ಇದು ಅತ್ಯಂತ ಪರಿಣಾಮಕಾರಿಯಾದ ಮನೆ ಮದ್ದು!

ಆದರೆ ಆ ನೈಸರ್ಗಿಕ ವಿಧಾನಗಳು ಯಾವುವು ಎಂದು ನಮಗೆ ಹೆಚ್ಚಿನ ಭಾರಿ ಗೊತ್ತಿರುವುದೇ ಇಲ್ಲ. ಸುಲಭವಾಗಿ ಗುಣಪಡಿಸಬಹುದಾದ ಕಾಯಿಲೆಗೆ ಸಾಕಷ್ಟು ದುಡ್ಡು ಆಸ್ಪತ್ರೆಗೆ ಸುರಿಯುವುದರ ಜೊತೆಗೆ ಆಗಾಗ ಆಸ್ಪತ್ರೆಗೆ ಅಲೆದಾಡುತ್ತಿರುತ್ತೇವೆ. ಈ ಕೆಳಗೆ ಹೇಳಿದಂತಹ ಕಾಯಿಲೆಗಳಿಗೆ ಇಲ್ಲಿ ಹೇಳಿರುವ ಮನೆ ಔಷಧಿ ಮಾಡಿದ್ದೇ ಆದರೆ ಕಾಯಿಲೆ ಗುಣಮುಖವಾಗುವುದು ಖಂಡಿತ.

ಮುಟ್ಟಿನ ನೋವಿಗೆ ಕ್ಯಾಲ್ಸಿಯಂ: ಕೆಲವರಿಗೆ ಮುಟ್ಟಿನ 2-3 ದಿನದ ಮುಂಚೆ ಮತ್ತು ಮುಟ್ಟಿನ ಸಮಯದಲ್ಲಿ ತುಂಬಾ ಕಿಬ್ಬೊಟ್ಟೆ ನೋವು ಕಾಣಿಸಿಕೊಳ್ಳುತ್ತದೆ. ದೇಹದಲ್ಲಿ ಕ್ಯಾಲ್ಸಿಯಂ ಕೊರತೆಯಿದ್ದರೆ ಈ ರೀತಿಯ ನೋವು ಕಾಣಿಸಿಕೊಳ್ಳುವುದು. ಕ್ಯಾಲ್ಸಿಯಂ ಅಧಿಕ ಇರುವ ಆಹಾರವನ್ನು ಸೇವಿಸುವುದರಿಂದ ಮತ್ತು ಕ್ಯಾಲ್ಸಿಯಂ ಮಾತ್ರೆಗಳನ್ನು ನುಂಗುವುದರಿಂದ ಈ ರೀತಿಯ ನೋವನ್ನು ತಡೆಗಟ್ಟಬಹುದು.

ತ್ವಚೆ ಒಡೆಯುವ ಸಮಸ್ಯೆಗೆ ಟೀ ಟ್ರೀ ಆಯಿಲ್: ತ್ವಚೆಯಲ್ಲಿ ಬಿರುಕು ಕಂಡು ಬರುವುದು, ಗಾಯ, ಚರ್ಮದಲ್ಲಿ ಉರಿ ಕಂಡು ಬರುವುದು ಈ ರೀತಿಯ ಸಮಸ್ಯೆ ಇದ್ದರೆ ಟೀ ಗಿಡದ ಎಣ್ಣೆ (Tea Tree Oil) ಹಚ್ಚಿದರೆ ಗುಣಮುಖವಾಗುವುದು.

ಸೈನಸ್ ತಲೆನೋವಿಗೆ ಸ್ಟೀಮ್ ಥೆರಪಿ: ತುಂಬಾ ಬಿಸಿ ನೀರನ್ನು ಒಂದು ಪಾತ್ರೆಯಲ್ಲಿ ಹಾಕಿಕೊಂಡು ಅದರಲ್ಲಿ 2-3 ಹನಿ ನೀಲಿಗಿರಿ ಎಣ್ಣೆ ಹಾಕಿ ಆವಿ ತೆಗೆದುಕೊಂಡರೆ ಸೈನಸ್ ತಲೆನೋವು ಕಡಿಮೆಯಾಗುವುದು.

ಮೂತ್ರ ವಿಸರ್ಜನೆ ಸಮಸ್ಯೆ ನಿವಾರಣೆಗೆ ಕ್ರಾನ್ ಬೆರಿ ಜ್ಯೂಸ್ : ಕ್ರಾನ್ ಬೆರಿ ಜ್ಯೂಸ್ (cranberry juice) ಕುಡಿಯುವುದರಿಂದ ಮೂತ್ರ ವಿಸರ್ಜನೆ ಸರಿಯಾಗಿ ಆಗುವಂತೆ ಸಹಕಾರಿಯಾಗಿದೆ ಎಂದು ವೈಜ್ಞಾನಿಕವಾಗಿ ಸಾಬೀತಾಗಿದೆ. ಕ್ರಾನ್ ಬೆರಿ ಜ್ಯೂಸ್ ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಮೂತ್ರ ವಿಸರ್ಜನೆ ಸಮಸ್ಯೆಯಿಂದ ಬಳಲುತ್ತಿರುವವರು ಇದನ್ನು ಬಳಸಿದರೆ ಉತ್ತಮ ಪ್ರಯೋಜನವನ್ನು ಕಾಣಬಹುದು.

ಹಾಟ್ ಪ್ಲಾಷ್ ಗೆ ಕರಿಜೀರಿಗೆ : ಮುಟ್ಟು ನಿಲ್ಲುವ ಸಮಯದಲ್ಲಿ ಮಹಿಳೆಯರಿಗೆ ಹಾಟ್ ಪ್ಲಾಷ್ ಸಮಸ್ಯೆ ಕಂಡು ಬರುತ್ತದೆ. ಈ ಸಮಸ್ಯೆಯನ್ನು ನಿವಾರಿಸಲು ಕರಿ ಜೀರಿಗೆಯನ್ನು ಬಳಸಿದರೆ ಸಾಕು, ಹಾಟ್ ಪ್ಲಾಷ್ ಸಮಸ್ಯೆ ಕಡಿಮೆಯಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.