ಕೆನೆರಹಿತ ಹಾಲು ಆರೋಗ್ಯಕ್ಕೆ ಎಷ್ಟು ಪೂರಕ?

ಕೆನೆರಹಿತ ಹಾಲಿನಲ್ಲಿ ಕೊಲೆಸ್ಟ್ರಾಲ್ ಇಲ್ಲದಿರುವುದರಿಂದ ಅದು ಆರೋಗ್ಯಕ್ಕೆ ಒಳ್ಳೆಯದು ಎನ್ನಲಾಗಿದ್ದರೂ ಕೆಲವು ಸಂಶೋಧನೆಗಳು ಕೆನೆರಹಿತ ಹಾಲು ಆರೋಗ್ಯಕ್ಕೆ ಅಷ್ಟು ಪೂರಕವಾಗಿಲ್ಲ ಎಂದಿವೆ.

ಕೆನೆರಹಿತ ಹಾಲಿನಲ್ಲಿರುವ ಕೆಲವು ಅಂಶಗಳ ಬಗ್ಗೆ ತಿಳಿದುಕೊಳ್ಳೋಣ:
1. ಹಾಲಿನಲ್ಲಿರುವ ಪೂರ್ತಿ ಕೊಬ್ಬಿನಂಶವನ್ನು ತೆಗೆದು ಕೆನೆರಹಿತ ಹಾಲು ಮಾಡಿರುವುದರಿಂದ, ಕೊಬ್ಬಿನಾಂಶದಲ್ಲಿದ್ದ ವಿಟಮಿನ್ ಎ ಮತ್ತು ಡಿ ಕೆನೆರಹಿತ ಹಾಲಿನಲ್ಲಿ ಸಿಗುವುದಿಲ್ಲ. ಇದರಿಂದ ದೇಹದಲ್ಲಿ ಶೇಖರಿಸಲಾಗಿದ್ದ ಪೌಷ್ಟಿಕಾಂಶದ ಮೇಲೇ ಅವಲಂಬಿತವಾಗಬೇಕಾಗುತ್ತದೆ. ಈ ಕಾರಣದಿಂದ ದೇಹದಲ್ಲಿದ್ದ ಪೌಷ್ಟಿಕಾಂಶ ಕ್ಷೀಣಿಸುತ್ತದೆ.

2. ಕೆನೆರಹಿತ ಹಾಲು ಪಾಶ್ಚರೀಕರಣಕ್ಕೆ ಒಳಗಾಗಿರುತ್ತದೆ. ಪಾಶ್ಚರೀಕರಣದ ಸಂದರ್ಭದಲ್ಲಿ, ದೇಹಕ್ಕೆ ಅಗತ್ಯವಿರುವ ಪ್ರೊಟೀನ್ ಅಂಶ ಕಳೆದುಹೋಗುತ್ತದೆ. ಆದ್ದರಿಂದ ಆದಷ್ಟು ಕೆನೆಸಹಿತ ಹಾಲಿನ ಬಳಕೆಯೇ ಉತ್ತಮ. ಇದು ಜೀರ್ಣಕ್ರಿಯೆಗೂ ಸಹಾಯ ಮಾಡುತ್ತದೆ. ಮತ್ತು ಲ್ಯಾಕ್ಟೋಸ್ ಅಜೀರ್ಣತೆಯಿಂದ ಬಳಲುತ್ತಿದ್ದವರಿಗೆ ಕೆನೆರಹಿತ ಹಾಲು ಉತ್ತಮವಲ್ಲ.

3. ಪಾಶ್ಷರೀಕರಣಗೊಳಿಸುವಾಗ ಹಾಲಿನಲ್ಲಿನ ಎಲ್ಲ ಕೊಬ್ಬಿನಾಂಶ ತೆಗೆದುಬಿಡುವುದರಿಂದ ಹಾಲು ನೀರಿನಂತಾಗುತ್ತದೆ. ನೀರಿನಂತೆ ಕಾಣುವುದನ್ನು ಮರೆಮಾಚಲು ಅದಕ್ಕೆ ಒಣಗಿದ ಹಾಲಿನ ಪ್ರೊಟೀನ್ ಮಿಶ್ರಣ ಮಾಡಲಾಗುತ್ತದೆ. ಇದನ್ನು ದೇಹ ಸುಲಭವಾಗಿ ಜೀರ್ಣಿಸಿಕೊಳ್ಳುವುದಿಲ್ಲ.

4. ಕೆನೆರಹಿತ ಹಾಲನ್ನು ಮಾರಾಟಮಾಡುವವರು ಈ ಹಾಲಿನಲ್ಲಿ ಹೆಚ್ಚು ಪೌಷ್ಟಿಕಾಂಶವಿರುವುದಾಗಿ ಹೇಳುತ್ತಾರೆ. ಆದರೆ ಇದು ನಿಜವಾಗಿರುವುದಿಲ್ಲ, ಈ ಹಾಲಿನಲ್ಲಿ ನೈಸರ್ಗಿಕ ಪೋಷಕಾಂಶ ಗೌಣವಾಗಿರುತ್ತದೆ ಮತ್ತು ಇದು ಜೀರ್ಣಿಸಿಕೊಳ್ಳಲು ಕಷ್ಟವಾಗಿರುತ್ತದೆ.

ಆದ್ದರಿಂದ ಬರೀ ಕೆನೆರಹಿತ ಹಾಲು ಅಥವಾ ಕೆನೆಸಹಿತ ಹಾಲು ಕುಡಿಯುವುದಕ್ಕಿಂತ ಎರಡನ್ನೂ ಸಮಪ್ರಮಾಣದಲ್ಲಿ ಸೇವನೆ ಮಾಡುವುದು ಸೂಕ್ತ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.