ಕೋವಿಡ್ 19 ಆ್ಯಂಟಿಬಾಡಿ ಪರೀಕ್ಷೆ : ಏನಿದು, ಇದರ ಸತ್ಯಾಂಶಗಳೇನು?

ಆ್ಯಂಟಿಬಾಡೀಸ್ ಎಂದರೇನು?

ಆ್ಯಂಟಿಬಾಡೀಸ್ ಎನ್ನುವುದು ಒಂದು ಪ್ರೊಟೀನ್ ಆಗಿದ್ದು ಇದನ್ನು ನಮ್ಮ ದೇಹದ ರೋಗ ನಿರೋಧಕ ವ್ಯವಸ್ಥೆಯೂ ಉತ್ಪಾದಿಸುತ್ತದೆ. ಆದರೆ ಇವುಗಳು ಒಂದು ನಿರ್ದಿಷ್ಟ ಕಾಯಿಲೆಯನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸುತ್ತದೆ. ಉದಾಹರಣೆಗೆ ಕೊರೊನಾ ತಡೆಗಟ್ಟುವ ಆ್ಯಂಟಿಬಾಡಿಗಳಾದರೆ ಅವು ಕೊರೊನಾವೈರಸ್‌ ವಿರುದ್ಧ ಮಾತ್ರ ಹೋರಾಡುತ್ತದೆ, ಇದರ ಸೋಂಕು ತಡೆಗಟ್ಟಲ್ಲ. ಅದೇ ರೀತಿ ಬೇರೆ ಕಾಯಿಲೆ ತಡೆಗಟ್ಟುವ ಆ್ಯಂಟಿ ಬಾಡೀಸ್ ಕೊರೊನಾವೈರಸ್ ತಡೆಗಟ್ಟಲ್ಲ.

ಆ್ಯಂಟಿಬಾಡಿ ಪರೀಕ್ಷೆಯಲ್ಲಿ ಯಾವ ವೈರಸ್‌ ವಿರುದ್ಧ ಹೋರಾಡುತ್ತದೆ ಎಂದು ನೋಡುತ್ತಿಲ್ಲ, ಬದಲಿಗೆ ಯಾವುದೇ ಕಾಯಿಲೆ ವಿರುದ್ಧ ಹೋರಾಡುವ ಶಕ್ತಿ ನಿಮ್ಮ ದೇಹದಲ್ಲಿ ಇದೆಯೇ ಎಂಬುವುದು ನೋಡಲಾಗುತ್ತಿದೆ.

ಆ್ಯಂಟಿಬಾಡೀಸ್ ಹೇಗೆ ಕಾರ್ಯನಿರ್ವಹಿಸುತ್ತಿದೆ?

ನಮ್ಮ ದೇಹದಲ್ಲಿ ಪ್ರಮುಖವಾಗಿ 5 ಬಗೆಯ ಆ್ಯಂಟಿಬಾಡೀಸ್ ಉತ್ಪತ್ತಿಯಾಗುತ್ತದೆ. ಈ

ಆ್ಯಂಟಿಬಾಡಿಗಳು ಸೋಂಕು ತಗುಲಿ ಚೇತರಿಸಿದ ಬಳಿಕ ಉಂಟಾಗುತ್ತದೆ. ಪರೀಕ್ಷೆಯಲ್ಲಿ ಹಿಮೋಗ್ಲೋಬಿನ್ A (IgA), M (IgM) ಮತ್ತು (IgG) 3 ಬಗೆಯಷ್ಟೇ ನೋಡಲಾಗುವುದು.

ಯಾವುದಾದರೂ ವಿದೇಶಿ ಅಥವಾ ಅಪರಿಚಿತ ವೈರಸ್ ತಾಳಿಯಾದಾಗ ಅದನ್ನು ತಡೆಗಟ್ಟಲು ಬಿ ಲಿಂಪೋಸೈಟ್ಸ್ ಉತ್ಪತ್ತಿಯಾಗುತ್ತದೆ ನಂತರ IgG ಅಥವಾ IgA ಆ್ಯಂಟಿಬಾಡಿಗಳು ಉತ್ಪತ್ತಿಯಾಗುವುದು. IgG ರಕ್ತದಲ್ಲಿ ಸಾಮಾನ್ಯವಾಗಿ ಕಂಡು ಬರುವ ಆ್ಯಂಟಿಬಾಡಿಗಳಾಗಿದ್ದು ಇದು ಬ್ಯಾಕ್ಟಿರಿಯಾ ಹಾಗೂ ವೈರಸ್‌ಗಳ ವಿರುದ್ಧ ಹೋರಾಡುತ್ತದೆ. IgA ಆ್ಯಂಟಿಬಾಡಿಗಳು ಎಂಜಲಿನಲ್ಲಿ ಕಂಡು ಬರುವುದು.

ಆ್ಯಂಟಿಬಾಡಿ ಸಾಮರ್ಥ್ಯ ಎಷ್ಟು ಸಮಯ ಇರುವುದು?

ಸಿಡಿಸಿ ( Centers for Disease Control and Prevention) ಪ್ರಕಾರ IgM ಮತ್ತು IgG ಆ್ಯಂಟಿಬಾಡಿಗಳು ಲಸಿಕೆ ಪಡೆದ 2-3 ವಾರಗಳ ಬಳಿಕ ಉತ್ಪತ್ತಿಯಾಗುವುದು, ಆದರೆ ಇವುಗಳು ದೇಹದಲ್ಲಿ ಎಷ್ಟು ಸಮಯ ಇರುತ್ತದೆ ಎಂಬುವುದೂ ಇನ್ನೂ ತಿಳಿದು ಬಂದಿಲ್ಲ.

