ಐಸಿಡಬ್ಲ್ಯೂ 2016: ಫ್ಯಾಷನ್ ಲೋಕದಲ್ಲಿ ಗೌರವ್ ಗುಪ್ತಾರ ಕೈಚಳಕ

ಭಾರತದ ದಿರಿಸುಗಳ ಹಬ್ಬ (ಇಂಡಿಯನ್ ಕೌಚರ್ ವೀಕ್ 2016) ಆರಂಭವಾಗಿ ನವನವೀನ ಮಾದರಿಯ ದಿರಿಸುಗಳ ಪ್ರದರ್ಶನವನ್ನು ಫ್ಯಾಷನ್ ಪ್ರಿಯರಿಗೆ ಉಣಬಡಿಸುತ್ತಿದೆ. ಸೆಲೆಬ್ರಿಟಿಗಳು ತಮ್ಮ ಮೆಚ್ಚಿನ ಫ್ಯಾಷನ್ ವಿನ್ಯಾಸಕಾರರ ದಿರಿಸುಗಳನ್ನು ಧರಿಸಿ ರಾಂಪ್‎ನಲ್ಲಿ ಹೆಜ್ಜೆಹಾಕುತ್ತಿದ್ದಾರೆ. ಈ ಬಾರಿ ಗೌರವ್ ಗುಪ್ತಾ ತಮ್ಮ ವಿನ್ಯಾಸ ಪಡಿಸಿದ ದಿರಿಸುಗಳನ್ನು ಫ್ಯಾಷನ್ ಮೇಳದಲ್ಲಿ ಪ್ರಸ್ತುತಪಡಿಸಿದ್ದು ಫ್ಯಾಷನ್ ಪ್ರಿಯರ ಮನವನ್ನು ಇದು ಹೆಚ್ಚು ಆಕರ್ಷಿಸಿದೆ.

ಈ ಬಾರಿ ಗೌರವ್ ಸ್ವರೋಸ್ಕಿ ಕ್ರಿಸ್ಟಲ್‎ಗಳನ್ನು ತಮ್ಮ ವಿನ್ಯಾಸಗಳಲ್ಲಿ ಬಳಸಿಕೊಂಡಿದ್ದಾರೆ. ಹೊಳೆಯುವ ಈ ಮಣಿಗಳ ಸೌಂದರ್ಯ ದಿರಿಸುಗಳನ್ನು ಇನ್ನಷ್ಟು ನೂತನಗೊಳಿಸಿದೆ. ಆಫ್ ಶೋಲ್ಡರ್ ದಿರಿಸುಗಳ ಸಂಭ್ರಮ ನೆರೆದಿದ್ದವರ ನೋಟವನ್ನು ಆಕರ್ಷಿಸಿದೆ. ಬಾಲ್ ಗೌನ್ಸ್, ಸ್ಟ್ರಕ್ಚರ್ ಗೌನ್ಸ್, ಸಾರೀ ಗೌನ್ಸ್, ಸಾರೀ ಡ್ರೇಪ್ಸ್ ಮತ್ತು ಅಸಾಮಾನ್ಯ ಪೇಟ್ರನ್ ಸೀರೆಗಳನ್ನು ಇದು ಪಡೆದುಕೊಂಡಿದೆ. ಈ ಬಾರಿಯೂ ಇದು ಭಾರತೀಯ ದಿರಿಸುಗಳ ಸಂಭ್ರಮವನ್ನು ನಮ್ಮ ಕಣ್ಣೆದುರಿಗೆ ತರುವಲ್ಲಿ ಸಹಕಾರಿಯಾಗಿದೆ.

ಆಧುನಿಕ ಮದುವಣಗಿತ್ತಿಯರಿಗೆ ಹೋಲುವ ದಿರಿಸುಗಳನ್ನೇ ಗೌರವ್ ಈ ಬಾರಿ ಪ್ರದರ್ಶಿಸಿದ್ದು ಅವರ ಮನಸ್ಸನ್ನು ಆಕರ್ಷಿಸುವಂತಿದೆ. ಬನ್ನಿ ಇವರು ವಿನ್ಯಾಸ ಪಡಿಸಿರುವ ಇನ್ನಷ್ಟು ದಿರಿಸುಗಳ ನೋಟವನ್ನು ಕಣ್ತುಂಬಿಕೊಳ್ಳಿ.