ಅಡುಗೆಗೆ ಬಳಸೋ ಸ್ಟೌವ್‌ನಿಂದ ಕ್ಯಾನ್ಸರ್: ಅಮರಿಕ ತಜ್ಞರು ಕಂಡುಕೊಂಡಿದ್ದೇನು?

ಹಿಂದಿನ ಕಾಲದಿಂದಲೂ ಅಡುಗೆ ಮನೆಯಲ್ಲಿ ಸಾಂಪ್ರದಾಯಿಕವಾಗಿ ಅಡುಗೆ ಮಾಡುವುದರಿಂದ ಹಿಡಿದು ಈಗ ಅತ್ಯಾಧುನಿಕ ಅಡುಗೆ ಪ್ರಯೋಗಗಳು ಬಂದಿವೆ. ಎಲೆಕ್ಟ್ರಿಕ್ ಗ್ಯಾಸ್ ಸ್ಟೌವ್‌ನಿಂದ ಹಿಡಿದು ಅತ್ಯಾಧುನಿಕ ತಂತ್ರಜ್ಞಾನದ ಮೂಲಕ ಅಡುಗೆ ಮನೆಗಳು ಕೂಡ ಈಗ ಟೆಕ್ನಾಲಜಿಯಲ್ಲಿ ತುಂಬಿಕೊಂಡಿದೆ. ಆದ್ರೆ ಅಡುಗೆ ಮನೆಯಿಂದಲೂ ಅನಾರೋಗ್ಯ ಸಮಸ್ಯೆಗಳು ಬರುವುದು ನೋಡಬಹುದು.

ಈಗ ನೀವು ಬಳಸುವ ಗ್ಯಾಸ್ ಸ್ಟೌವ್‌ನಿಂದಾಗಿಯೇ ಅನಾರೋಗ್ಯ ಬರುತ್ತಿದೆ ಎಂಬುದು ನಿಮಗೆ ತಿಳಿದಿದ್ಯಾ? ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯ, ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ, ಬರ್ಕ್ಲಿ ಮತ್ತು ಇತರ ಸಂಸ್ಥೆಗಳ ಸಂಶೋಧಕರ ತಂಡವು ಇತ್ತೀಚೆಗೆ ನಡೆಸಿದ ಅಧ್ಯಯನದಲ್ಲಿ ಆಘಾತಕಾರಿ ವಿಚಾರವೊಂದು ಬೆಳಕಿಗೆ ಬಂದಿದೆ.

ನೀವು ಅಡುಗೆಗೆ ಬಳಸುವಂತಹ ಅನಿಲವು ನಿಮ್ಮಲ್ಲಿ ಕ್ಯಾನ್ಸರ್ ಅಪಾಯ ಹೆಚ್ಚಾಗಲು ಕಾರಣವಾಗಿದೆ ಎಂದು ಅಂಶೋದನೆಯಲ್ಲಿ ತಿಳಿದುಬಂದಿದೆ. ಎಲ್‌ಪಿಜಿ ದಹನ ಪ್ರಕ್ರಿಯೆಯಲ್ಲಿ ಹಲವು ರೀತಿಯ ಅಂಶಗಳು ಪರಿಸರಕ್ಕೆ ಸೇರಿಕೊಳ್ಳುತ್ತದೆ. ಅದರಲ್ಲಿ ಈ ಬೆಂಜೀನ್ ಎಂಬ ಅನಿಲ ಹೊರಸೂಸುವುದು ಗಮನಿಸಬಹುದು. ಈ ಅನಿಲವು ಇದು ಸಿಗರೇಟ್ ಹೊಗೆಯಲ್ಲಿ ಕಂಡುಬರುವಂತಹ ಪ್ರಬಲ ಕ್ಯಾನ್ಸರ್ ಜನಕವಾಗಿದೆ.

ಬೆಂಜೀನ್ ಇದು ಬಣ್ಣರಹಿತ, ವಾಸನೆ ರಹಿತ, ಹೈಡ್ರೋಕಾರ್ಬನ್ ಆಗಿದೆ. ಇದು ಇಂಗಾಲ ಹೈಡ್ರೋಜನ್ ಪರಮಾಣುಗಳಿಂದ ರೂಪಿತವಾಗಿರಲಿದೆ. ಹೊಸ ಅಧ್ಯಯನದಲ್ಲಿ ತಂಡವು 87 ಮನೆಗಳಲ್ಲಿ ಗ್ಯಾಸ್ ಸ್ಟೌವ್‌ಗಳಿಂದ ಬೆಂಜೀನ್ ಎಷ್ಟು ಪ್ರಮಾಣದಲ್ಲಿ ಬಿಡುಗಡೆಯಾಗುತ್ತಿದೆ ಎಂಬ ಕುರಿತು ತಿಳಿಯಲು ಅಳತೆಗೆ ಮುಂದಾಯಿತು. ಈ ಮಾಪನದಲ್ಲಿ ಸುಮಾರು ಶೇ.5ರಷ್ಟು ಮನೆಯ ಸ್ಟೌವ್‌ಗಳಲ್ಲಿ ಆರೋಗ್ಯಕರ ಅಪಾಯಗಳ ಹೆಚ್ಚಿಸಿರುವುದು ನೋಡಬಹುದು.

