ಈ ಬಣ್ಣದ ಬಟ್ಟೆಗಳನ್ನು ಧರಿಸಿದರೆ ದಪ್ಪ ಇರುವವರು ಸಣ್ಣ ಕಾಣುತ್ತಾರೆ

ಕಪ್ಪು

ಬಣ್ಣಗಳಲ್ಲೇ ಕಪ್ಪು ಇತರೆ ಎಲ್ಲಾ ಬಣ್ಣಗಳಿಗಿಂತ ಗಾಢವಾದ ಹಾಗೂ ಹೆಚ್ಚು ಬೇಡಿಕೆಯಿರುವ ಬಣ್ಣವಾಗಿದೆ, ಬಹತೇಕರ ನೆಚ್ಚಿನ ಬಣ್ಣವೂ ಹೌದು. ಫ್ಯಾಷನ್‌ ಡಿಸೈನರ್‌ ಪ್ರಕಾರ ಕಪ್ಪು ಉಡುಪನ್ನು ಧರಿಸಿದ ವ್ಯಕ್ತಿಯು ಇವರು ವಾಸ್ತವಕ್ಕಿಂತ ಕೆಲವು ಪೌಂಡ್‌ಗಳಷ್ಟು ಕಡಿಮೆ ಸಣ್ಣ ಕಾಣಿಸಿಕೊಳ್ಳುತ್ತಾರೆ ಹಾಗೂ ಧರಿಸಿದ ವ್ಯಕ್ತಿಗೂ ತಾನು ಸಣ್ಣದಾಗ ಕಾಣುತ್ತೇನೆ ಎಂಬ ಭಾವನೆ ಉಂಟುಮಾಡುತ್ತದೆ ಅಂತೆ. ಆದ್ದರಿಂದ ತಾವು ಇರುವುದಕ್ಕಿಂತ ಸಣ್ಣ ಕಾಣಲು ಹಲವು ಸೆಲೆಬ್ರಿಟಿಗಳು ಈ ತಂತ್ರವನ್ನು ಪ್ರಯತ್ನಿಸುತ್ತಾರೆ.

ಕಪ್ಪು ಬಣ್ಣಕ್ಕೆ ಸಮೀಪವಿರುವ ಕಂದು, ಕಡು ನೀಲಿ, ಚಾಕೊಲೇಟ್‌ ಬಣ್ಣಗಳು ಸಹ ಧರಿಸಿದವರಿಗೆ ಸ್ಲಿಮ್ ಕಾಣುತ್ತೇವೆ ಎಂಬ ಭ್ರಮೆ ಮೂಡಿಸುತ್ತದೆ. ತಾತ್ವಿಕವಾಗಿ ಹೇಳಬೇಕೆಂದರೆ, ನೀವು ಧರಿಸಿರುವ ಬಟ್ಟೆಯ ಬಣ್ಣ ಗಾಢವಾದಷ್ಟು ನೀವು ತೆಳ್ಳನೆ ಕಾಣಬಹುದು.

ಒಂದೇ ಬಣ್ಣದ ಬಟ್ಟೆ

ನಿಮ್ಮ ಎತ್ತರವನ್ನು ಎದ್ದು ಕಾಣಲು ಮತ್ತು ನೀವು ತೆಳ್ಳಗೆ ಕಾಣಿಸಿಕೊಳ್ಳಲು ಬಯಸಿದರೆ, ಮೇಲಿನಿಂದ ಕೆಳಕ್ಕೆ ಏಕವರ್ಣದ ಬಟ್ಟೆಯನ್ನು ಧರಿಸಿ. ಇದು ನೋಡುವವರ ಕಣ್ಣಿಗೆ ಲಂಬ ರೇಖೆಯನ್ನು ರಚಿಸಲು ಸಹಾಯ ಮಾಡುತ್ತದೆ, ಇದರಿಂದ ನೀವು ದಪ್ಪ ಇದ್ದರೂ ಅದನ್ನು ಮರೆಮಾಚಿ ನಿಮ್ಮ ಎತ್ತರಕ್ಕೆ ಹೆಚ್ಚು ಆದ್ಯತೆ ಸಿಗುತ್ತದೆ.

ಹಲವು ಬಣ್ಣಗಳ ಬಟ್ಟೆಗಳು

ಸಣ್ಣ ಕಾಣುವ ಒಂದೇ ಕಾರಣಕ್ಕೆ ಪ್ರತಿ ಬಾರಿ ಒಂದೇ ವಿನ್ಯಾಸದ ಅಂದರೆ ಗಾಢಬಣ್ಣದ ಅಥವಾ ಒಂದೇ ವರ್ಣದ ಬಟ್ಟೆಗಳನ್ನು ಬಟ್ಟೆಗಳನ್ನು ಧರಿಸುವ ಅಗತ್ಯವಿಲ್ಲ. ಬಣ್ಣಬಣ್ಣದ ಕಲರ್‌ಫುಲ್‌ ಟಾಪ್‌ಗಳಿಗೆ ಡಾರ್ಕ್‌ ಬಣ್ಣದ ಬಾಟಮ್‌ ಇದೇ ರೀತಿಯ ವಿಭಿನ್ನ ಆಯ್ಕೆಗಳನ್ನು ಸಹ ನೀವು ಧರಿಸಬಹುದು. ಇದಲ್ಲದೆ, ಕೆಂಪು ಅಥವಾ ಗುಲಾಬಿ ಬಣ್ಣಗಳು ಸಹ ನಿಮ್ಮನ್ನು ತೆಳ್ಳನೆ ಕಾಣವಂತೆ ಮಾಡಬಹುದು.