ಕೊರೊನಾ ತಡೆಗೆ ಗ್ಲೌಸ್‌ ಬಳಸಿ ತರಕಾರಿ ತೊಳೆಯುತ್ತಿದ್ದೀರಾ? ಡೇಂಜರ್

ತರಕಾರಿಗಳನ್ನು ಹೀಗೆ ತೊಳೆಯಲೇಬೇಡಿ

ಕೊರೊನಾವೈರಸ್‌ ಭಯಕ್ಕೆ ಜನರು ಏನು ಮಾಡುತ್ತಿದ್ದಾರೆ ಎಂಬುವುದು ಅವರಿಗೇ ಅರ್ಥವಾಗುತ್ತಿಲ್ಲ. ಕೆಲವರು ಹೊರಗಿನಿಂದ ತಂದ ತರಕಾರಿಗಳಿಗೆ ಕ್ರಿಮಿ ನಾಶಕಗಳನ್ನು ಸಿಂಪಡಿಸುವುದು, ಸೋಪ್‌ ನೀರಿನಲ್ಲಿ ತೊಳೆಯುವುದು ಮಾಡುತ್ತಿದ್ದಾರೆ. ಆದರೆ ಹೀಗೆ ಮಾಡುವುದು ಆರೋಗ್ಯಕ್ಕೆ ಹಾನಿಕಾರಕ. ಇನ್ನು ಕೆಲವರು ಗ್ಲೌಸ್‌ ಬಳಸಿ ತೊಳೆಯುತ್ತಾರೆ, ಆದರೆ ಅದು ಕೂಡ ಸರಿಯಾದ ವಿಧಾನವಲ್ಲ.

ಏನು ಮಾಡಬೇಕು?

ಹೊರಗಿನಿಂದ ಕೊಂಡು ತಂದ ತರಕಾರಿಗಳನ್ನು ನಲ್ಲಿ ನೀರಿನಲ್ಲಿ ತೊಳೆಯಿರಿ, ನಂತರ ಬಟ್ಟೆಯಲ್ಲಿ ಒರೆಸಿ ತೆಗೆದಿಡಿ. ತರಕಾರಿ ತೊಳೆದ ಬಳಿಕ ನಿಮ್ಮ ಕೈಗಳನ್ನು ತೊಳೆಯಿರಿ.

ಗ್ಲೌಸ್‌ ಬಳಸಿ ತರಕಾರಿ ತೊಳೆಯಬಹುದೇ?

ಕೆಲವರು ತರಕಾರಿ ಕೊಳ್ಳಲು ಹೋಗುವಾಗ ಗ್ಲೌಸ್‌ ಬಳಸುವುದನ್ನು ನೋಡುತ್ತೇವೆ. ಗ್ಲೌಸ್‌ ಬಳಸುವುದರಿಂದ ಕೊರೊನಾವೈರಸ್‌ ಬರದಂತೆ ತಡೆಯಬಹುದು ಎಂದು ಯೋಚಿಸುತ್ತಾರೆ, ಆದರೆ ಗ್ಲೌಸ್‌ ಕೊರೊನಾವೈರಸ್‌ ಹರುಡುವುದಕ್ಕೆ ಕಾರಣವಾಗುತ್ತದೆ ಎಂಬುವುದು ಗೊತ್ತೇ?

ಗ್ಲೌಸ್‌ ಧರಿಸಿದ ಕೈಗಳನ್ನು ಏನಾದರೂ ವಸ್ತು ಮುಟ್ಟುತ್ತೀರಿ, ಆ ವಸ್ತುವನ್ನು ಸೋಂಕಿತ ಮುಟ್ಟಿದ್ದರೆ ಆ ಸೋಂಕು ಗ್ಲೌಸ್‌ಗೆ ಅಂಟಿಕೊಳ್ಳುತ್ತದೆ, ನಂತರ ಮುಟ್ಟುವ ಇತರ ವಸ್ತುಗಳಿಗೂ ಹರಡುತ್ತದೆ. ಆದ್ದರಿಂದ ಗ್ಲೌಸ್‌ ಬಳಸುವ ಬದಲು ಕೈಗಳಿಗೆ ಸ್ಯಾನಿಟೈಸರ್‌ ಹಚ್ಚಿ, ದಿನಸಿ ಸಾಮಾನು ಕೊಳ್ಳುವ ಮುನ್ನ ಹಾಗೂ ನಂತರ ಸ್ಯಾನಿಟೈಸರ್ ಬಳಸಿ.

