ಮಹಿಳೆಯರೇ, ಈ ಲಸಿಕೆ ಪಡೆದರೆ ಗರ್ಭಕಂಠ ಕ್ಯಾನ್ಸರ್‌ ತಡೆಗಟ್ಟಬಹುದು

ಗರ್ಭಕಂಠದ ಕ್ಯಾನ್ಸರ್ ಬರಲು ಕಾರಣವೇನು?

ಗರ್ಭಕಂಠದ ಕ್ಯಾನ್ಸರ್ ಪ್ಯಾಪಿಲೋಮವೈರಸ್(papillomavirus)ನಿಂದ ಉಂಟಾಗುವುದು. ಇದು ಲೈಂಗಿಕ ಸೋಂಕಿನಿಂದಾಗಿ ಉಂಟಾಗುವುದು. ಗುಪ್ತಾಂಗದ ನೈರ್ಮಲ್ಯದ ಕಡೆ ಹೆಚ್ಚು ಗಮನ ನೀಡದೇ ಇದ್ದರೆ ಈ ಕ್ಯಾನ್ಸರ್ ಅಪಾಯ ಹೆಚ್ಚು. ಯಾರು ಗುಪ್ತಾಂಗದ ಶುಚಿತ್ವ ಕಡೆಗೆ ಹೆಚ್ಚು ಗಮನ ನೀಡುತ್ತಾರೋ ಅವರಿಗೆ ಈ ಗರ್ಭಕಂಠದ ಅಪಾಯ ಕಡಿಮೆ. ಗರ್ಭಕಂಠದ ಕ್ಯಾನ್ಸರ್ ನಗರ ಪ್ರದೇಶದ ಮಹಿಳೆಯರಿಗಿಂತ ಹಳ್ಳಿಗಳಲ್ಲಿರುವ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ.

ಗರ್ಭಕಂಠದ ಕ್ಯಾನ್ಸರ್ ತಡೆಗಟ್ಟುವುದು ಹೇಗೆ?

ಗರ್ಭಕಂಠದ ಕ್ಯಾನ್ಸರ್ ಅನ್ನು HPV ಲಸಿಕೆ ಮೂಲಕ ತಡೆಗಟ್ಟಬಹುದು. ಈ ಲಸಿಕೆಯನ್ನು ಪಡೆಯುವುದರಿಂದ ಗರ್ಭಕಂಠದ ಕ್ಯಾನ್ಸರ್ ತಡೆಗಟ್ಟಬಹುದು. ಲೈಂಗಿಕಕ್ರಿಯೆ ಸಕ್ರೀಯವಾಗಿರುವವರಲ್ಲಿ ಈ ಸೋಂಕು ಹೆಚ್ಚಾಗಿ ಕಂಡು ಬರುವುದು. ಕೆಲವರಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆ ಇರುತ್ತದೆ ಅವರಿಗೆ ಲೈಂಗಿಕ ಸೋಂಕು ಉಂಟಾಗುವುದಿಲ್ಲ. ಆದರೆ ಕೆಲವರಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆ ಇರುತ್ತದೆ, ಆಗ ಈ ರೀತಿ ಗರ್ಭಕಂಠದ ಕ್ಯಾನ್ಸರ್ ಉಂಟಾಗುವ ಅಪಾಯ ಇದೆ. ಆದರೆ HPV ಲಸಿಕೆ ಪಡೆದುಕೊಂಡರೆ ಶೇ. 95ರಷ್ಟು ಲೈಂಗಿಕ ಸೋಂಕು ತಡೆಗಟ್ಟಬಹುದು.

ಯಾರು HPV ಲಸಿಕೆ ಪಡೆಯಬಹುದು?

ಹದಿಹರೆಯ ಪ್ರಾಯದ ಹೆಣ್ಣು ಮಕ್ಕಳಿಗೆ ಈ ಲಸಿಕೆ ನೀಡಲಾಗುವುದು, ಅವರು ಲೈಂಗಿಕವಾಗಿ ಸಕ್ರಿಯವಾಗುವ ಮುನ್ನ ಅಂದರೆ 12 ಅಥವಾ 12ನೇ ವಯಸ್ಸಿನಲ್ಲಿ ಈ ಲಸಿಕೆ ಪಡೆಯುವುದರಿಂದ ಗರ್ಭಕಂಠದ ಅಪಾಯವನ್ನು ಶೇ. 70ರಷ್ಟು ತಪ್ಪಿಸಬಹುದು. ಆದರೆ ಈ ಲಸಿಕೆ ಪಡೆದ ಗರ್ಭಕಂಠದ ಕ್ಯಾನ್ಸರ್ ಅಪಾಯ ಇಲ್ಲವೇ ಇಲ್ಲ ಎಂದು ಹೇಳಲು ಸಾಧ್ಯವಿಲ್ಲ. ಆದ್ದರಿಂದ ಮಹಿಳೆಯರು ಲೈಂಗಿಕವಾಗಿ ಸಕ್ರೀಯವಾದಾಗ ಅಂದರೆ ಮದುವೆ ಬಳಿಕ ನಿಯಮಿತ ತಪಾಸಣೆ ಮಾಡಿಸುವುದು ಒಳ್ಳೆಯದು.

11-26 ವಯಸ್ಸಿನ ಹೆಣ್ಣು ಮಕ್ಕಳು ಈ ಲಸಿಕೆ ಪಡೆಯಬಹುದು. ಯುಎಸ್‌ನಲ್ಲಿ 45 ವರ್ಷದವರೆಗೂ ಈ ಲಸಿಕೆ ನೀಡಲಾಗುವುದು. ಮಹಿಳೆಯರು ಈ ಲಸಿಕೆ ಪಡೆಯುವುದರಿಂದ ಗರ್ಭಕಂಠದ ಕ್ಯಾನ್ಸರ್ ತಡೆಗಟ್ಟಬಹುದು.

ಯಾರು ಮದುವೆಗೆ ಮೊದಲು ಈ ಲಸಿಕೆ ಪಡೆಯುತ್ತಾರೋ ಅವರಲ್ಲಿ ಲೈಂಗಿಕ ಸೋಂಕು ವಿರುದ್ಧ ಹೋರಾಡುವ ಪ್ರತಿರೋಧಕ ಶಕ್ತಿ ಅಧಿಕವಿರುತ್ತದೆ ಎಂದು ತಜ್ಞರು ಹೇಳುತ್ತಾರೆ.