ಸೌಂದರ್ಯವರ್ಧಕಗಳು ತರಬಹುದು ಮಧುಮೇಹ!

Updated: Thursday, July 19, 2012, 12:15 [IST]

ಸೌಂದರ್ಯವರ್ಧಕ ಬಳಸಿದರೆ ದೇಹ ಸೌಂದರ್ಯ ಹೆಚ್ಚಾಗುವುದು, ಆದರೆ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಲು ರಾಸಾಯನಿಕಗಳನ್ನು ಬಳಸಿದ್ದೇ ಆದರೆ ಮಧುಮೇಹ ಸಮಸ್ಯೆ ಬರುವ ಸಾಧ್ಯತೆ ಹೆಚ್ಚು! ಬೋಸ್ಟನ್ ನ ಆಸ್ಪತ್ರೆಯೊಂದರಲ್ಲಿ ನಡೆಸಲಾದ ಅಧ್ಯಯನದಲ್ಲಿ ಈ ಅಂಶ ತಿಳಿದು ಬಂದಿದೆ.

ಈ ಅಧ್ಯಯನದಲ್ಲಿ ಅಧಿಕ ರಾಸಾಯನಿಕವಿರುವ ಸೌಂದರ್ಯ ವರ್ಧಕಗಳನ್ನು ಬಳಸುವ ಮಹಿಳೆಯರನ್ನು ಮತ್ತು ಕಡಿಮೆ ರಾಸಾಯನಿಕವಿರುವ ಸೌಂದರ್ಯ ವರ್ಧಕಗಳನ್ನು ( ನೈಸರ್ಗಿಕ ಸೌಂದರ್ಯ ವರ್ಧಕ) ಬಳಸುವ ಮಹಿಳೆಯರನ್ನು ಪರೀಕ್ಷಿಸಿದಾಗ ಅಧಿಕ ಕೆಮಿಕಲ್ ಬಳಸುವ ಮಹಿಳೆಯರಲ್ಲಿ ಟೈಪ್ 2 ಮಧುಮೇಹ ಸಮಸ್ಯೆ ಹೆಚ್ಚಾಗಿ ಕಂಡು ಬಂತು.

ಸೌಂದರ್ಯ ವರ್ಧಕ ಕ್ರೀಮ್ ಗಳಲ್ಲಿ ಮೋನೊ ಬೆಂಜೈಲ್ ಮತ್ತು ಮೋನೊ ಐಸೊಬ್ಯೂಟಿ ಎಂಬ ರಾಸಾಯನಿಕಗಳನ್ನು ಸಾಮಾನ್ಯವಾಗಿ ಸೇರಿಸಲಾಗುವುದು. ಈ ರಾಸಾಯನಿಕಗಳು ಮಧುಮೇಹ ಸಮಸ್ಯೆ ಹೆಚ್ಚಾಗಲು ಮುಖ್ಯ ಕಾರಣವಾಗಿದೆ. ಈ ರಾಸಾಯನಿಕಗಳು ದೇಹದಲ್ಲಿ ಇನ್ಸುಲಿನ್ ಉತ್ಪತ್ತಿಯನ್ನು ಕಡಿಮೆ ಮಾಡಿ ಮಧುಮೇಹವನ್ನು ಹೆಚ್ಚು ಮಾಡುವುದು.

ಇಷ್ಟೇ ಅಲ್ಲ, ತ್ವಚೆ ಸೌಂದರ್ಯ ಹೆಚ್ಚು ಮಾಡಲು ನಾವು ಬಳಸುವ ಕ್ರೀಮ್ ಗಳು ಕ್ರಮೇಣ ನಮ್ಮ ತ್ವಚೆ ಸೌಂದರ್ಯವನ್ನು ಹಾಳು ಮಾಡಿ ನೆರಿಗೆ ಬರುವಂತೆ ಮಾಡುತ್ತದೆ. ಆದ್ದರಿಂದ ಕೆಮಿಕಲ್ ಇರುವ ಕ್ರೀಮ್ ಬದಲು ನೈಸರ್ಗಿಕವಾದ ವಸ್ತುಗಳನ್ನು ಬಳಸಿದರೆ ಸೌಂದರ್ಯಕ್ಕೆ ಮತ್ತು ಆರೋಗ್ಯಕ್ಕೆ ಯಾವುದೇ ತೊಂದರೆ ಉಂಟಾಗುವುದಿಲ್ಲ.

ಲಿಪ್ ಸ್ಟಿಕ್, ಲಿಪ್ ಕೇರ್, ನೇಲ್ ಪಾಲೀಷ್, ಕ್ರೀಮ್, ಬಾಡಿ ಸ್ಪ್ರೇ, ಹೇರ್ ಸ್ಪ್ರೇ ಇವುಗಳನ್ನು ಕೊಳ್ಳುವಾಗ ಉತ್ತಮ ಕಂಪನಿಯ ವಸ್ತುಗಳನ್ನು ನೋಡಿ ಕೊಂಡು ಕೊಳ್ಳಬೇಕು, ಅದರಲ್ಲೂ ಹೆಚ್ಚಾಗಿ ಆರ್ಯವೇದ ಸಾಧನಗಳನ್ನು ಬಳಸುವುದು ಒಳ್ಳೆಯದು. ಕಡಿಮೆ ಕೆಮಿಕಲ್ ಇರುವ ಸಾಧನಗಳನ್ನು ಬಳಸಿ ಸೌಂದರ್ಯ ಮತ್ತು ಆರೋಗ್ಯದ ರಕ್ಷಣೆ ಮಾಡಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.