ನ್ಯೂಯಾರ್ಕ್ ನಲ್ಲಿ ರಾರಾಜಿಸಿದ ಮಹೇಶ್ ಬಾಬು ಪುತ್ರಿ ಫೋಟೋಗಳು! ಪಡೆದ ಸಂಭಾವನೆ ಎಷ್ಟು ಗೊತ್ತಾ?

ನಟ ಮಹೇಶ್ ಬಾಬು ದಕ್ಷಿಣ ಭಾರತೀಯ ಚಿತ್ರರಂಗದ ಪ್ರಖ್ಯಾತ ನಟ. ಈ ವಯಸ್ಸಿನಲ್ಲೂ ಯಂಗ್ ಆಂಡ್ ಎನರ್ಜಿಟಿಕ್ ಆಗಿರುವ ನಟ ಮಹೇಶ್ ಬಾಬು ಕೋಟ್ಯಾಂತರ ಫ್ಯಾನ್ ಫಾಲೋವರ್ಸ್ ಹೊಂದಿದ್ದಾರೆ. ಇನ್ನೂ ಮಹೇಶ್ ಬಾಬು ಮಗಳು ಸಿತಾರಾ ಕೂಡ ಮಹೇಶ್ ಬಾಬು ತರಾನೇ ಭವಿಷ್ಯದ ಸ್ಟಾರ್ ಆಗೋ ಎಲ್ಲಾ ಲಕ್ಷಣಗಳು ಕಾಣಿಸ್ತಿದೆ.

ಈಗಾಗ್ಲೇ ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟಿವ್ ಆಗಿರುವ ಸಿತಾರಾ ಇನ್ಸ್ಟಾಗ್ರಾಂ ನಲ್ಲಿ ಲಕ್ಷಾಂತರ ಫ್ಯಾನ್ ಫಾಲೋವರ್ಸ್ ಹೊಂದಿದ್ದಾರೆ. ಇದ್ರ ಜೊತೆಗೆ ಅವರದ್ದೇ ಆದ ಯೂಟ್ಯೂಬ್ ಚಾನೆಲ್ ಕೂಡ ಇದೆ. ಆಗಾಗ್ಗೆ ಡಾನ್ಸ್ ವಿಡಯೋಗಳನ್ನು ಸೋಶಿಯಲ್ ಮಿಡಿಯಾದಲ್ಲಿ ಪೋಸ್ಟ್ ಮಾಡ್ತಿರ್ತಾರೆ. ಯಾವಾಗ್ಲೂ ಸೋಶಿಯಲ್ ಮಿಡಿಯಾದಲ್ಲಿ ಟ್ರೆಂಡಿಂಗ್ ನಲ್ಲಿರೋ ಸಿತಾರಾ ಇದೀಗ ಮತ್ತೊಂದು ವಿಚಾರಕ್ಕೆ ಸುದ್ದಿಯಲ್ಲಿದ್ದಾರೆ.

PC : Instagram

ನ್ಯೂಯಾರ್ಕ್ ನ ಟೈಂ ಸ್ಕ್ವೇರ್ ನಲ್ಲಿ ಕಾಣಿಸಿಕೊಂಡ ಸಿತಾರ!

ಹೌದು, ಮಹೇಶ್ ಬಾಬು ಪುತ್ರಿ ಸಿತಾರಾ ನ್ಯೂಯಾರ್ಕ್ ನ ಟೈಂ ಸ್ಕ್ರೇರ್ ನಲ್ಲಿ ಕಾಣಿಸಿಕೊಂಡಿದ್ದು, ಈ ವಿಚಾರವನ್ನು ಖುದ್ದು ಮಹೇಶ್ ಬಾಬು ಸೋಶಿಯಲ್ ಮಿಡಿಯಾದಲ್ಲಿ ಪೋಸ್ಟ್ ಮಾಡೋ ಮೂಲಕ ಹಂಚಿಕೊಂಡಿದ್ದಾರೆ. ಇದೇ ಮೊದಲ ಬಾರಿಗೆ ಸ್ಟಾರ್ ಮಗಳೊಬ್ಬಳು ಅಂತರಾಷ್ಟ್ರೀಯ ಮಟ್ಟದ ಬ್ರಾಂಡ್ ಒಂದರಲ್ಲಿ ಕಾಣಿಸಿಕೊಂಡಿದ್ದು, ಅದೂ ಕೂಡ ಅಮೆರಿಕಾದಲ್ಲಿ ಅದರ ಜಾಹೀರಾತು ಕಾಣಿಸಿಕೊಂಡಿದೆ. 11 ನೇ ವಯಸ್ಸಿಗೆ ಸಿತಾರಾ ಈ ಸಾಧನೆ ಮಾಡಿದ್ದು, ಮಹೇಶ್ ಬಾಬು ಮಗಳ ಬಗ್ಗೆ ಸೋಶಿಯಲ್ ಮಿಡಿಯಾ ಪೋಸ್ಟ್ ನಲ್ಲಿ ಸಂತಸ ಹಂಚಿಕೊಂಡಿದ್ದಾರೆ.

