ನ್ಯೂಮೋನಿಯಾ ಬಂದಾಗ ಮನೆಯಲ್ಲಿ ಚಿಕಿತ್ಸೆ ಪಡೆಯುವುವದಾದರೆ ಏನು ಮಾಡಬೇಕು?

Updated: Friday, November 19, 2021, 10:27 [IST]

ಮಳೆಗಾಲದಲ್ಲಿ ಸುರಿಯುವಂತೆ ಮಳೆ ಸುರಿಯುತ್ತಿದೆ, ಮಳೆಯಿಂದಾಗಿ ಜನರಲ್ಲಿ ಕಾಯಿಲೆಗಳು ಕೂಡ ಅಧಿಕವಾಗುತ್ತಿದೆ. ಜ್ವರ, ನೆಗಡಿ, ಕೆಮ್ಮು ಈ ರೀತಿಯ ಸಮಸ್ಯೆಗಳು ಹೆಚ್ಚಾಗಿ ಕಂಡು ಬರುತ್ತಿದೆ. ಕೆಲವರಲ್ಲಿ ನ್ಯೂಮೋನಿಯಾ ಜ್ವರ ಕಾಣಿಸಿಕೊಳ್ಳುತ್ತಿದೆ. ನ್ಯೂಮೋನಿಯಾ ಬಂದವರೆಲ್ಲರೂ ಆಸ್ಪತ್ರೆಗೆ ಅಡ್ಮಿಟ್ ಆಗಬೇಕಾಗಿ. ನಿಮ್ಮ ಆರೋಗ್ಯ ಸ್ಥಿತಿ ನೋಡಿ ಅಡ್ಮಿಟ್ ಆಗಬೇಕೋ, ಬೇಡ್ವೋ ಎಂಬುವುದನ್ನು ವೈದ್ಯರೇ ಸೂಚಿಸುತ್ತಾರೆ.

ಮನೆಯಲ್ಲಿಯೇ ಇದ್ದು ಚಿಕಿತ್ಸೆ ಪಡೆಯುವುದಾದರೆ ಸರಿಯಾದ ರೀತಿಯಲ್ಲಿ ಆರೈಕೆ ಮಾಡಬೇಕು. ನ್ಯೋಮೋನಿಯಾ ಇರುವವರನ್ನು ಮನೆಯಲ್ಲಿಯೇ ಹೇಗೆ ಆರೈಕೆ ಮಾಡಬೇಕು ಎಂಬುವುದನ್ನು ನೋಡೋಣ:

ನ್ಯೂಮೋನಿಯಾ ಬರಲು ಕಾರಣವೇನು?

ನ್ಯೋಮೋನಿಯಾ ಇನ್‌ಫೆಕ್ಷನ್‌ (ಸೋಂಕು) ಅಥವಾ ನಾನ್‌ ಇನ್‌ಫೆಕ್ಷನ್‌ ಕಾರಣದಿಂದ ಬರಬಹುದು. ಸಾಮನ್ಯವಾಗಿ ನ್ಯೂಮೋನಿಯಾ ಬ್ಯಾಕ್ಟಿರಿಯಾ ಸೋಂಕಿನಿಂದಾಗಿ ಉಂಟಾಗುವುದು. ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರಲ್ಲಿ ನ್ಯೂಮೋನಿಯಾ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ. ಮಧುಮೇಹ, ರೋಗ ನಿರೋಧಕ ಶಕ್ತಿಯ ಕೊರತೆ, ಪೋಷಕಾಂಶದ ಕೊರತೆ, ಹೃದಯ ಸಮಸ್ಯೆ, ಧೂಮಪಾನದ ಚಟ ಇರುವವರಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ.