ಸೀನಿದಾಗ ಕೀಟಾಣು ಹರಡಲು ಬಿಡದಿರಿ

ದಿನದಿಂದ ದಿನಕ್ಕೆ ಹವಮಾನದಲ್ಲಿ ಬದಲಾವಣೆ, ಒಮ್ಮೆ ಬಿಸಲಿದ್ದರೆ ಸ್ವಲ್ಪ ಹೊತ್ತಿಗೆ ಮಳೆ ಬರುತ್ತಿರುತ್ತದೆ. ಈ ರೀತಿಯ ವಾತಾವರಣವಿದ್ದರೆ ಕಾಯಿಲೆಗಳು ಬೇಗನೆ ಬರುತ್ತದೆ. ಅದರಲ್ಲೂ ಶೀತ ಹೊಡಿದರೆ ಮೂಗು ಸೋರುವುದರ ಜೊತೆಗೆ ಸೀನು ಬಂದು ಬಿಡುತ್ತದೆ. ಜೋರಾಗಿ ಸೀನಿ ಬಿಟ್ಟರೆ ಪಕ್ಕದಲ್ಲಿರುವವರು ಒಂಥರಾ ಮುಖ ಮಾಡುತ್ತಾರೆ. ಕಾರಣವಿಷ್ಟೆ ಎಲ್ಲಿ ನಮಗೂ ಬಂದು ಬಿಡುತ್ತದೆಯೊ ಎಂಬ ಭಯ. ಏಕೆಂದರೆ ಸೀನಿದಾಗ ಕೀಟಾಣುಗಳು ಬೇಗನೆ ಇನ್ನೊಬ್ಬರಿಗೆ ಹರಡುತ್ತದೆ.

ಆದ್ದರಿಂದ ಸೀನಿದಾಗ ನಮ್ಮ ಮುಖಾಂತರ ಇತರರಿಗೆ ರೋಗ ಹರಡದಂತೆ ತಡೆಯಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬೇಕು.

* ಕೆಮ್ಮುವಾಗ ಅಥವಾ ಸೀನುವಾಗ ಬಾಯಿಗೆ ಕರ್ಚೀಪ್ ಹಿಡಿಯಬೇಕು. ಇದರಿಂದ ನಾವು ಮತ್ತೊಬ್ಬರಿಗೆ ರೋಗಾಣುಗಳು ಹರಡದಂತೆ ತಡೆಯಬಹುದು.

* ಪೋನಿನಲ್ಲಿರುವಾಗ ಅಥವಾ ಕಂಪ್ಯೂಟರ್ ನಲ್ಲಿ ಕೆಲಸ ಮಾಡುತ್ತಿರುವಾಗ ಸೀನು ಬಂದರೆ ತಕ್ಷಣವೇ ಕಂಪ್ಯೂಟರ್ ಮತ್ತು ಫೋನು ಒರೆಸಬೇಕು. ಏಕೆಂದರೆ ಆ ರೋಗಾಣುಗಳು ಪುನಃ ಕಾಯಿಲೆ ಹೆಚ್ಚು ಮಾಡುತ್ತದೆ.

* ಸೀನುವಾಗ ಹಿಡಿದ ಕರ್ಚೀಪ್ ಅನ್ನು ಚೆನ್ನಾಗಿ ಬಿಸಿ ನೀರಿನಲ್ಲಿ ಹಾಕಿ ತೊಳೆದ ಬಳಿಕ ಉಪಯೋಗಿಸಬೇಕು. ಶೀತವಾದಾಗ ಆದಷ್ಟು ಟಿಶ್ಯೂ ಪೇಪರ್ ಬಳಸುವುದು ಒಳ್ಳೆಯದು.

* ವಿಪರೀತ ಸೀನು ಇದ್ದರೆ ಮನೆಯಲ್ಲಿಯೆ ಇರುವುದು ಒಳ್ಳೆಯದು. ಇದರಿಂದ ನಿಮ್ಮ ಕಾಯಿಲೆ ಬೇಗನೆ ಗುಣ ಮುಖವಾಗುವುದಲ್ಲದೆ ಇತರರಿಗೆ ರೋಗಾಣು ಹರಡಂತೆ ತಡೆಯಬಹುದು.

* ಸೀನು ಬಂದಾಗ ಶುಂಠಿ ಕಷಾಯ ಮಾಡಿ ಕುಡಿದರೆ ಗುಣಮುಖವಾಗುವುದು. ಮನೆ ಮದ್ದು ಮಾಡಲು ಇಷ್ಟವಿಲ್ಲದಿದ್ದರೆ ವೈದ್ಯರನ್ನು ಕಂಡು ಔಷಧಿಯನ್ನು ಪಡೆಯಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.