ಇದೊಂದು ಆಭರಣದ ಜಾಹೀರಾತಾಗಿದ್ದು, ನ್ಯೂಯಾರ್ಕ್ ನ ಟೈಂ ಸ್ಕ್ವೇರ್ ನಲ್ಲಿ ಈ ಜಾಹೀರಾತನ್ನು ಹಾಕಲಾಗಿದೆ. ಇದೇ ಮೊದಲ ಬಾರಿಗೆ ಅತೀ ಚಿಕ್ಕ ವಯಸ್ಸಿನಲ್ಲಿ ದೊಡ್ಡ ಬ್ರಾಂಡ್ ಜೊತೆಗೆ ಒಪ್ಪಂದ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಈ ಮೊದಲು ಬೇರೆ ಜಾಹಿರಾತು ಹಾಗೂ ಹಾಡುಗಳಲ್ಲಿ ಸಿತಾರಾ ಕಾಣಿಸಿಕೊಂಡಿದ್ರು. ಆದ್ರೆ ಈ ಆಭರಣದ ಬ್ಯಾಂಡ್ ಗೆ ಭಾರೀ ಮತ್ತದ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ.

ಒಂದು ಜಾಹೀರಾತಿಗೆ ಕೋಟ್ಯಾಂತರ ರೂಪಾಯಿ ಸಂಭಾವನೆ!

ಸಿತಾರಾ ಹೇಳಿ ಕೇಳಿ ಸೂಪರ್ ಸ್ಟಾರ್ ಮಗಳು. ಈಗಾಗ್ಲೇ ಸೋಶಿಯಲ್ ಮಿಡಿಯಾದಲ್ಲಿ ಸ್ಟಾರ್ ಆಗಿ ಮೆರೆಯುತ್ತಿರುವ ಸಿತಾರಾ ಭವಿಷ್ಯದ ಸ್ಟಾರ್ ಹಿರೋಯಿನ್ ಆಗೋ ಎಲ್ಲಾ ಲಕ್ಷಣಗಳು ಕಾಣಿಸ್ತಿದೆ. ಅಂತರಾಷ್ಟ್ರೀಯ ಬ್ರ್ಯಾಂಡ್ ನಲ್ಲಿ ಸಿತಾರಾ ಕಾಣಿಸಿಕೊಳ್ತಿರೋದ್ರಿಂದ ಖಂಡಿತ ಕಡಿಮೆ ಮೊತ್ತಕ್ಕೆ ಒಪ್ಪಿಕೊಂಡಿರೋದಿಲ್ಲ. ಬಲ್ಲ ಮೂಲಗಳ ಪ್ರಕಾರ ಈ ಜಾಹೀರಾತಿಗಾಗಿ ಮೂರು ದಿನ ಶೂಟಿಂಗ್ ಮಾಡಲಾಗಿದ್ದು, ಇದಕ್ಕಾಗಿ ಸಿತಾರಾ ಕೋಟ್ಯಾಂತರ ರೂಪಾಯಿ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ.

ಇನ್ನೂ ಮಹೇಶ್ ಬಾಬು ಈ ಪೋಸ್ಟ್ ಹಾಕುತ್ತಿದ್ದಂತೆ ಪತ್ನಿ ಅಮೃತ ಶಿರೋಡ್ಕರ್ ಕೂಡ ಕಾಮೆಂಟ್ ಮಾಡಿ ಸಂತಸ ಹಂಚಿಕೊಂಡಿದ್ದಾರೆ. ಸ್ಟಾರ್ ಮಕ್ಕಳಾದ್ರೂ ಕೂಡ ಎಲ್ಲರಿಗೂ ಈ ರೀತಿ ಅವಕಾಶಗಳು ಒಲಿದು ಬರೋದಿಲ್ಲ. ಸಿತಾರಾ ನೋಡೋದಕ್ಕೂ ಮುದ್ದಾಗಿದ್ದು, ತುಂಬಾನೇ ಆಕ್ಟೀವ್ ಕೂಡ ಆಗಿದ್ದಾರೆ. ಹೀಗಾಗಿ ಇಷ್ಟು ಚಿಕ್ಕ ವಯಸ್ಸಿನಲ್ಲಿ ದೊಡ್ಡ ಬ್ರ್ಯಾಂಡ್ ಒಂದರ ರಾಯಭಾರಿಯಾಗಿ ಕಾಣಿಸಿಕೊಂಡಿದ್ದಾರೆ.