ಒಮಿಕ್ರಾನ್‌ ಹರಡುತ್ತಿರುವಾಗ ಬಟ್ಟೆಯ ಮಾಸ್ಕ್ ಸುರಕ್ಷಿತವಲ್ಲ!

ಬಟ್ಟೆ ಮಾಸ್ಕ್ ಏಕೆ ಸುರಕ್ಷಿತವಲ್ಲ?

ನಾವು ಹೆಚ್ಚಾಗಿ ಬಟ್ಟೆ ಮಾಸ್ಕ್‌ ಧರಿಸುತ್ತೇವೆ, ಕೆಲವೇ ಕೆಲವರಷ್ಟೇ ಬಟ್ಟೆ ಮಾಸ್ಕ್‌ ಜೊತೆಗೆ ಸರ್ಜಿಕಲ್ ಮಾಸ್ಕ್‌ ಧರಿಸುತ್ತೇವೆ. ಆದರೆ ಬಟ್ಟೆ ಮಾಸ್ಕ್‌ ದೊಡ್ಡ ವೈರಸ್‌ ಕಣಗಳನ್ನು ಮಾತ್ರ ತಡೆಗಟ್ಟುತ್ತೆ, ಅದೇ ಅತೀ ಸೂಕ್ಷ್ಮ ವೈರಸ್ ಕಣಗಳನ್ನು ತಡೆಗಟ್ಟುವುದಿಲ್ಲ. ಆದ್ದರಿಂದ ಆರೋಗ್ಯ ತಜ್ಞರು ಬಟ್ಟೆ ಮಾಸ್ಕ್‌ ಬಳಸದಂತೆ ಸಲಹೆ ನೀಡುತ್ತಿದ್ದಾರೆ.

ಬಟ್ಟೆ ಮಾಸ್ಕ್

ಬಟ್ಟೆ ಮಾಸ್ಕ್‌ಗಳನ್ನು ಮರು ಬಳಕೆ ಮಾಡಬಹುದಾಗಿದೆ. ಬಳಸಿ ಬಿಸಾಡುವ ಮಾಸ್ಕ್‌ಗಿಂತ ಬಟ್ಟೆಯ ಮಾಸ್ಕ್‌ ಬಳಸುವುದರಿಂದ ಹಣದ ಉಳಿತಾಯ ಆಗುತ್ತೆ. ಈ ಮಾಸ್ಕ್‌ ದೊಡ್ಡ ಕಣಗಳ ವೈರಸ್ ತಡೆಗಟ್ಟುತ್ತೆ, ಆದರೆ ಅತೀಯಾದ ಸೂಕ್ಷ್ಮವಾದ ವೈರಸ್‌ ಕಣಗಳು ಒಳ ಹೀಗುವ ಸಾಧ್ಯತೆ ಇದೆ.

ಸರ್ಜಿಕಲ್ ಮಾಸ್ಕ್‌

ಸರ್ಜಿಕಲ್‌ ಮಾಸ್ಕ್‌ ಅನ್ನು ಒಂದು ಬಾರಿಯಷ್ಟೇ ಬಳಸಿ. ತುಂಬಾ ಸಡಿಲವಾದ ಸರ್ಜಿಕಲ್‌ ಮಾಸ್ಕ್ ಧರಿಸಬೇಡಿ. ಅಲ್ಲದೆ ಮೂಗು ಕೆಳಗಡೆ ಅಥವಾ ಗಲ್ಲಕ್ಕೆ ಹಾಕಬೇಡಿ, ಮಾಸ್ಕ್‌ ಅನ್ನು ಬಿಗಿಯಾಗಿ ಧರಿಸಿ. ಈ ಒಮಿಕ್ರಾನ್ ಸಮಯದಲ್ಲಿ ಒಂದು ಸರ್ಜಿಕಲ್‌ ಮಾಸ್ಕ್‌ ಧರಿಸುವುದು ಕೂಡ ಸುರಕ್ಷಿತವಲ್ಲ.

ಡಬಲ್ ಲೇಯರ್ ಮಾಸ್ಕ್‌

ಈ ಸಮಯದಲ್ಲಿ ನೀವು ಒಂದು ಬಟ್ಟೆಯ ಮಾಸ್ಕ್, ಸರ್ಜಿಕಲ್ ಮಾಸ್ಕ್‌ ಧರಿಸಿ ಅಥವಾ ಎರಡು ಸರ್ಜಿಕಲ್ ಮಾಸ್ಕ್‌ ಧರಿಸಿ. ಹೀಗೆ ಧರಿಸುವುದರಿಂದ ಸೇ.75ರಷ್ಟು ಸುರಕ್ಷತೆ ದೊರೆಯುವುದು.

N95 ಮಾಸ್ಕ್‌

N95 ಮಾಸ್ಕ್‌ ಧರಿಸುವುದರಿಂದ ಶೇ. 99ರಷ್ಟು ಸುರಕ್ಷತೆ ದೊರೆಯುವುದು. ಆದರೆ N95 ಮಾಸ್ಕ್‌ ತುಂಬಾ ಹೊತ್ತು ಧರಿಸಿರಲು ಸಾಧ್ಯವಿಲ್ಲ, ನೀವು ರೋಗಿಯನ್ನು ಆರೈಕೆ ಮಾಡುವಾಗ ಅಥವಾ ಜನರ ಗುಂಪಿರುವ ಕಡೆ ಹೋಗುವಾಗ ಇಂಥ ಮಾಸ್ಕ್‌ ಧರಿಸುವುದು ಒಳ್ಳೆಯದು.

ವಿಶ್ವ ಸಂಸ್ಥೆ ಪ್ರಕಾರ ಮಾಸ್ಕ್‌ ಹೇಗೆ ಧರಿಸಬೇಕು?

* ಮಾಸ್ಕ್‌ ಧರಿಸುವ ಮುನ್ನ ಕೈಗಳನ್ನು ತೊಳೆಯಿರಿ.

* ನಿಮ್ಮ ಮೂಗು, ಬಾಯಿ, ಗಲ್ಲವನ್ನು ಮುಚ್ಚುವಂತೆ ಮಾಸ್ಕ್ ಧರಿಸಿ.

* ಮಾಸ್ಕ್‌ ಬಿಚ್ಚಿದ ಬಳಿಕ ಅದನ್ನು ತೆಗೆದು ಕಸದ ಬುಟ್ಟಿಗೆ ಹಾಕಿ ನಂತರ ಕೈಗಳನ್ನು ಸೋಪು ಹಚ್ಚಿ ತೊಳೆಯಿರಿ.

* ಒಮ್ಮೆ ಬಳಸಿದ ಸರ್ಜಿಕಲ್ ಮಾಸ್ಕ್ ಮತ್ತೆ ಬಳಸಬೇಡಿ.