ಐಟಿ ದಂಪತಿಗಳ ಮನೇಲಿ ತೂಗದ ತೊಟ್ಟಿಲು

Wellness

oi-Staff

By Super

Updated: Thursday, March 14, 2013, 12:11 [IST]

ಹೈದರಾಬಾದ್ , ಸೆ. 16 : ಶೇಕಡ 7ರಷ್ಟು ದುಡಿಯವ ದಂಪತಿಗಳಲ್ಲಿ ಸಂತಾನ ಶಕ್ತಿ ಕ್ಷೀಣಿಸುತ್ತಿದೆ ಎಂಬ ಆತಂಕದ ವಿಷಯ ಬಹಿರಂಗಗೊಂಡಿದೆ. ಪ್ರಮುಖವಾಗಿ ಐಟಿ ಕಂಪನಿಗಳು ಸೇರಿದಂತೆ ವಿಪರೀತ ಕೆಲಸದ ಒತ್ತಡದಲ್ಲಿ ದುಡಿಯುವ ದಂಪತಿಗಳಲ್ಲಿ ಫಲವತ್ತತೆ ಕಡಿಮೆಯಾಗುತ್ತಿದೆ ಎಂದು ಖ್ಯಾತ ವೈದ್ಯೆ ಡಾ. ನರ್ಮದಾ ದೇವಿ ಹೇಳಿದ್ದಾರೆ.

ಡಾ. ನರ್ಮದಾ ದೇವಿ ಸದ್ಯ ಹೈದರಾಬಾದಿನಲ್ಲಿ ವೃತ್ತಿನಿರತ ಫರ್ಟಿಲಿಟಿ ಸ್ಪೆಷಲಿಸ್ಟ್. ಅವರ ಫರ್ಟಿಲಿಟಿ ಕ್ಲಿನಿಕ್ ಗೆ 2 ವರ್ಷ ತುಂಬಿದ ಸಂದರ್ಭದಲ್ಲಿ ದುಡಿಯುವ ದಂಪತಿಗಳಲ್ಲಿ ಸಂತಾನ ಶಕ್ತಿ ಕ್ಷೀಣಿಸುವ, ನಿರ್ವೀರ್ಯರಾಗುತ್ತಿರುವ, ಬಂಜೆತನಕ್ಕೆ ಪಕ್ಕಾಗುವ ಕುರಿತು ಹೆಚ್ಚಿನ ಮಾಹಿತಿ ನೀಡಿದ್ದಾರೆ.

ಅವರು ನೀಡಿದ ಮಾಹಿತಿಯ ಸಾರ ಹೀಗಿದೆ: ಕೆಲಸದ ಒತ್ತಡ, ಡೆಡ್ ಲೈನ್, ಟಾರ್ಗೆಟ್, ಅಸಮರ್ಪಕ ಜೀವನಶೈಲಿ, ಒತ್ತಡದ ಬದುಕು, ಬೊಜ್ಜು, ನಗರೀಕರಣ, ವಿಳಂಬ ಮದುವೆ, ಕುಟುಂಬ ಯೋಜನೆಯನ್ನು ವಿಸ್ತರಿಸುವುದು ಇತ್ಯಾದಿಗಳು ಬಂಜೆತನ ಹೆಚ್ಚಳಕ್ಕೆ ಪ್ರಮುಖ ಕಾರಣ.

ನಗರಗಳಲ್ಲಿ ಶೇಕಡ 7ರಷ್ಟು ಮಂದಿ ದುಡಿಯುವ ದಂಪತಿಗಳು ಸಂತಾನಶಕ್ತಿ ಕಳೆದುಕೊಳ್ಳುತ್ತಿದ್ದಾರೆ. ಇದೇ ಕಾರಣಕ್ಕೆ ಫರ್ಟಿಲಿಟಿ ಕೇಂದ್ರಗಳು ಹೆಚ್ಚಾಗಿವೆ. ಹೈದರಾಬಾದಿನಲ್ಲಿ ಈಗಾಗಲೇ 20 ಫರ್ಟಿಲಿಟಿ ಚಿಕಿತ್ಸಾ ಕೇಂದ್ರಗಳಿವೆ. ವರ್ಷದಿಂದ ವರ್ಷಕ್ಕೆ ದುಡಿಯುವ ದಂಪತಿಗಳಲ್ಲಿ ಸಂತಾನಶಕ್ತಿ ಕುಂಠಿತವಾಗುವುದು ನಿಜಕ್ಕೂ ಆತಂಕಕಾರಿ ಎಂದು ಡಾ. ನರ್ಮದಾ ದೇವಿ ಹೇಳುತ್ತಾರೆ.

ಸುಮಾರು 100 ದಂಪತಿಗಳಲ್ಲಿ ಶೇಕಡ 15ರಷ್ಟು ದಂಪತಿಗಳಿಗೆ ಫಲವತ್ತತೆಯ ಚಿಕಿತ್ಸೆ ಅಗತ್ಯವಿದೆ. ಇದರಲ್ಲಿ ಪುರುಷರ ಪಾಲು ಶೇಕಡ 40ರಷ್ಟಿದೆ. ಹಿಂದೆ ದಂಪತಿಗಳು ಕುಟುಂಬದೊಂದಿಗೆ ಒಟ್ಟಾಗಿರುತ್ತಿದ್ದರು. ಇದರಿಂದ ಲೈಂಗಿಕ ಸಮಸ್ಯೆಗಳನ್ನು ಕುಟುಂಬದ ಆಪ್ತರಲ್ಲಿ ಹೇಳಿಕೊಳ್ಳಬಹುದಿತ್ತು. ಪ್ರಸಕ್ತ ಜೀವನಶೈಲಿಯೂ ಸಂತಾನಶಕ್ತಿ ಕ್ಷೀಣಿಸಲು ಪ್ರಮುಖ ಕಾರಣ ಎಂದಿದ್ದಾರೆ.

ಯಾರು ಡಾ. ನರ್ಮದಾ? Dr. H. Narmada Devi is a member of I.S.A.R - Indian Society For Assisted Reproduction. Gynecologic Endoscopy Surgeries of India and Life member of Federation of Obstetric and Gynaecological Societies of India (FOGSI). ಅವರ ಮೊಬೈಲ್ ಸಂಖ್ಯೆ: 98481 14279

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.