ಕೋವಿಡ್ 19: ವೈರಾಣು ತಡೆಯುವಲ್ಲಿ ಬಟ್ಟೆ ಹಾಗೂ ಸರ್ಜಿಕಲ್ ಮಾಸ್ಕ್ ವಿಫಲ

ಕೊರೊನಾವೈರಸ್‌: ಬಟ್ಟೆ ಹಾಗೂ ಸರ್ಜಿಕಲ್ ಮಾಸ್ಕ್ ಪರಿಣಾಮಕಾರಿಯೇ?

ಕೋವಿಡ್ 19 ಪಿಡುಗು ಪ್ರಾರಂಭವಾದಾಗಿನಿಂದ ಕೊರೊನಾವೈರಸ್‌ ತಡೆಗಟ್ಟುವುದರಲ್ಲಿ ಬಟ್ಟೆ ಹಾಗೂ ಸರ್ಜಿಕಲ್ ಮಾಸ್ಕ್ ಎಷ್ಟರ ಮಟ್ಟಿಗೆ ಪರಿಣಾಮಕಾರಿ ಎಂಬುವುದರ ಬಗ್ಗೆ ಚರ್ಚೆಗಳು ನಡೆಯುತ್ತಲೇ ಇವೆ. CDC ಕೊರೊನಾವೈರಸ್‌ ಸೋಂಕು ಹರಡುವುದನ್ನು ತಡೆಗಟ್ಟಲು ಜನರಿಗೆ ಬಟ್ಟೆಯಿಂದ ಮಾಡಿದ ಮಾಸ್ಕ್‌ ಧರಿಸುವಂತೆ ಸಲಹೆ ನೀಡಿತ್ತು.

ಮಾಸ್ಕ್‌ ಪರಿಣಾಮದ ಬಗ್ಗೆ ಅಧ್ಯಯನಗಳು ಏನು ಹೇಳುತ್ತವೆ?

ನೇಚರ್‌ ಜರ್ನಲ್‌ನಲ್ಲಿ ಪ್ರಕಟವಾದ ಅಧ್ಯಯನ ವರದಿಯೂ ಸರ್ಜಿಕಲ್ ಮಾಸ್ಕ್‌ ಕೆಮ್ಮು, ಸೀನು ಉಸಿರಾಟದ ತೊಂದರೆ ಇರುವ ವ್ಯಕ್ತಿಗಳಿಂದ ರೋಗಾಣುಗಳು ಹರಡುವುದನ್ನು ತಡೆಗಟ್ಟುವುದರಲ್ಲಿ ಸರ್ಜಿಕಲ್ ಮಾಸ್ಕ್‌ ಸಾಧಾರಣದ ಮಟ್ಟಿಗೆಯಷ್ಟೇ ಪರಿಣಾಮಕಾರಿಯಾಗಿದೆ ಎಂದು ಹೇಳಿದೆ. ಆದರೆ ಕೊರೊನಾವೈರಸ್‌ ತಡೆಗಟ್ಟುವಲ್ಲಿ ಇದು ಪರಿಣಾಮಕಾರಿಯಾಗಿಲ್ಲ.

ಇತ್ತೀಚೆಗೆ ನಡೆಸಿದ ಅಧ್ಯಯನ ವರದಿ

ಯೂನಿವರ್ಸಿಟಿ ಆಫ್‌ ಉಲ್ಸಾನ್ ಕಾಲೇಜ್ ಆಫ್‌ ಮೆಡಿಸಿನ್, ಚುಂಗ್ ಆಂಗ್ ಯೂನಿವರ್ಸಿಟಿ ಹಾಸ್ಪಿಟಲ್, ದಕ್ಷಿಣ ಕೊರೊಯಾ ಸಿಜೋಂಗ್ ಯೂನಿವರ್ಸಿಟಿ ಸರ್ಜಿಕಲ್ ಮಾಸ್ಕ್‌ ಹಾಗೂ ಬಟ್ಟೆಯ ಮಾಸ್ಕ್‌ ಕೊರೊನಾವೈರಸ್‌ ಹರಡುವುದನ್ನು ತಡೆಯುವಲ್ಲಿ ಎಷ್ಟು ಪರಿಣಾಮಕಾರಿ ಎಂಬುವುದರ ಬಗ್ಗೆ ಅಧ್ಯಯನ ನಡೆಸಿತ್ತು.

