ಆನ್‌ಲೈನ್ ಮೂಲಕ ಔಷಧಿ ಖರೀದಿಸುತ್ತೀರಾ? ಎಚ್ಚರ.! ಈ ಅಂಶ ಗಮನದಲ್ಲಿಡಿ..!

ಇತ್ತೀಚಿಗೆ ಎಲ್ಲಾ ವಸ್ತುಗಳನ್ನು ನಾವು ಆನ್‌ಲೈನ್‌ ಮೂಲಕ ಖರೀದಿಸುವುದು ಹೆಚ್ಚಾಗಿದೆ. ಈಗ ಇದೊಂದು ಟ್ರೆಂಡ್ ಅಂದರೂ ತಪ್ಪಾಗಲ್ಲ. ಎಲ್ಲರೂ ಆನ್‌ಲೈನ್‌ ಮೂಲಕ ಮನೆ ಬಾಗಿಲಿಗೆ ತಮಗೆ ಬೇಕಾದ ವಸ್ತುಗಳ ತರಿಸಿಕೊಳ್ಳುವುದು ನೋಡಬಹುದು. ಅದು ಫುಡ್ ಇಂದ ಹಿಡಿದು ಮನೆಗೆ ಬೇಕಾದ ಅಗತ್ಯ ವಸ್ತುಗಳು, ತಿಂಡಿಗಳು, ಗೃಹಪಯೋಗಿ ವಸ್ತುಗಳು ಸೇರಿ ಹಲವು ವಸ್ತುಗಳು ಮನೆಗೆ ಬರುತ್ತಿವೆ.

ಹಾಗೆ ಮನೆಯಲ್ಲೇ ಕುಳಿತು ನೀವು ವೈದ್ಯರ ಮೂಲಕ ಚಿಕಿತ್ಸೆಯನ್ನೂ ಪಡೆಯಬಹುದು. ಅಷ್ಟೇ ಅಲ್ಲ ಆನ್‌ಲೈನ್ ಮೂಲಕ ನಿಮಗೆ ಬೇಕಾದ ಔಷಧಿಗಳನ್ನು ಕೂಡ ಖರೀದಿಸಬಹುದು. ಆನ್‌ಲೈನ್‌ ಔ‍ಷಧಿ ಮಾರಾಟ ಕುರಿತು ಹಲವು ರೀತಿಯ ಪರ ವಿರೋಧ ಚರ್ಚೆಗಳು ಹುಟ್ಟಿಕೊಳ್ಳುತ್ತಿರುವುದು ನೋಡಬಹುದು. ಆದ್ರೆ ಇದು ಬಹುಕೋಟಿ ಉದ್ಯಮವಾಗಿದೆ. ದೊಡ್ಡ ದೊಡ್ಡ ಕಂಪನಿಗಳು ಆನ್‌ಲೈನ್‌ ಮೂಲಕ ಔಷಧಿ ವ್ಯಾಪಾರದಲ್ಲಕಿ ತೊಡಗಿರುವುದು ನೋಡಬಹುದು.

ಹಲವರ ಪ್ರಕಾರ ಆನ್‌ಲೈನ್‌ನಲ್ಲಿ ಔಷಧಿ ಖರೀದಿಯು ವೆಚ್ಚ ಕಡಿಮೆ ಮಾಡುತ್ತದೆ ಹಾಗೆ ಸಮಯ ಉಳಿಸುತ್ತದೆ ಎಂಬುದಾಗಿದೆ. ಆದರೆ ಅದು ಎಷ್ಟು ಸುರಕ್ಷಿತ ಎಂಬುದರ ಮೇಲೆ ಇನ್ನು ಚರ್ಚೆಗಳಿವೆ. ಆನ್‌ಲೈನ್‌ನಲ್ಲಿ ಔಷಧಿಗಳನ್ನು ಖರೀದಿಸುವುದು ಅನುಕೂಲತೆ, ಗೌಪ್ಯತೆ ಮತ್ತು ಸಾಂಪ್ರದಾಯಿಕ ಔಷಧಾಲಯಗಳಿಗೆ ಹೋಲಿಸಿದರೆ ಕಡಿಮೆ ವೆಚ್ಚ ಹೊಂದಿದೆ. ಆದರೆ ನೀವು ವಿಶ್ವಾಸಾರ್ಹ ಮೂಲವನ್ನು ಆಯ್ಕೆ ಮಾಡುವ ಬಗ್ಗೆ ಜಾಗರೂಕರಾಗಿಲ್ಲದಿದ್ದರೆ ಅಪಾಯಕ್ಕೆ ಕಾರಣವಾಗಬಹುದು.

ಹಾಗಾದ್ರೆ ಸುರಕ್ಷಿತವಾಗಿ ಆನ್‌ಲೈನ್‌ಲ್ಲಿ ಔಷಧಿ ಖರೀದಿಸುವುದು ಹೇಗೆ? ಅಪಾಯಕಾರಿ ಮೂಲಗಳನ್ನು ಪತ್ತೆ ಮಾಡುವುದಾದರು ಹೇಗೆ ಅನ್ನೋದನ್ನು ನಾವಿಂದು ತಿಳಿದುಕೊಳ್ಳೋಣ.

