ಪುರುಷರೆ ಈ 5 ಹೆಮ್ಮಾರಿಗಳ ಬಗ್ಗೆ ಎಚ್ಚರ!

Heart

oi-Staff

By Super

Updated: Wednesday, October 7, 2015, 17:00 [IST]

ಮಧ್ಯವಯಸ್ಸು ದಾಟುತ್ತಿದ್ದ ಹಾಗೆ ಒಂದಲ್ಲಾ ಒಂದು ಕಾಯಿಲೆಗಳು ಕಾಣಿಸಿಕೊಳ್ಳತೊಡಗುತ್ತದೆ. 40ರ ನಂತರ ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್, ಕ್ಯಾಲ್ಸಿಯಂ ಕೊರತೆ ಕಂಡು ಬಂದರೆ ಪುರುಷರಲ್ಲಿ ಕೂಡ ಹೃದಯಾಘಾತ, ಪಾರ್ಶ್ವವಾಯು ಮುಂತಾದ ಕಾಯಿಲೆಗಳು ಹೆಚ್ಚಾಗಿ ಕಂಡುಬರುತ್ತದೆ. ಈ ಕಾಯಿಲೆಗಳು ಬಂದರೆ ಪ್ರಾಣಕ್ಕೆ ಅಪಾಯ ಉಂಟಾಗುವ ಸಾಧ್ಯತೆ ಹೆಚ್ಚು. ಆದರೆ ಇವುಗಳ ಬಗ್ಗೆ ಸ್ವಲ್ಪ ಮುನ್ನಚ್ಚರಿಕೆ ಕ್ರಮ ತೆಗೆದುಕೊಂಡರೆ ಅಥವಾ ಇವುಗಳ ಬಗ್ಗೆ ಅರಿವು ಇದ್ದರೆ ಅವುಗಳು ಬರದಂತೆ ತಡೆಯಬಹುದು.

ಮಧ್ಯವಯಸ್ಸು ದಾಟಿದ ಪುರುಷರಲ್ಲಿ ಸಾಮಾನ್ಯವಾಗಿ ಈ ಕೆಳಗಿನ ಕಾಯಿಲೆಗಳು ಹೆಚ್ಚಾಗಿ ಕಂಡುಬರುತ್ತದೆ:

1. ಹೃದಯಾಘಾತ: ಮಹಿಳೆಯರಿಗಿಂತ ಪುರುಷರಿಗೆ ಹೃದಯಾಘಾತ ಹೆಚ್ಚಾಗಿ ಕಂಡುಬರುತ್ತದೆ. ವ್ಯಾಯಾಮ ಮಾಡದಿರುವುದು, ಅಧಿಕ ಕೊಲೆಸ್ಟ್ರಾಲ್, ಆರೋಗ್ಯಕರವಲ್ಲದ ಜೀವನ ಶೈಲಿ ಇವೆಲ್ಲವೂ ಹೃದಯಾಘಾತ ಹೆಚ್ಚಾಗಲು ಮುಖ್ಯ ಕಾರಣವಾಗಿದೆ. ಹೆಚ್ಚಿನ ಕೊಲೆಸ್ಟ್ರಾಲ್ ಹೊಂದಿದ್ದರೆ ಹೃದಯಾಘಾತ 30ರ ಹರೆಯದವರಿಗೂ ಉಂಟಾಗಬಾರದು.
ಆದ್ದರಿಂದ ದೇಹದ ತೂಕವನ್ನು ಸಮತೋಲದಲ್ಲಿಡಲು, ಆರೋಗ್ಯಕರ ಆಹಾರ ಸೇವನೆ, ವ್ಯಾಯಾಮ ಮಾಡುವುದು ಒಳ್ಳೆಯದು.

