ಹಬ್ಬ ಬರುತ್ತಿದೆ, ಫಿಟ್ನೆನೆಸ್‌ ಪ್ರಿಯರೇ ಈ ಟಿಪ್ಸ್ ಬಳಸಿ ಹಬ್ಬದೂಟ ಸವಿಯಿರಿ

ಕ್ಯಾಲೋರಿ ಬಗ್ಗೆ ಗಮನದಲ್ಲಿರಲಿ

1. ಹಬ್ಬಗಳ ಸಮಯದಲ್ಲಿ ನಿಮ್ಮ ಮೆಚ್ಚಿನ ಭಕ್ಷ್ಯಗಳನ್ನು ತಿನ್ನುವಾಗ ಮಿತವಾಗಿರುವುದು ಮುಖ್ಯವಾಗಿದೆ. ಹೆಚ್ಚುವರಿ ಕ್ಯಾಲೊರಿಗಳ ಸೇವನೆಯನ್ನು ನೀವು ಪರಿಶೀಲಿಸಬೇಕು. ಅಥವಾ ಜಾಸ್ತಿ ಕ್ಯಾಲೋರಿಯ ಆಹಾರ ಇದ್ದರೆ ಕಡಿಮೆ ಆಹಾರ ಸೇವನೆ ಮಾಡಬೇಕು. ಅಂದರೆ ಪೋರ್ಷನ್ ರೀತಿಯಲ್ಲಿ ಆಹಾರ ಸೇವನೆ ಮಾಡಬೇಕು.

2.ಹಬ್ಬದ ಊಟವನ್ನು ಮಾಡಲೇಬೇಕು ಎಂದಾದರೆ ನೀವು ಆಹಾರದಲ್ಲಿ ಕೆಲವೊಂದು ಆಯ್ಕೆಯನ್ನು ಮಾಡಿಕೊಳ್ಳಬೇಕು ಹೌದು, ಅಂದರೆ ನೀವು ಸೇವಿಸುವ ಆಹಾರದಲ್ಲಿ ಯಾವುದರಲ್ಲಿ ಫೈಬರ್ ಅಂಶ ಸಮೃದ್ಧವಾಗಿದೆ ಎನ್ನುವುದನ್ನು ನೋಡಿಕೊಂಡು ಆ ಆಹಾರಗಳನ್ನು ನಿಮ್ಮ ತಟ್ಟೆಗೆ ಹಾಕಿಕೊಂಡು ಸೇವಿಸಬೇಕು. ಈ ಮೂಲಕ ನೀವು ಫಿಟ್ ಆಗಿರಬಹುದು.

3. ಸಾಧ್ಯವಾದರೆ ರಾತ್ರಿಯ ಬದಲು ಡೇ ಸಮಯದ ಊಟದಲ್ಲಿ ಭಾಗಿಯಾಗಿ. ಹೌದು, ದಿನದ ಸಮಯದಲ್ಲಿ ಹಬ್ಬದ ಊಟದಲ್ಲಿ ಭಾಗಿಯಾಗಿ ನಿಮ್ಮ ಇಷ್ಟದ ಆಹಾರವನ್ನು ಸೇವಿಸಿದರೆ ಸಮಸ್ಯೆ ಇರುವುದಿಲ್ಲ. ಯಾಕೆಂದರೆ ನಿಮಗೆ ದಿನ ಪೂರ್ತಿ ಅದನ್ನು ಕರಗಿಸಲು ಸಮಯ ಇರುತ್ತದೆ. ಒಂದು ವೇಳೆ ರಾತ್ರಿ ಹಬ್ಬದ ಆಹಾರ ಸೇವಿಸಿ ಬಂದು ಮಲಗಿದರೆ ಅದು ಸರಿಯಾಗಿ ಕರಗುವುದಿಲ್ಲ.

ಖಾಲಿ ಹೊಟ್ಟೆಯಲ್ಲಿ ಇರಬೇಡಿ

4.ಪಾರ್ಟಿ ಅಥವಾ ಗೆಟ್‌-ಟುಗೆದರ್ ನಂತಹ ಕಾರ್ಯಕ್ರಮಕ್ಕೆ ಹೋಗುವ ಮೊದಲು ಹಣ್ಣು ಅಥವಾ ಸ್ಮಾಲ್ ಮೀಲ್ಸ್ ಸೇವಿಸಿದರೆ ಉತ್ತಮ