ಮೊದಲಿಗೆ ನೀವು ಆನ್‌ಲೈನ್ ಮೂಲಕ ಔಷಧಿ ಖರೀದಿಗೆ ಮುಂದಾದಾರೆ ಆ ಸಂಸ್ಥೆ ಔಷಧಿ ಮಾರಾಟಕ್ಕೆ ಪರವಾನಗಿ ಹೊಂದಿದೆಯೇ ಎಂಬುದನ್ನು ಪರಿಶೀಲಿಸಿ. ವೆಬ್‌ಸೈಟ್‌ನ ಕೊನೆಯಲ್ಲಿ ಈ ಲೈಸೆನ್ಸ್ ಕುರಿತ ಮಾಹಿತಿ ಸಿಗಬಹುದು. ಹಾಗೆ ಆ ಸಂಸ್ಥೆ ಎಷ್ಟು ವರ್ಷದಿಂದ ಈ ಸೇವೆ ನೀಡುತ್ತಿದೆ ಎಂಬುದನ್ನು ಅರಿತುಕೊಳ್ಳಿ. ಇತ್ತೀಚಿಗೆ ಆರಂಭಗೊಂಡಿರುವ ಅಥವಾ ಅನಧಿಕೃತ ಎಂಬ ಅನುಮಾನ ಬಂದರೆ ಅಂತಹ ವೆಬ್‌ಸೈಟ್‌ನಿಂದ ಔಷಧಿ ವ್ಯವಹಾರ ಮಾಡದಿರುವುದು ಉತ್ತಮ.

ಹಾಗೆ ನೀವು ಔಷಧಿ ತರಿಸಿಕೊಂಡಾಗ ಅನುಮಾನಾಸ್ಪದಾಗಿ ಕಂಡರೆ ಅಂದನ್ನು ಪರಿಶೀಲನೆಗೆ ಒಳಪಡಿಸಿ ಬಳಸುವುದು ಉತ್ತಮ. ಔಷಧಿಯ ರೂಪದಲ್ಲಿ ಅಥವಾ ನಿಮಗೆ ಬಂದಿರುವ ಪ್ಯಾಕೇಜ್‌ನ ರೂಪ ಬದಲಾಗಿದ್ದರೆ ಇಲ್ಲವೆ ನಿಮಗೆ ಅನುಮಾನ ಮೂಡಿಸಿದ್ದರೆ ಮತ್ತೊಮ್ಮೆ ಪರಿಶೀಲನೆ ಮಾಡಿ ಉಪಯೋಗಿಸಿ. ಕೆಲವೊಮ್ಮೆ ನಕಲಿ ಔಷಧಿ ಕೈಸೇರುವ ಅಪಾಯ ಹೆಚ್ಚಾಗಿರಲಿದೆ.

ಹಾಗೆ ನೀವು ಔಷಧಿ ತರಿಸಿಕೊಂಡಾಗ ಅನುಮಾನಾಸ್ಪದಾಗಿ ಕಂಡರೆ ಅಂದನ್ನು ಪರಿಶೀಲನೆಗೆ ಒಳಪಡಿಸಿ ಬಳಸುವುದು ಉತ್ತಮ. ಔಷಧಿಯ ರೂಪದಲ್ಲಿ ಅಥವಾ ನಿಮಗೆ ಬಂದಿರುವ ಪ್ಯಾಕೇಜ್‌ನ ರೂಪ ಬದಲಾಗಿದ್ದರೆ ಇಲ್ಲವೆ ನಿಮಗೆ ಅನುಮಾನ ಮೂಡಿಸಿದ್ದರೆ ಮತ್ತೊಮ್ಮೆ ಪರಿಶೀಲನೆ ಮಾಡಿ ಉಪಯೋಗಿಸಿ. ಕೆಲವೊಮ್ಮೆ ನಕಲಿ ಔಷಧಿ ಕೈಸೇರುವ ಅಪಾಯ ಹೆಚ್ಚಾಗಿರಲಿದೆ.

ಹಾಗೆ ಯಾವ ವೆಬ್‌ಸೈಟ್‌ನಲ್ಲಿ ಕಸ್ಟಮರ್ ಕೇರ್ ನಂಬರ್ ಅಥವಾ ಸಹಾಯವಾಣಿ ಇಲ್ಲವೋ ಅಂತಹ ವೆಬ್‌ಸೈಟ್ ಮೂಲಕ ಔಷಧಿ ವ್ಯವಹಾರ ಮಾಡುವುದು ಅಪಾಯ ಹೆಚ್ಚಿಸಬಹುದು. ಹಾಗೆ ಅತೀ ಹೆಚ್ಚು ರಿಯಾಯಿತಿ ನೀಡುವ ವೆಬ್‌ಸೈಟ್‌ಗಳನ್ನು ಕೂಡ ಸುಲಭವಾಗಿ ನಂಬಲಾಗುವುದಿಲ್ಲ. ಖರೀದಿ ಮಾಡುವ ಮೊದಲು ಔಷಧಾಲಯದ ಖ್ಯಾತಿಯನ್ನು ಸಂಶೋಧಿಸಿ. LegitScript ಅಥವಾ NABP (ನ್ಯಾಷನಲ್ ಅಸೋಸಿಯೇಷನ್ ​​ಆಫ್ ಫಾರ್ಮಸಿ ಬೋರ್ಡ್ಸ್) ನಂತಹ ವಿಶ್ವಾಸಾರ್ಹ ಸಂಸ್ಥೆಗಳಿಂದ ವಿಮರ್ಶೆಗಳು, ಪ್ರಮಾಣೀಕರಣಗಳು ಮತ್ತು ಮಾನ್ಯತೆಗಾಗಿ ನೋಡುವುದು ಬಹಳ ಉತ್ತಮ. ಹಾಗೆ ಮಳಿಗೆಗಳಿಗೆ ಭೇಟಿ ನೀಡಿ ಅಲ್ಲಿಂದಲೆ ಔಷಧಿ ಖರೀದಿ ಮತ್ತೂ ಉತ್ತಮ ಅಭ್ಯಾಸ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.