ಕೋವಿಡ್‌ ಬಳಿಕ ಸುಸ್ತು, ಮೈಕೈ ನೋವು ಕಡಿಮೆಯಾಗಲು ಸೇವಿಸಬೇಕಾದ ಆಹಾರಗಳು

ಸೂಪ್‌ ಮಾಡಿ ಕುಡಿಯಿರಿ

ಅರಿಶಿಣ , ಶುಂಠಿ, ಬೆಳ್ಳುಳ್ಳಿ, ಚಕ್ಕೆ, ಲವಂಗ ಹಾಗೂ ಕಾಳು ಮೆಣಸು ಹಾಕಿ ತರಕಾರಿ ಅಥವಾ ಚಿಕನ್‌ ಸೂಪ್‌ ಮಾಡಿ ಕುಡಿಯಿರಿ. ಇದಕ್ಕೆ ಒಂದು ಚಮಚ ಶುದ್ಧ ತುಪ್ಪ ಅಥವಾ ಶುದ್ಧ ತೆಂಗಿನೆಣ್ಣೆ ಹಾಕಿ ಕುಡಿದರೆ ತುಂಬಾನೇ ಒಳ್ಳೆಯದು.

ನಿಂಬು ಪಾನೀಯ ಮಾಡಿ ಕುಡಿಯಿರಿ

ಮೂಸಂಬಿ ಜ್ಯೂಸ್, ನಿಂಬು ಪಾನೀಯ ಮಾಡಿ ಕುಡಿಯಿರಿ. ಇನ್ನು ಮಧುಮೇಹವಿದ್ದರೆ ಸಕ್ಕರೆ ಬದಲಿಗೆ ಉಪ್ಪು ಹಾಕಿ ಕುಡಿಯಿರಿ.

ಸಲಾಡ್‌ಗೆ ತೆಂಗಿನೆಣ್ಣೆ ಹಾಕಿ ಕುಡಿಯಿರಿ

ಸಲಾಡ್‌ ಮಾಡಿ ತಿನ್ನಿ, ಅದಕ್ಕೆ ಶುದ್ಧ ತೆಂಗಿನೆಣ್ಣೆ ಅಥವಾ ವರ್ಜಿನ್ ಆಲೀವ್ ಆಯಿಲ್‌ ಹಾಕಿ ಸವಿಯಿರಿ..

ಸ್ನ್ಯಾಕ್ಸ್‌ಗೆ ನಟ್ಸ್ ತಿನ್ನಿ

ಬಾದಾಮಿ, ವಾಲ್ನಟ್‌, ಗೋಡಂಬಿ, ನಟ್ಸ್ ಇವುಗಳಲ್ಲಿ ವಿಟಮಿನ್ಸ್, ಪ್ರೊಟೀನ್ಸ್, ಕೊಬ್ಬಿನಂಶವಿರುವುದರಿಂದ ದೇಹದ ಸುಸ್ತನ್ನು ಬೇಗನೆ ಕಡಿಮೆ ಮಾಡುತ್ತದೆ.

ಒಮೆಗಾ 3 ಕೊಬ್ಬಿನಂಶವಿರುವ ಆಹಾರ

ಅಗಸೆ ಬೀಜ, ಮೀನು, ಶಿಯಾ ಬೀಜಗಳು ಇವುಗಳಲ್ಲಿ ಒಮೆಗಾ 3 ಕೊಬ್ಬಿನಂಶವಿರುತ್ತದೆ. ಇನ್ನು ಒಮೆಗಾ 3 ಕೊಬ್ಬಿನಂಶವಿರುವ ಸಪ್ಲಿಮೆಂಟ್‌ ತೆಗೆದುಕೊಳ್ಳಬಹುದು.

ಮಸಾಲೆ ಪದಾರ್ಥ ತಿನ್ನಬಹುದೇ?

ಕೆಂಪು ಅಥವಾ ಹಸಿ ಮೆಣಸಿನ ಕಾಯಿ ಹಾಕಿ ಮಾಡಿದ ಪದಾರ್ಥ ಸೇವಿಸಬಹುದು.

ಈ ಆಹಾರದಿಂದ ದೂರವಿರಿ

ಸಕ್ಕರೆ, ಸಂಸ್ಕರಿಸಿದ ಮಾಂಸ, ಜಂಕ್‌ ಫುಡ್ಸ್, ಸಂಸ್ಕರಿಸಿದ ಕಾರ್ಬ್ಸ್, ಸಿಗರೇಟ್‌, ಮದ್ಯ ಇವುಗಳನ್ನು ದೂರವಿಡಿ.

ಇದನ್ನು ಪಾಲಿಸಿದರೆ ಕೋವಿಡ್‌ನಿಂದ ಚೇತರಿಸಿಕೊಂಡವರಲ್ಲಿ ಬೇಗನೆ ಸುಸ್ತು ಕಡಿಮೆಯಾಗುವುದು.

ಕೊನೆಯದಾಗಿ

ಇನ್ನು ಕೊರೊನಾದಿಂದ ಚೇತರಿಸಿಕೊಂಡವರು ಸಾಕಷ್ಟು ವಿಶ್ರಾಂತಿ ತೆಗೆದುಕೊಳ್ಳಿ. ಮಾಡಬೇಕಾದ ಕೆಲಸವನ್ನು ನಂತರವೂ ಮಾಡಬಹುದು, ಅವುಗಳ ಬಗ್ಗೆ ತಲೆ ಕೆಡಿಸಿಕೊಳ್ಳದೆ ಆರಾಮವಾಗಿರಿ... ಬಿಸಿ ಬಿಸಿ ತಿನ್ನಿ, ಸಾಕಷ್ಟು ನಿದ್ದೆ ಮಾಡಿ.