ಪ್ರೊಸ್ಟೇಟ್‌ ಕ್ಯಾನ್ಸರ್‌ ಬಗ್ಗೆ ಇರುವ ಈ ತಪ್ಪು ಕಲ್ಪನೆಯಿಂದಲೇ ಅಪಾಯ ಹೆಚ್ಚುತ್ತಿದೆ!

ನನಗೆ ಯಾವುದೇ ಲಕ್ಷಣಗಳಿಲ್ಲ, ಆದ್ದರಿಂದ ಪ್ರೊಸ್ಟೇಟ್‌ ಕ್ಯಾನ್ಸರ್ ಇರಲ್ಲ

ತುಂಬಾ ಪುರುಷರು ಪ್ರಾರಂಭದಲ್ಲಿ ಗುರುತಿಸುವುದೇ ಇಲ್ಲ, ಯಾವಾಗ ಕಾಯಿಲೆ ಉಲ್ಬಣವಾಗುತ್ತದೋ ಆವಾಗ ಮಾತ್ರ ಗೊತ್ತಾಗುತ್ತದೆ. ಕುಟುಂಬದ ಇತಿಹಾಸ ಇರುವವರು, ಮಧುಮೇಹಿಗಳು, ಒಬೆಸಿಟಿ ಇರುವವರು ನಿಯಮಿತ ತಪಾಸಣೆ ಮಾಡುವುದರಿಂದ ಈ ಅಪಾಯ ತಗ್ಗಿಸಬಹುದು.

ಭಾರತದಲ್ಲಿ ಪ್ರೊಸ್ಟೇಟ್‌ ಕ್ಯಾನ್ಸರ್‌ ಕಡಿಮೆ ಇದೆ, ಆದ್ದರಿಂದ ಸ್ಕ್ರೀನಿಂಗ್ ಬೇಕಾಗಿಲ್ಲ

ಇದು ಕೂಡ ತಪ್ಪು ಕಲ್ಪನೆಯಾಗಿದೆ. ಸ್ಕ್ರೀನಿಂಗ್ ಮಾಡುವುದರಿಂದ ಕಾಯಿಲೆ ಇದ್ದರೆ ಬೇಗನೆ ತಿಳಿಯುತ್ತದೆ, ಇಲ್ಲದಿದ್ದರೆ ನೆಮ್ಮದಿಯಿಂದ ಇರಬಹುದು. ಭಾರತದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಪ್ರೊಸ್ಟೇಟ್ ಹೆಚ್ಚಾಗುತ್ತಿದೆ, ಆದ್ದರಿಂದ ಆರೋಗ್ಯ ನಿರ್ಲಕ್ಷ್ಯ ಬೇಡ.

PSA ಪ್ರಮಾಣ ಹೆಚ್ಚಾದರೆ ಪ್ರೊಸ್ಟೇಟ್‌ ಕ್ಯಾನ್ಸರ್ ಇರಬಹುದು

ಪಿಎಸ್‌ಎ ಅಥವಾ ಪ್ರೊಸ್ಟೇಟ್‌ ಸ್ಪೆಸಿಫಿಕ್‌ ಆಂಟಿಜೆನ್ ಕ್ಯಾನ್ಸರ್ ಇದ್ದಾಗ ಮಾತ್ರವಲ್ಲ ಪ್ರೊಸ್ಟೇಟ್ ಊತ, ಗಂಭೀರವಾದ ಮೂತ್ರ ಸಮಸ್ಯೆ ,ಪ್ರೊಸ್ಟಟೈಟಿಸ್, ಪ್ರಾಸ್ಟಾಟಿಕ್ ಬಾವು ಉಂಟಾದಾಗಲೂ ಪಿಎಸ್‌ಎ ಅಧಿಕವಾಗುವುದು.

ದೊಡ್ಡ ಪ್ರೊಸ್ಟೇಟ್‌ ಗ್ಲಾಂಡ್‌ ಇದ್ದರೆ ಕ್ಯಾನ್ಸರ್ ಅಪಾಯ ಅಧಿಕ

ಪ್ರೊಸ್ಟೇಟ್‌ ಗ್ಲಾಂಡ್‌ ದೊಡ್ಡದಾಗಿ ಇರುವುದಕ್ಕೂ ಪ್ರೊಸ್ಟೇಟ್‌ ಕ್ಯಾನ್ಸರ್‌ಗೂ ಸಂಬಂಧವಿಲ್ಲ .

ಪ್ರೊಸ್ಟೇಟ್‌ ಕ್ಯಾನ್ಸರ್‌ಗೆ ಚಿಕಿತ್ಸೆ ಕಷ್ಟ

ಅದು ತಪ್ಪು ಕಲ್ಪನೆ. ಪ್ರೊಸ್ಟೇಟ್‌ ಕ್ಯಾನ್ಸರ್‌ಗೆ ಅಡ್ವನ್ಸ್ಡ್‌ ಚಿಕಿತ್ಸೆ ಬಂದಿದೆ, ಪ್ರಾರಂಭದಲ್ಲಿಯೇ ಗುರುತಿಸಿದರೆ ಸಂಪೂರ್ಣ ಗುಣಮುಖರಾಗುವ ಸಾಧ್ಯತೆ ತುಂಬಾನೇ ಇದೆ.

ಪ್ರೊಸ್ಟೇಟ್‌ ಕ್ಯಾನ್ಸರ್ ಅಪಾಯಕಾರಿಯಲ್ಲ, ಚಿಕಿತ್ಸೆ ಬೇಕಿಲ್ಲ

ಇದು ಭಾರತದಲ್ಲಿ ಸಾಕಷ್ಟು ಜನರಿಗಿರುವ ತಪ್ಪು ಕಲ್ಪನೆಗಿದೆ. ಪ್ರೊಸ್ಟೇಟ್‌ ಕ್ಯಾನ್ಸರ್ ಅಧಿಕವಾರೆ ಮೂಳೆ ಮುರಿತ, ಕಿಡ್ನಿ ಸಮಸ್ಯೆ, ಕಾಲುಗಳಲ್ಲಿ ಊತ ಈ ಬಗೆಯ ಸಮಸ್ಯೆ ಕಂಡು ಬರುವುದು. ಕ್ಯಾನ್ಸರ್ ಹರಡುವ ಮುನ್ನವೇ ಚಿಕಿತ್ಸೆ ಪಡೆದರೆ ಈ ಕಾಯಿಲೆ ಅಪಾಯಕಾರಿಯಾಗುವುದಿಲ್ಲ, ಆದರೆ ನಿರ್ಲಕ್ಷ್ಯ ಸಲ್ಲದು.