5. ಹಬ್ಬದ ಪಾರ್ಟಿಗೆ ಹೋಗುವ ಮೊದಲು ಇಡೀ ದಿನ ಉಪವಾಸ ಇರುತ್ತೀರಾ..? ಹಾಗಾದರೆ ಆ ರೀತಿ ಯಾವಾಗಲೂ ಮಾಡಲು ಹೋಗಬೇಡಿ. ಏಕೆಂದರೆ ನೀವು ಖಾಲಿ ಹೊಟ್ಟೆಯಲ್ಲಿ ಹೋದರೆ ಹಸಿವು ಜಾಸ್ತಿ ಇರುವುದರಿಂದ ಹಬ್ಬದ ಊಟವನ್ನು ಜಾಸ್ತಿ ಮಾಡುತ್ತೀರಿ. ಸೇವನೆಯಲ್ಲಿ ನಿಯಂತ್ರಣ ಇರುವುದಿಲ್ಲ. ಹೀಗಾಗಿ ಹೊಟ್ಟೆ ಸ್ವಲ್ಪ ತುಂಬಿದ್ದರೆ ಬೇಕಾದಷ್ಟು ಊಟ ಸೇವಿಸಬಹುದು. ಹಸಿವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.

ಪ್ರೊಟೀನ್‌ ಆಹಾರ ಸೇವಿಸಿ

6.ಹಬ್ಬದ ಊಟವನ್ನು ಸೇವಿಸುವುದಾದರೆ ನೀವು ಯಾವಾಗಲೂ ಯಾವುದೇ ಆಹಾರ ಸೇವಿಸುವುದಕ್ಕಿಂತ ಮೊದಲು ಸೂಪ್, ಮಜ್ಜಿಗೆ ಅಥವಾ ನಿಂಬೆ ಜ್ಯೂಸ್ ನಂತಹ ದ್ರವ ಪಾನೀಯದೊಂದಿಗೆ ನಿಮ್ಮ ಊಟವನ್ನು ಪ್ರಾರಂಭಿಸಿ ಏಕೆಂದರೆ ಅದು ಹಸಿವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಸಕ್ಕರೆ-ಸಿಹಿ ಪಾನೀಯಗಳನ್ನು ತಪ್ಪಿಸಿದರೆ ಉತ್ತಮ ಯಾಕೆಂದರೆ ಇವುಗಳು ಹಸಿವನ್ನು ಜಾಸ್ತಿ ಮಾಡುತ್ತದೆ.

7.ಹಬ್ಬದ ಅಥವಾ ಪಾರ್ಟಿಯ ಊಟಕ್ಕೆ ಹೋದರೆ ಮೊದಲು ಪ್ರೋಟೀನ್ ಆಯ್ಕೆಯೊಂದಿಗೆ ತಿನ್ನಲು ಪ್ರಾರಂಭಿ. ಪ್ರೋಟೀನ್ ಭರಿತ ಆಹಾರಗಳಾದ ಬೇಳೆಕಾಳುಗಳು, ಮೊಳಕೆಕಾಳುಗಳು, ಮೊಸರು, ಮಜ್ಜಿಗೆ, ಗ್ರಿಲ್ಡ್ ಚಿಕನ್, ಮೀನು ಇತ್ಯಾದಿಗಳನ್ನು ಸೇರಿಸಿಕೊಂಡು ಸೇವಿಸಬಹುದು.

ಕರಿದ ಆಹಾರಗಳನ್ನು ಕಡಿಮೆ ಸೇವಿಸಿ

8. ಕರಿದ ಆಹಾರ ಮತ್ತು ಸಿಹಿ ಸೇವನೆ ಬಗ್ಗೆ ಗಮನವಿರಲಿ. ಜಾಸ್ತಿ ಸಿಹಿ ಮತ್ತು ಕರಿದ ಆಹಾರ ಸೇವಿಸಬೇಡಿ. ಒಂದು ವೇಳೆ ಸೇವಿಸಬೇಕು ಎಂದಾದರೆ ಎರಡನ್ನು ಒಟ್ಟಿಗೆ ಸೇವಿಸಲು ಹೋಗಬೇಡಿ.

ಹಬ್ಬದ ಊಟ ಮಿಸ್ ಮಾಡಲು ಯಾರು ಹೋಗುವುದಿಲ್ಲ. ಒಂದು ದಿನ ತಿಂದರೆ ಏನು ಆಗುವುದಿಲ್ಲ ಎನ್ನುವ ಅಭಿಪ್ರಾಯ ಎಲ್ಲರಿಗೂ ಇರುತ್ತದೆ. ಹೀಗಾಗಿ ಬೇಕಾಬಿಟ್ಟಿ ತಿನ್ನುತ್ತಾರೆ. ನೀವು ಫಿಟ್ ಆಗಲು ಬಯಸಿದರೆ ಹಬ್ಬದ ಸಮಯದಲ್ಲಿ ಹೇಗೆ ಮತ್ತು ಯಾವ ರೀತಿ ಆಹಾರ ಸೇವಿಸಬೇಕು ಎನ್ನುವುದಕ್ಕೆ ಮಾಹಿತಿ ಇಲ್ಲಿದೆ.