ಕ್ಯಾಶ್‌ ಹಾಗೂ ಕಾರ್ಡ್‌ ಬಳಸುವಾಗ ಎಚ್ಚರವಹಿಸಿ

ಈ ಸಮಯದಲ್ಲಿ ಪೇಟಿಎಂ, ಗೂಗಲ್‌ ಪೇ ಈ ರೀತಿ ಡಿಜಿಟಲ್ ವ್ಯವಹಾರ ಒಳ್ಳೆಯದು. ಕಾರ್ಡ್‌ ಬಳಸುವುದು, ಕ್ಯಾಶ್‌ ಬಳಸುವುದು ಅಷ್ಟು ಸುರಕ್ಷಿತವಲ್ಲ. ಒಂದು ವೇಳೆ ಬಳಸುವುದಾದರೆ ಅವರಿಂದ ಹಣ ಅಥವಾ ಕಾರ್ಡ್‌ ಪಡೆಯುವ ಮುನ್ನ ಹಾಗೂ ನಂತರ ಕೈಗಳಿಗೆ ಸ್ಯಾನಿಟೈಸರ್ ಹಚ್ಚಿ.

ಮಾಸ್ಕ್‌ ಕಡ್ಡಾಯ ಬಳಸಿ

ನೀವು ಮಾಸ್ಕ್‌ ಬಳಸುವುದು ರೂಢಿಸಿಕೊಳ್ಳಲೇಬೇಕು. ಏಕೆಂದರೆ ಇನ್ನು ಕೆಲವು ತಿಂಗಳವರೆಗೆ ಆದರೂ ಮಾಸ್ಕ್‌ ಇಲ್ಲದೆ ಓಡಾಡುವುದು ಸುರಕ್ಷಿತವಲ್ಲ. ಮಾಸ್ಕ್‌ ಧರಿಸುವುದರಿಂದ ನೀವು ಸರಕ್ಷಿತ, ಇತರರು ಸುರಕ್ಷಿತ. ಒಮ್ಮೆ ಮಾಸ್ಕ್ ಧರಿಸಿದ ಮೇಲೆ ಆಗಾಗ ಅದನ್ನು ಕೈಗಳಿಂದ ಮುಟ್ಟಬೇಡಿ. ಇನ್ನು ವಾಶ್‌ ಮಾಡಿ ಬಳಸುವ ಮಾಸ್ಕ್‌ ಆದರೆ ಒಮ್ಮೆ ಬಳಸಿದ ಬಳಿಕ ಸೋಪ್‌ ನೀರಿನಲ್ಲಿ ತೊಳೆಯಿರಿ. ಇನ್ನು ಸರ್ಜಿಕಲ್ ಮಾಸ್ಕ್‌ 8 ಗಂಟೆಗಿಂತ ಹೆಚ್ಚು ಬಳಸಬೇಡಿ.

ಹೊರಗಡೆ ಹೋಗುವಾಗ ಮುನ್ನೆಚ್ಚರಿಕೆ ವಹಿಸಿ, ಅನಗ್ಯತವಾಗಿ ಓಡಾಡಬೇಡಿ, ಮಕ್ಕಳು, ವಯಸ್ಸಾದವರೂ ಮನೆಯಲ್ಲಿಯೇ ಇರುವುದು ಸೇಫ್‌.