ಲ್ಯಾಕ್ಮೆ ಫ್ಯಾಷನ್-ಹೃದಯಬಡಿತವನ್ನೇ ನಿಲ್ಲಿಸಿದ ಮನಿಷಾ ಕೊಯಿರಾಲ!

ಈ ವರ್ಷದ ಲ್ಯಾಕ್ಮೆ ಫ್ಯಾಷನ್ ವೀಕ್-ವಿಂಟರ್ ಫೆಸ್ಟಿವ್ 2016ರ ಸಂದರ್ಭದಲ್ಲಿ ಹಲವು ಅಚ್ಚರಿಯ ಘಟನೆಗಳು ನಡೆದಿವೆ. ಈ ಬಾರಿ ಪ್ರಮುಖ ವಿನ್ಯಾಸಕಾರ್ತಿ ಸೊಹಾಯ ಮಿಶ್ರಾರವರ ವಿನ್ಯಾಸಗಳನ್ನು ತೊಟ್ಟು ವೇದಿಕೆಯ ಸಂಭ್ರಮವನ್ನು ಹೆಚ್ಚಿಸಿದವರು ಬೇರಾರೂ ಅಲ್ಲ, ಅಪ್ರತಿಮ ನಟಿ, ನೇಪಾಳದ ದೊರೆಯಿಂದ ಗೋರ್ಖಾ ದಕ್ಷಿಣ ಬಹೂ ಎಂಬ ಬಿರುದನ್ನು ಪಡೆದ ಮನಿಷಾ ಕೊಯಿರಾಲ.

ಸುಮಾರು ನಾಲ್ಕು ವರ್ಷಗಳ ಹಿಂದೆ ಇವರು ಚಿತ್ರರಂಗದಿಂದ ಕೊಂಚ ಹಿಂದೆ ಸರಿದ ಬಳಿಕ ಇವರನ್ನು ಹೆಚ್ಚೂ ಕಡಿಮೆ ನಾವೆಲ್ಲರೂ ಮರೆತೇ ಬಿಟ್ಟಿದ್ದೆವು. ಆದರೆ ಲ್ಯಾಕ್ಮೆ ಫ್ಯಾಷನ್ ವೀಕ್ 2016ದ ಮೂರನೆಯ ದಿನ ಇವರು ಏಕಾಏಕಿ ಅಪ್ರತಿಮ ಉಡುಗೆಯನ್ನು ತೊಟ್ಟು ವೇದಿಕೆಯನ್ನು ಅಲಂಕರಿಸುವ ಮೂಲಕ ಎಲ್ಲರನ್ನು ಅಚ್ಚರಿಗೊಳಿಸಿದರು.

ಇಂದಿನ ವಿನ್ಯಾಸಗಳ ಸಂಗ್ರಹದ ಬಗ್ಗೆ ಮಾತನಾಡುವುದಾದರೆ ಚೋಳಾ ವಿನ್ಯಾಸ ಸಂಸ್ಥೆಯಿಂದ ವಿವಿಧ ಹತ್ತಿಯ ಉಡುಗೆಗಳ ಪ್ರದರ್ಶನ ನಡೆಯಿತು. ವಿಶೇಷವಾಗಿ ಹತ್ತಿನ ಮ್ಯಾಕ್ಸಿ ಉಡುಗೆಗಳ ಬಗ್ಗೆ ವಿಶಿಷ್ಟ ವಿನ್ಯಾಸಗಳನ್ನು ಪ್ರದರ್ಶಿಸಲಾಯಿತು. ಕಸ ಗುಡಿಸುವಷ್ಟು ನೀಳವಾಗಿರುವ ಉಡುಗೆ ಮತ್ತು ವಿವಿಧ ಚಳಿಗಾಲದ ಕೋಟುಗಳನ್ನೂ ಪ್ರದರ್ಶಿಸಲಾಯಿತು.

ಈ ವಿನ್ಯಾಸಗಳಲ್ಲಿ ಗಾಢವರ್ಣಗಳೇ ಹೆಚ್ಚು ಪ್ರಮುಖವಾಗಿದ್ದವು. ಗಾಢಬೂದು, ಗಾಢಕೆಂಪು ಮತ್ತು ಗಾಢನೀಲಿ ಬಣ್ಣದ ಉಡುಗೆಗಳೇ ಹೆಚ್ಚು ಕಂಡುಬಂದವು. ಈ ವಿನ್ಯಾಸ ನಮಗೆಷ್ಟು ಇಷ್ಟವಾಯಿತೋ ಅಷ್ಟೇ ನಿಮಗೂ ಇಷ್ಟವಾಗಬಹುದು ಎಂದುಕೊಂಡಿದ್ದೇವೆ.