ಭಾರತದ ವಿಜ್ಞಾನಿಗಳು ತಯಾರಿಸಿದ ಈ ಹೊಸ ಲಸಿಕೆ ಬಂದ್ರೆ ಕೊರೊನಾ ಆತಂಕವೇ ಇರಲ್ಲ

ಕೊರೊನಾ ಎಲ್ಲಾ ರೂಪಾಂತರಗಳಿಗೆ ಒಂದೇ ಕೊರೊನಾ ಲಸಿಕೆ

ಭಾರತೀಯ ವಿಜ್ಞಾನಿಗಳು ಕೊರೊನಾ ಎಲ್ಲಾ ಬಗೆಯ ರೂಪಾಂತರ ತಡೆಗಟ್ಟುವ ಲಸಿಕೆಯನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಕೊರೊನಾ ಪತ್ತೆಯಾಗಿ ಎರಡು ವರ್ಷಗಳಾಗಿವೆ. ಈ ಎರಡು ವರ್ಷದಲ್ಲಿ ಹಲವಾರು ರೂಪಾಂತರ ಉಂಟಾಗಿದೆ. ಕೊರೊನಾವನ್ನು ತಡೆಗಟ್ಟಲು ಹೊಸದಾಗಿ ಲಸಿಕೆಯನ್ನು ಕಂಡು ಹಿಡಿದು ನೀಡಲಾಯಿತು. ಲಸಿಕೆ ಪರಿಣಾಕಾರಿಯಾಯಿತು ಎಂದು ಅಂದುಕೊಳ್ಳುವಷ್ಟರಲ್ಲಿ ಹೊಸ ಬಗೆಯ ರೂಪಾಂತರ ಕಂಡು ಬಂತು, ಆ ಹೊಸ ರೂಪಾಂತರ ಒಮಿಕ್ರಾನ್‌ ತಡೆಗಟ್ಟುವಲ್ಲಿ ಈಗಿರುವ ಲಸಿಕೆಗಳು ಅಷ್ಟು ಪರಿಣಾಮಕಾರಿಯಾಗಿಲ್ಲ. ಆದರೆ ಬಾರತೀಯ ವಿಜ್ಞಾನಿಗಳು ತಯಾರಿಸಿರುವ ಲಸಿಕೆ ಯಾವುದೇ ಬಗೆಯ ಕೊರೊನಾ ರೂಪಾಂತರ ತಡೆಗಟ್ಟುವ ಸಾಮರ್ಥ್ಯ ಹೊಂದಿದೆ ಎಂದು ವಿಜ್ಞಾನಿಗಳು ಹೇಳುತ್ತಿದ್ದಾರೆ.

ಈ ಲಸಿಕೆಯನ್ನು ಅಸನ್ಸೋಲ್‌ನ ಕಾಜಿ ನಜ್ರುಲ್ ವಿಶ್ವವಿದ್ಯಾಲಯ ಮತ್ತು ಭುವನೇಶ್ವರದ ಇಂಡಿಯನ್‌ ಇನ್ಸಿಟ್ಯೂಟ್‌ ಆಫ್‌ ಸೈನ್ಸ್ ಎಜುಕೇಷನ್ ಅಂಡ್‌ ರಿಸರ್ಜ್‌ ಸಂಶೋಧನೆ ನಡೆಸಿ ತಯಾರಿಸಿದ ಲಸಿಕೆಯಾಗಿದೆ.

ಈ ಸಂಶೋಧನೆಯನ್ನು ಜರ್ನಲ್‌ ಆಫ್‌ ಮೋಲೇಕ್ಯೂಲರ್‌ ಲಿಕ್ವಿಡ್ಸ್ ಒಪ್ಪಿದೆ.

ಈ ಲಸಿಕೆ ಎಷ್ಟು ಸಮರ್ಥವಾಗಿದೆ?

ಸಂಶೋಧಕರ ಪ್ರಕಾರ ಈ ಲಸಿಕೆ hCoV-229E, hCoV-HKU1, hCoV-OC43, SARS-CoV, MERS-CoV ಹಾಗೂ SARS-CoV-2 ವೈರಸ್‌ ತಡೆಗಟ್ಟುವ ಸಾಮರ್ಥ್ಯ ಹೊಂದಿದೆ.

ಪ್ರಪಂಚದಲ್ಲಿ ಬೇರೆ ಎಲ್ಲಿಯೂ ಎಲ್ಲಾ ಬಗೆಯ ಕೊರೊನಾ ರೂಪಾಂತರಗಳನ್ನು ತಡೆಗಟ್ಟುವ ಸಾಮರ್ಥ್ಯದ ಲಸಿಕೆ ಕಂಡು ಹಿಡಿದಿಲ್ಲ, ಭಾರತವೂ ಈ ನಿಟ್ಟಿನಲ್ಲಿ ಯಶಸ್ವಿಯಾಗಿದೆ.

ಈ ಲಸಿಕೆ ಇತರ ಲಸಿಕೆಗಿಂತ ಹೇಗೆ ಭಿನ್ನವಾಗಿದೆ?

ಇದರಲ್ಲಿ TLR4 ಪ್ರೋಟೀನ್ ಇದ್ದು ಈ ಪ್ರೊಟೀನ್‌ SARS-COV-2 ವೈರಸ್‌ ದೇಹದೊಳಗೆ ಪ್ರವೇಶಿಸಿದ ತಕ್ಷಣ ಪತ್ತೆ ಹಚ್ಚಿ ಆ ವೈರಸ್ ವಿರುದ್ಧ ಹೋರಾಡುವುದು.

ನಾವು ರೋಗಿಗೆ ಈ ಲಸಿಕೆ ನೀಡಿದ್ದೆವು, ಈ ಲಸಿಕೆ ವೈರಸ್‌ ವಿರುದ್ಧ ಅತಿ ಶಕ್ತವಾಗಿ ಹೋರಾಡಿ ರಕ್ಷಣೆ ನೀಡಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.

ಕೊನೆಯದಾಗಿ: ಈಗ ಭಾರತದಲ್ಲಿ 2 ಡೋಸ್ ಲಸಿಕೆ ಜೊತೆಗೆ ಬೂಸ್ಟರ್‌ ನೀಡಲಾಗುತ್ತಿದೆ. ಹೊಸದಾಗಿ ವಿಜ್ಞಾನಿಗಳು ಕಂಡು ಹಿಡಿದರುವ ಲಸಿಕೆ ಪರೀಕ್ಷೆ ಹಂತದಲ್ಲಿದೆ. ಈ ಲಸಿಕೆ ಬಂದ್ರೆ ಯಾವುದೇ ಕೊರೊನಾ ರೂಪಾಂತರ ಬಂದರೂ ಶಕ್ತವಾಗಿ ಎದುರಿಸಬಹುದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ.