ಒಮಿಕ್ರಾನ್ ರೂಪಾಂತರ ವೈರಸ್ BA.5 ಲಕ್ಷಣಗಳು ಭಿನ್ನವಾಗಿವೆ: ರಾತ್ರಿ ತುಂಬಾ ಬೆವರುತ್ತಿದ್ದರೆ ಕೊರೊನಾವಿರಬಹುದು

ರಾತ್ರಿ ತುಂಬಾ ಮೈ ಬೆವರುತ್ತಿದ್ದರೆ ಹುಷಾರ್‌!

ಈ ವೈರಸ್‌ ಕುರಿತು ನಡೆಸಿದ ಸಂಶೋಧನೆಯಲ್ಲಿ ತಿಳಿದು ಬಂದ ಅಂಶವೆಂದರೆ ಯಾರಿಗೆ ಒಮಿಕ್ರಾನ್‌ ಉಪ ರೂಪಾಂತರ ತಗುಲಿರುತ್ತದೋ ಅವರಿಗೆ ರಾತ್ರಿ ನಿದ್ದೆ ಮಾಡಲು ತುಂಬಾನೇ ಕಷ್ಟವಾಗುವುದು. ಮೈ ತುಂಬಾ ಬೆವರಿ ನೈಟ್‌ ಡ್ರೆಸ್‌ ಒದ್ದೆಯಾಗುವಷ್ಟು ಮೈ ಬೆವರುತ್ತದೆ. ಈ ಲಕ್ಷಣಗಳು ಕಂಡು ಬಂದರೆ ಒಮಿಕ್ರಾನ್‌ BA.5 ರೂಪಾಂತರದ ಲಕ್ಷಣಗಳಾಗಿವೆ ಎಂದು ಇಮ್ಯೂನೋಲಾಜಿಸ್ಟ್‌ ಹೇಳಿದ್ದಾರೆ.

ಇತರ ಕೊರೊನಾ ವೈರಸ್‌ಗಿಂತ ಈ ಕಾಯಿಲೆ ಸ್ವಲ್ಪ ಭಿನ್ನವಾಗಿದೆ

ಈ ವೈರಸ್‌ ನಮ್ಮ ದೇಹದ ಇಮ್ಯೂನಿಟಿ T-cells ಜೊತೆ ಮಿಕ್ಸ್ ಆದಾಗ ರಾತ್ರಿ ಬೆವರುವುದಾಗಿ ಇಮ್ಯೂನಾಲಾಜಿಸ್ಟ್‌ ಒ ನೈಲ್‌ ಹೇಳಿದ್ದಾರೆ.

BA.5 ಒಮಿಕ್ರಾನ್‌ ರೂಪಾಂತರದ ಲಕ್ಷಣಗಳು

* ರಾತ್ರಿ ತುಂಬಾ ಬೆರುವುದು

* ವಿಪರೀತ ಸೀನು

* ಮೂಗು ಸೋರುವುದು

* ಚಳಿ ಜ್ವರ

* ತುಂಬಾ ಕೆಮ್ಮು

* ಗಂಡಲು ಕೆರೆತ

* ಹೊಟ್ಟೆಗೆ ಸಂಬಂಧಿತ ಸಮಸ್ಯೆಗಳು

ದೇಹದ ಮೇಲ್ಭಾಗದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತಿರುವ BA.5

ಇತರ ಕೊರೊನಾ ವೈರಸ್‌ಗಳಂತೆ BA.5 ರೂಪಾಂತರ ದೇಹದ ಶ್ವಾಸಕೋಶದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತಿದೆ. ಈ ವೈರಸ್‌ ತಗುಲಿದಾಗ ಕೆಮ್ಮು, ಶೀತ, ಉಸಿರಾಟದ ತೊಣದರೆ ಈ ಬಗೆಯ ತೊಂದರೆಗಳು ಉಂಟಾಗುವುದು.

ಬೂಸ್ಟರ್ ತೆಗೆದುಕೊಳ್ಳಿ

ಕೊರೊನಾ ಸೋಂಕು ಹೆಚ್ಚಾಗುತ್ತಿದೆ, ಆದ್ದರಿಂದ ಕೊರೊನಾದಿಂದ ಸುರಕ್ಷತೆ ಪಡೆಯಲು ಬೂಸ್ಟರ್‌ ತೆಗೆದುಕೊಳ್ಳಿ. ಕೇಂದ್ರ ಸರ್ಕಾರ ಜುಲೈ 15ರಿಂದ 18 ವರ್ಷ ಮೇಲ್ಪಟ್ಟವರಿಗೆ ಬೂಸ್ಟರ್‌ ಲಸಿಕೆ ನೀಡುತ್ತಿದೆ. ನೀವು ಸೆಕೆಂಡ್‌ ಡೋಸ್‌ ತೆಗೆದು 6 ತಿಂಗಳು ಕಳೆದಿದ್ದರೆ ಬೂಸ್ಟರ್ ಪಡೆಯಿರಿ.