ಆ್ಯಂಟಿಬಾಡಿ ಪರೀಕ್ಷೆಯಲ್ಲಿ ನೆಗೆಟಿವ್ ಬಂದ್ರೆ?

ಒಂದು ವೇಳೆ ಆ್ಯಂಟಿಬಾಡಿ ಪರೀಕ್ಷೆ ಮಾಡಿಸಿದಾಗ ನೆಗೆಟಿವ್ ಬಂದ್ರೆ ಇನ್ನೂ ಕೊರೊನಾವೈರಸ್ ಬಂದಿಲ್ಲಾ ಅಂದ್ರೆ ಅಥವಾ ಕೊರೊನಾದಿಂದ ಚೇತರಿಸಿದ ಬಳಿಕ ಅಥವಾ ಲಸಿಕೆ ಪಡೆದ ಬಳಿಕ ಬೇಗನೆ ಪರೀಕ್ಷೆ ಮಾಡಿಸಿದ್ದರೆ ವರದಿ ನೆಗೆಟಿವ್ ಬರುವುದು.

ಯಾವಾಗ ಆ್ಯಂಟಿಬಾಡಿ ಪರೀಕ್ಷೆ ಮಾಡಿಸಬೇಕು

ಕೊರೊನಾ ಲಸಿಕೆ ಪಡೆದವರು 2-3 ವಾರಗಳ ಬಳಿಕ ಪರೀಕ್ಷೆ ಮಾಡಬೇಕು, ಇಲ್ಲದಿದ್ದರೆ ವರದಿ ನೆಗೆಟಿವ್ ಬರುವ ಸಾಧ್ಯತೆ ಇದೆ.

ಆ್ಯಂಟಿಬಾಡಿ ಪರೀಕ್ಷೆ ವರದಿ ಪಾಸಿಟಿವ್ ಬಂದ್ರೆ?

ಆ್ಯಂಟಿಬಾಡಿ ಪರೀಕ್ಷೆ ಮಾಡಿಸಿದಾಗ ಅದು ಪಾಸಿಟಿವ್ ಬಂದ್ರೆ ರೋಗದ ವಿರುದ್ಧ ಹೋರಾಡುವ ಸಾಮರ್ಥ್ಯ ಬಂದಿದೆ ಎಂದು ಹೇಳಬಹುದು. ನಿಮ್ಮ ದೇಹವು ಆ ವೈರಸ್‌ ಅನ್ನು ಗುರುತಿಸಿ ಹೋರಾಡುವಲ್ಲಿ ಸಮರ್ಥವಾಗುವುದು.

ಆ್ಯಂಟಿಬಾಡಿ ಹಾಗೇ ಇರುವುದೇ?

ಇಲ್ಲ, ಕೆಲವು ತಿಂಗಳು ಕಳೆಯುತ್ತಿದ್ದಂತೆ ದೇಹದಲ್ಲಿ ಆ ಆ್ಯಂಟಿಬಾಡಿಗಳ ಸಾಮರ್ಥ್ಯ ಕಡಿಮೆಯಾಗುವುದು, ಆದರೆ ಎಷ್ಟು ಸಮಯ ಇರುತ್ತದೆ ಎಂದು ನಿಖರವಾಗಿ ಹೇಳಲು ಇನ್ನೂ ಸಾಧ್ಯವಾಗುತ್ತಿಲ್ಲ. ಕೆಲವರಲ್ಲಿ 3 ತಿಂಗಳು, ಇನ್ನೂ ಕೆಲವರಲ್ಲಿ 6 ತಿಂಗಳು ಕಂಡು ಬಂದಿದೆ, ಇನ್ನೂ ಹೆಚ್ಚಿನ ಸಮಯ ಕೂಡ ಕಾಣಿಸಿಕೊಳ್ಳಬಹುದು. ಇದರ ಬಗ್ಗೆ ಹೆಚ್ಚಿನ ಅಧ್ಯಯನಗಳು ನಡೆಯುತ್ತಿವೆ. ಸಂಶೋಧಕರ ಪ್ರಕಾರ ಆ್ಯಂಟಿಬಾಡಿ ಪರೀಕ್ಷೆ ಮಾಡಿಸುವುದರಿಂದ ಭವಿಷ್ಯದಲ್ಲಿ ಕೊರೊನಾ ಬಾರದಂತೆ ಮುನ್ನೆಚ್ಚರಿಕೆವಹಿಸಬಹುದು ಎಂದಿದ್ದಾರೆ.

ವಿರುದ್ಧ ವಾದವೂ ಇದೆ

ಅಮೆರಿಕದ ಫುಡ್‌ ಅಂಡ್‌ ಡ್ರಗ್‌ ಅಡ್ಮಿನಿಸ್ಟ್ರೇಷನ್ ಈ ರೀತಿಯ ಪರೀಕ್ಷೆ ಸರಿಯಲ್ಲ, ಒಂದು ವೇಳೆ ಪರೀಕ್ಷೆ ವರದಿ ತಪ್ಪಾದರೆ ಅಂದ್ರೆ ನೆಗೆಟಿವ್ ಬಂದ್ರೆ ಜನರು ಜ್ವರ ತಡೆಟ್ಟುವ ಮಾತ್ರೆಗಳನ್ನು ತೆಗೆದುಕೊಳ್ಳುವ ಸಾಧ್ಯತೆ ಇದೆ, ಇದು ಅಪಾಯಕಾರಿ ಎಂದು ಹೇಳಿದೆ.