2. ಪಾರ್ಶ್ವವಾಯು: ಹೃದಯಾಘಾತ ಮತ್ತು ಪಾರ್ಶ್ವವಾಯು ಕಾಯಿಲೆಗಳ ಲಕ್ಷಣಗಳು ಬೇರೆ-ಬೇರೆಯಾಗಿದ್ದರೂ ಉಂಟಾಗುವುದು ಮಾತ್ರ ಸಾಮಾನ್ಯವಾದ ಕಾರಣಗಳಿಂದ. ಅಧಿಕ ರಕ್ತದೊತ್ತಡ ಮತ್ತು ಮಾನಸಿಕ ಒತ್ತಡಗಳು ಈ ಎರಡು ಕಾಯಿಲೆ ಉಂಟಾಗಲು ಪ್ರಮುಖ ಕಾರಣಗಳಾಗಿವೆ. ಮೆದುಳಿಗೆ ರಕ್ತ ಸಂಚಾರ ಸರಿಯಾಗಿ ಪೂರೈಕೆಯಾಗದಿದ್ದರೆ ಪಾರ್ಶ್ವವಾಯು ಉಂಟಾಗುತ್ತದೆ.

3. ಶ್ವಾಸಕೋಶದ ಕ್ಯಾನ್ಸರ್: ಧೂಮಪಾನ, ಪರಿಸರ ಮಾಲಿನ್ಯ, ಜೀವನ ಶೈಲಿ ಇವುಗಳು ಶ್ವಾಸಕೋಶದ ಕ್ಯಾನ್ಸರ್ ಬರಲು ಪ್ರಮುಖ ಕಾರಣಗಳಾಗಿವೆ. ಅದರಲ್ಲೂ ಧೂಮಪಾನ ಶ್ವಾಸಕೋಶದ ಕ್ಯಾನ್ಸರ್ ಗೆ ಪ್ರಮುಖ ಕಾರಣವಾಗಿದೆ. ಆದ್ದರಿಂದ ಧೂಮಪಾನ ಹವ್ಯಾಸದಿಂದ ಆದಷ್ಟು ದೂರವಿರುವುದು ಒಳ್ಳೆಯದು.

4. ಮಧುಮೇಹ: ಮಧುಮೇಹ ಕಾಯಿಲೆ ಕೂಡ ಮಹಿಳೆಯರಿಗಿಂತ ಪುರುಷರಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ. ದೇಹದಲ್ಲಿರುವ ಈಸ್ಟ್ರೋಜನ್ ರಕ್ತದಲ್ಲಿರುವ ಸಕ್ಕರೆ ಅಂಶವನ್ನು ನಿಯಂತ್ರಣದಲ್ಲಿಡುತ್ತದೆ. ಆದರೆ ಈಸ್ಟ್ರೋಜನ್ ಪುರುಷರಲ್ಲಿ ಕಡಿಮೆ ಪ್ರಮಾಣದಲ್ಲಿರುತ್ತದೆ. ಆದ್ದರಿಂದ ಪುರುಷರಿಗೆ ಮಧುಮೇಹ ಬರುವ ಸಾಧ್ಯತೆ ಹೆಚ್ಚು. ದಿನ ನಿತ್ಯ ವ್ಯಾಯಾಮ ಮಾಡುವುದರಿಂದ ಮಧುಮೇಹ ಕಾಯಿಲೆ ಬರದಂತೆ ತಡೆಯಬಹುದು.

5. ನಪುಂಸಕತೆ:ಇತ್ತೀಚಿಕೆಗೆ ಈ ಸಮಸ್ಯೆ ಪುರುಷರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಈ ರೀತಿ ಹೆಚ್ಚಾಗುತ್ತಿರುವುದು ಆಧುನಿಕ ಜೀವನಶೈಲಿಯ ಕೊಡುಗೆಯಾಗಿದೆ. ಫ್ಯಾಷನ್ ಸೋಗಿನಲ್ಲಿ ಕಲಿಯುತ್ತಿರುವ ಕೆಟ್ಟ ಹವ್ಯಾಸಗಳು ಮತ್ತು ಕೊಲೆಸ್ಟ್ರಾಲ್ ಈ ಸಮಸ್ಯೆಗೆ ಮುಖ್ಯ ಕಾರಣಗಳಾಗಿವೆ.
ಆದ್ದರಿಂದ ಪುರುಷರು ಒಳ್ಳೆಯ ಜೀವನ ಶೈಲಿ ಅನುಸರಿಸಿದರೆ ಮತ್ತು ದೇಹದ ತೂಕವನ್ನು ಮಿತಿಯಲ್ಲಿಟ್ಟರೆ ಈ ಮೇಲಿನ ಸಮಸ್ಯೆಗಳು ಬರದಂತೆ 90% ತಡೆಯಬಹುದಾಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.