ಗ್ಯಾಸ್ ಸ್ಟೌವ್‌ಗಳಿಂದ ಬೆಂಜೀನ್‌ಗೆ ಸಂಬಂಧಿಸಿದ ಹೆಚ್ಚುವರಿ ಜೀವಿತಾವಧಿಯ ಕ್ಯಾನ್ಸರ್ ಅಪಾಯವು ತುಂಬಾ ಹೆಚ್ಚಾಗಿದೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಮಲಗುವ ಕೋಣೆಗಳಿಗೆ ಪ್ರವೇಶಿಸಿದ ಬೆಂಜೀನ್‌ನಿಂದ ಬರುವ ಅಪಾಯವು ಮಕ್ಕಳಲ್ಲಿ ಒಂದು ಮಿಲಿಯನ್ ಹೆಚ್ಚುವರಿ ಕ್ಯಾನ್ಸರ್ ಪ್ರಕರಣಗಳಲ್ಲಿ ಸುಮಾರು ಎರಡರಿಂದ 12 ರವರೆಗೆ ಮತ್ತು ವಯಸ್ಕರಲ್ಲಿ ಒಂದು ಮಿಲಿಯನ್‌ನಲ್ಲಿ ಒಂದರಿಂದ 6ರ ವರೆಗೆ ಇರುತ್ತದೆ ಎಂದು ಅಧ್ಯಯನ ತಿಳಿಸಿದೆ.

ಹಾಗೆ ಇಡೀ ಮನೆಯಾದ್ಯಂತ ಹರಡುವಿಕೆಯನ್ನು ಲೆಕ್ಕ ಹಾಕಿದಾಗ ಬೆಂಜೀನ್‌ನಿಂದ ಮಕ್ಕಳಿಗೆ ಕ್ಯಾನ್ಸರ್ ಅಪಾಯವು ವಯಸ್ಕರಿಗಿಂತ 1.85 ಪಟ್ಟು ಹೆಚ್ಚಿಸಿದೆ ಎಂದು ತಿಳಿದುಬಂದಿದೆ. ಈ ಅಪಾಯ ಅಡುಗೆ ಮಾಡುವಾಗ ಮಾತ್ರವಲ್ಲ ಗ್ಯಾಸ್ ಸ್ಟೌವ್ ಆಗಿದ್ದಾಗಲು ಕೂಡ ಈ ಅನಿಲ ಬಿಡುಡೆಯಾಗಲಿದೆ ಎಂದು ತಿಳಿದುಬಂದಿದೆ.

ಈ ಅನಿಲ ಹರಡುವಿಕೆಯಿಂದ ಹೊರಬರಲು ಬಾಗಿಲು ಕಿಟಕಿ ತೆರೆದು ಅಡುಗೆ ಮಾಡುವುದು, ಫ್ಯಾನ್‌ಗಳ ಬಳಕೆ ಮಾಡಬಹುದು. ಅಥವಾ ಈ ಅನಿಲ ಸ್ಟೌನ್‌ನಿಂದ ಮುಕ್ತಿ ಪಡೆದು ಎಲೆಕ್ಟ್ರಾನಿಕ್ ಸ್ಟೌವ್ ಬಳಕೆ ಕೂಡ ಮಾಡಬಹುದು. ಅಮೆರಿಕದ ಸುಮಾರು 38% ಮನೆಗಳು ನೀಲಿ ಬಣ್ಣದ ಒಲೆಯ ಉರಿ ನೋಡಬಹುದಂತೆ. ಸರಿಸುಮಾರು 47 ಮಿಲಿಯನ್ ಮನೆಗಳಲ್ಲಿ, 6.3 ಮಿಲಿಯನ್ ಅಮೆರಿಕನ್ನರು ಗ್ಯಾಸ್ ಸ್ಟೌವ್‌ಗಳಿಂದ ಬೆಂಜೀನ್ ಅನ್ನು ಉಸಿರಾಡುತ್ತಿದ್ದಾರೆ ಎಂದು ತಂಡ ಅಂದಾಜಿಸಿದೆ.