ಈ ಅಧ್ಯಯನದಲ್ಲಿ ಕೋವಿಡ್‌ 19 ರೋಗಿಗಳನ್ನು ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಈ ಪರೀಕ್ಷೆಯಲ್ಲಿ ಸರ್ಜಿಕಲ್ ಮಾಸ್ಕ್, ಬಟ್ಟೆಯ ಮಾಸ್ಕ್ ಹಾಗೂ N95 ಮಾಸ್ಕ್ ಬಳಸಲಾಗಿತ್ತು.

ಕೋವಿಡ್ 19 ರೋಗಿಗಳಿಗೆ ಆ ಮಾಸ್ಕ್‌ಗಳನ್ನು ಧರಿಸಿ ಪೆಟ್ರಿ ಡಿಷಷ್ ಮೇಲೆ ಊಫ್ ಅಂತ ಊದಲು ಹೇಳಿದರು. ಆಗ ಬಟ್ಟೆ ಹಾಗೂ ಸರ್ಜಿಕಲ್ ಮಾಸ್ಕ್ ಮುಖಾಂತರ ಸೂಕ್ಷ್ಮವಾದ ವೈರಾಣು ಹೊರಬಂದು ಪೆಟ್ರಿ ಡಿಷಷ್‌ ಮೇಲೆ ಕೂತಿತ್ತು. N95 ಮಾಸ್ಕ್‌ ಸುರಕ್ಷವೆಂದು ತಿಳಿಯಿತು.

ಫಲಿತಾಂಶ

ಇದರ ಮುಖಾಂತರ ಸ್ಪಷ್ಟವಾಗಿ ತಿಳಿಯುವುದೇನೆಂದರೆ ಕೋವಿಡ್‌ 19 ರೋಗಿಗಳು ಹಾಗೂ ಅವರನ್ನು ಆರೈಕೆ ಮಾಡುವವರು ಸರ್ಜಿಕಲ್ ಮಾಸ್ಕ್ ಹಾಗೂ ಬಟ್ಟೆಯ ಮಾಸ್ಕ್‌ ಧರಿಸಿದರೆ ರೋಗಾಣು ಹರಡುವುದನ್ನು ತಡೆಗಟ್ಟಲು ಸಾಧ್ಯವಿಲ್ಲ. ಬದಲಿಗೆ ರೋಗಿ ಹಾಗೂ ರೋಗಿಯನ್ನು ಆರೈಕೆ ಮಾಡುವವರು N95 ಮಾಸ್ಕ್ ಅಥವಾ ಇತರ ಪ್ರೊಟೆಕ್ಟಿವ್‌ ಮಾಸ್ಕ್ ಧರಿಸಬೇಕು.

ಸಲಹೆ: ನೀವು ಆರೋಗ್ಯವಂತರಾಗಿದ್ದರೆ, ಮನೆಯಲ್ಲಿ ಯಾರಿಗೂ ರೋಗದ ಲಕ್ಷಣಗಳು ಇಲ್ಲವೆಂದರೆ ಅಂಥವರು ಮನೆಯೊಳಗೆ ಮಾಸ್ಕ್ ಧರಿಸುವ ಅಗ್ಯತವಿಲ್ಲ. ಇನ್ನು ಹೊರಗಡೆ ಹೋಗುವಾಗ ಬಟ್ಟೆಯ ಅಥವಾ ಸರ್ಜಿಕಲ್ ಮಾಸ್ಕ್ ಧರಿಸಬೇಕು. ಅದೇ ರೋಗಿ ಹಾಗೂ ಅವರನ್ನು ಆರೈಕೆ ಮಾಡಿವವರು N95 ಹಾಗೂ ಇತರ ಪ್ರೊಟೆಕ್ಟಿವ್ ಮಾಸ್ಕ್ ಧರಿಸಿದರೆ ರೋಗಾಣು ಹರಡದಂತೆ ತಡೆಯಬಹುದು.