ಇನ್ನು ಮುಂದೆ ಕೊರೊನಾ ಟೆಸ್ಟ್ ಮನೆಯಲ್ಲಿಯೇ ಮಾಡಬಹುದು

ರ‍್ಯಾಪಿಡ್ ಆ್ಯಂಟಿಜನ್ ಟೆಸ್ಟ್

ಭಾರತದಲ್ಲಿ ಮನೆಯಲ್ಲಿಯೇ ರ‍್ಯಾಪಿಡ್ ಆ್ಯಂಟಿಜನ್ ಟೆಸ್ಟ್‌ಗೆ ಅನುಮತಿ ಸಿಕ್ಕಿದೆ. ಐಸಿಎಂಆರ್ (The Indian Council of Medical Research) ಇದನ್ನು ಯಾರು ಬಖಸಬಹುದು, ಹೇಗೆ ಬಳಸಬೇಕು ಎಂಬುವುದರ ಬಗ್ಗೆ ಮಾರ್ಗಸೂಚಿಯನ್ನೂ ಕೂಡ ನೀಡಿದೆ.

ಯಾರು ಬಳಸಬೇಕು?

ಕೋವಿಡ್‌ 19 ರೋಗ ಲಕ್ಷಣಗಳಿದ್ದರೆ ಅಥವಾ ಸೋಂಕಿತರ ಪ್ರಾಥಮಿಕ ಸಂಪರ್ಕದಲ್ಲಿ ಇರುವವರು ಈ ಪರೀಕ್ಷೆ ಮಾಡಬಹುದು. ಇನ್ನು ಲ್ಯಾಬ್‌ನಲ್ಲಿ ಪರೀಕ್ಷೆ ಮಾಡಿ ಪಾಸಿಟಿವ್ ಬಂದವರು ಇದನ್ನು ಮತ್ತೆ ಮಾಡಬೇಕಾಗಿಲ್ಲ, ಒಂದು ವೇಳೆ RTPCRನಲ್ಲಿ ನೆಗೆಟಿವ್ ವರದಿ ಬಂದು ರೋಗ ಲಕ್ಷಣ ಇರುವವರು ಇದನ್ನು ಬಳಸಿ ಸೋಂಕು ಇದೆಯೇ, ಇಲ್ಲವೇ ಎಂದು ತಿಳಿಯಬಹುದು.

ಪರೀಕ್ಷೆ ಮಾಡುವುದು ಹೇಗೆ?

ನಾಸಲ್ ಸ್ವ್ಯಾಬ್ ಬಳಸಿ ಸ್ವ್ಯಾಬ್ ತೆಗೆಯಬೇಕು. 18 ವರ್ಷ ಮೇಲ್ಪಟ್ಟವರು ಸ್ವತಃ ಸ್ವ್ಯಾಬ್ ತೆಗೆದು ಪರೀಕ್ಷೆ ಮಾಡಬಹುದು. 2 ವರ್ಷ ಮೇಲ್ಪಟ್ಟ ಮಕ್ಕಳ ಹಾಗೂ ವಯಸ್ಸಾದವರ ಸ್ವ್ಯಾಬ್ ಅನ್ನು ಬೇರೆಯವರು ತೆಗೆದು ಪರೀಕ್ಷಿಸಬೇಕು.

ತಿಳಿಯುವುದು ಹೇಗೆ?

ರ‍್ಯಾಪಿಡ್ ಆ್ಯಂಟಿಜನ್ ಟೆಸ್ಟ್ ಕಿಟ್‌ನಲ್ಲಿ ನಾಸಲ್ ಸ್ವ್ಯಾಬ್ ಮತ್ತು ಮೊದಲೇ ತುಂಬಿರುವ ಎಕ್ಸಟ್ರಾಕ್ಸನ್ ಟ್ಯೂಬ್ ಮತ್ತು ಒಂದು ಟೆಸ್ಟ್ ಕಾರ್ಡ್ ಇರುತ್ತದೆ.

ಇದನ್ನು ಪರೀಕ್ಷೆ ಮಾಡುವವರು ಮೊಬೈಲ್‌ನಲ್ಲಿ, ಮೈಲ್ಯಾಬ್ ಆ್ಯಪ್ ಡೌನ್‌ಲೋಡ್ ಮಾಡಬೇಕು, ಅಲ್ಲಿ ಅಗ್ಯತ ಮಾಹಿತಿಗಳನ್ನು ತುಂಬ ಬೇಕು.

ನಾಸಲ್ ಸ್ವ್ಯಾಬ್‌ನ ತುದಿ ಮುಟ್ಟದೆ ಅದನ್ನು ಮೂಗಿನ ಒಳಗಡೆ ಹಾಕಿ 5 ಬಾರಿ ಮೆಲ್ಲನೆ ತಿರುಗಿಸಿ. ಮೂಗಿನ ಎರಡೂ ಬದಿಯಲ್ಲಿ ಹೀಗೆ ಮಾಡಿ. ನಂತರ ಆ ಸ್ವ್ಯಾಬ್ ಅನ್ನು ಮೆಲ್ಲನೆ ತೆಗೆದು ಟ್ಯೂಬ್‌ನಲ್ಲಿ ಮುಳುಗಿಸಿ.

ಟ್ಯೂಬ್‌ನ ಒಳಗಡೆ ನಾಸಲ್ ಟ್ಯೂಬ್‌ ಮುಳುಗಿದೆಯೇ ಎಂಬುವುದನ್ನು ಖಚಿತ ಒಡಿಸಿ.

ಬ್ರೇಕ್‌ ಪಾಯಿಂಟ್‌ ನೋಡಿ ಸ್ವ್ಯಾಬ್ ಮುರಿಯಬೇಕು. ಟ್ಯೂಬ್ ಮುಚ್ಚಿ ಎರಡು ಹನಿ ಟೆಸ್ಟ್ ಕಿಟ್‌ಗೆ ಹಾಕಿ.

ನಂತರ 15 ನಿಮಿಷ ಕಾಯಬೇಕು. ಯಾವುದೇ ಫಲಿತಾಂಶ 20 ನಿಮಿಷದ ನಂತರ ಬಂದರೆ ಅದು ಪರಿಗಣಿಸಲು ಸಾಧ್ಯವಾಗುವುದಿಲ್ಲ.

15 ನಿಮಿಷ ಆಗುತ್ತಿದ್ದಂತೆ ಆ್ಯಪ್‌ನಲ್ಲಿ ರಿಂಗ್ ಕೇಳಿಸುವುದು, ಅದರಲ್ಲಿ ಫಲಿತಾಂಶ ಸಿಗುವುದು.