆದರೆ ಎಲೆಕ್ಟ್ರಾನಿಕ್ಸ್ ಸಿಗರೇಟ್ ನಲ್ಲಿ ಎಷ್ಟು ಹಾನಿಕಾರಕ ಅಂಶವಿದೆಯೆಂದು ಗೊತ್ತಿಲ್ಲದೆಯೇ ಅದನ್ನು ಹೇಗೆ ಹಾನಿಕಾರವಲ್ಲವೆಂದು ಹೇಳುವಿರಿ?

ನೆಗೆಟಿವ್ ಅಂಶಗಳು-ಹೃದಯಾಘಾತ ಬರುವುದು

* ಈ ಸಿಗರೇಟ್ ಎಳೆದರೆ ಕ್ಯಾನ್ಸರ್ ಬರುವುದಿಲ್ಲ ಅನ್ನುವುದು ನಿಜ, ಆದರೆ ಹೃದಯಾಘಾತ, ಹೃದಯಕ್ಕೆ ಸಂಬಂಧಿಸಿದ ಕಾಯಿಲೆಗಳು ಕಾಣಿಸಿಕೊಳ್ಳುವುದು. ಕ್ಯಾನ್ಸರ್ ಆದರೆ ಏನು, ಹೃದಯಾಘಾತವಾದರೇನು, ಒಟ್ಟಿನಲ್ಲಿ ಸಿಗರೇಟ್ ನಿಂದ ಹಾನಿ ತಪ್ಪಿದ್ದಲ್ಲ.

ನೆಗೆಟಿವ್ ಅಂಶಗಳು-ಕಾಯಿಲೆ

* ಎಲೆಕ್ಟ್ರಾನಿಕ್ಸ್ ಸಿಗರೇಟ್ ನಲ್ಲಿ diethylene glycol ಇದೆ. ಈ ಅಂಶ ನಮ್ಮ ದೇಹ ಸೇರಿದಾಗ ದೇಹದಲ್ಲಿ ರೋಗ ನಿರೋಧಕ ಸಾಮರ್ಥ್ಯ ಕಡಿಮೆಯಾಗುವುದು.

ನೆಗೆಟಿವ್ ಅಂಶಗಳು-ಕಾಯಿಲೆ

* ಇದರಲ್ಲಿರುವ ಮತ್ತೊಂದು ರಾಸಾಯನಿಕವೆಂದರೆ Tetramethylpyrazine.ಎಲೆಕ್ಟ್ರಾನಿಕ್ಸ್ ಸಿಗರೇಟ್ ಎಳೆಯುವ ಚಟ ಬೆಳೆಸಿಕೊಂಡರೆ Tetramethylpyrazine ಮಿದುಳಿನ ಆರೋಗ್ಯವನ್ನು ಹಾಳು ಮಾಡುತ್ತದೆ.