ಕೇನ್ಸ್ 2023: ಕೇನ್ಸ್ ಚಲನಚಿತ್ರೋತ್ಸವದ ಕುರಿತು ಒಂದಿಷ್ಟು ಆಸಕ್ತಿಕರ ಸಂಗತಿಗಳು

ಸಿನಿರಂಗದ ಅತ್ಯಂತ ಪ್ರತಿಷ್ಠಿತ #CannesFilmFestival 2023ಕ್ಕೆ ಕೌಂಟ್‌ಟೌನ್‌ ಶುರುವಾಗಿದೆ. 10 ದಿನಗಳ ಈ ಕೇನ್ಸ್‌ ಫೆಸ್ಟಿವಲ್‌ನಲ್ಲಿ ವಿವಿಧ ದೇಶದ ಹೆಸರಾಂತ ಸೆಲೆಬ್ರಿಟಿಗಳು ಭಾಗವಹಿಸಲಿದ್ದಾರೆ. ಭಾರತದಿಂದಲೂ ಹಲವಾರು ಸೆಲೆಬ್ರಿಟಿಗಳು ಈ ಕೇನ್ಸ್‌ ಫೆಸ್ಟಿವಲ್‌ಗೆ ಪ್ರತಿವರ್ಷ ಭಾಗವಹಿಸುತ್ತಾರೆ. ಹೀಗೆ ಭಾಗವಹಿಸುವ ಸೆಲೆಬ್ರಿಟಿಗಳು ತಮ್ಮ ಫ್ಯಾಷನ್ ಲುಕ್‌ನಿಂದ ಸಾಕಷ್ಟು ಗಮನ ಸೆಳೆಯುವುದು ಈ ಫೆಸ್ಟಿವಲ್‌ನ ಮತ್ತೊಂದು ವಿಶೇಷತೆ.

ಈಗಷ್ಟೆ ಮೆಟ್‌ಗಾಲಾ ಫ್ಯಾಷನ್‌ ಶೋ ನಡೆದಿತ್ತು, ಆ ಪ್ರತಿಷ್ಠಿತ ಶೋಗೆ ಪ್ರಿಯಾಂಕಾ ಚೋಪ್ರಾ, ಇಶಾ ಅಂಬಾನಿ, ಆಲಿಯಾ ಭಟ್ ಭಾಗವಹಿಸಿ ಗಮನ ಸೆಳೆದಿದ್ದರು. ಇದೀಗ ಈ ಬಾರಿಯ ಚಲನ ಚಿತ್ರೋತ್ಸವಕ್ಕೆ ಭಾರತದಿಂದ ಸನ್ನಿ ಲಿಯೋನ್‌, ಪತಿ ವಿರಾಟ್ ಕೊಹ್ಲಿ ಜೊತೆಗೆ ಅನಿಷ್ಕಾ ಶರ್ಮಾ ಮುಂತಾದ ಸೆಲೆಬ್ರಿಟಿಗಳು ಭಾಗವಹಿಸಲಿದ್ದಾರೆ. ಕಳೆದ ಬಾರಿ #Cannes ಚಿತ್ರೋತ್ಸವದಲ್ಲಿ ದೀಪಿಕಾ ಪಡುಕೋಣೆ, ಐಶ್ವರ್ಯ ರೈ, ತಮ್ಮನ್ನಾ ಭಾಟಿಯಾ ಇವರೆಲ್ಲಾ ತುಂಬಾನೇ ಸ್ಟೈಲಿಷ್ ಆಗಿ ಕಾಣಿಸಿಕೊಳ್ಳುವ ಮೂಲಕ ಗಮನ ಸೆಳೆದಿದ್ದರು. ಈ ಬಾರಿ ಭಾಗವಹಿಸುವ ಸೆಲೆಬ್ರಿಟಿಗಳ ಲುಕ್‌ ಹೇಗಿರಲಿದೆ ಎಂಬ ಕುತೂಹಲದೊಂದಿಗೆ ಫ್ಯಾಷನ್‌ ಲೋಕ ಈ ಕಾರ್ಯಕ್ರಮವನ್ನು ಎದುರು ನೋಡುತ್ತಿದೆ.

ಕೇನ್ಸ್ ಚಲನಚಿತ್ರೋತ್ಸವ ಎಲ್ಲಿ ನಡೆಸಲಾಗುವುದು
ಫ್ರಾನ್ಸ್‌ನ ಫ್ರೆಂಚ್‌ ರಿವೇರಿಯಾದ ಕ್ಯಾನೆಸ್ ಪಟ್ಟಣದಲ್ಲಿ ಈ ಕೇನ್ಸ್ ಚಲನ ಚಿತ್ರೋತ್ಸವ ಅದ್ಧೂರಿಯಾಗಿ ನಡೆಯಲಿದೆ. ಇದನ್ನು ನೀವು festivaldecannes ಮುಂತಾದ ಸಾಮಾಜಿಕ ತಾಣಗಳಲ್ಲಿ ನೋಡಬಹುದು.

#CannesFilmFestival ಕುರಿತ ಕೆಲ ಕುತೂಹಲಕಾರಿ ಸಂಗತಿ ನೋಡುವುದಾದರೆ
* 1946ರಿಂದ 1959ರವರೆಗೆ ಕೇನ್ಸ್‌ ಫೆಸ್ಟಿವಲ್‌ನ ಜ್ಯೂರಿಯಾಗಿ ಬರೀ ಫ್ರೆಂಚ್‌ ಸೆಲೆಬ್ರಿಟಿಗಳಷ್ಟೇ ಕೂರುತ್ತಿದ್ದರು. ಬೆಲೆಜಿಯನ್ ಜಾರ್ಜ್ ಸೈಮೆನನ್ ಈ ಟ್ರೆಂಡ್‌ ಬ್ರೇಕ್ ಮಾಡಿದರು. ಇವರೊಬ್ಬ ಆಸ್ಟ್ರೇಲಿಯನ್.
* ಮೊದಲ ಕೇನ್ಸ್‌ ಫಿಲ್ಮಂ ಫೆಸ್ಟಿವಲ್‌ನ ಪೋಸ್ಟರ್ ಅನ್ನು ಲೌಲೂಸ್ ಲಾರೆಟ್ ಕಸಿನ್ಸ್, ಜೀನ್ ಗಾರ್ಬ್ರೈಯಲ್ ಡೋಮೆರ್ಗ್ ಸಿದ್ಧಪಡಿಸಿದ್ದರು, ಆದರೆ ಎರಡನೇ ಮಹಾಯುದ್ಧದ ಕಾರಣ ಮೊದಲ ಫಿಲ್ಮಂ ಫೆಸ್ಟಿವಲ್‌ ರದ್ದು ಮಾಡಲಾಯಿತು.
* ಈ ಫಿಲ್ಮಂ ಫೆಸ್ಟಿವಲ್‌ಗೆ ಭಾಗವಹಿಸುವ ಟಾಪ್‌ ಸೆಲೆಬ್ರಿಟಿಗಳು 60 ಮೀಟರ್ ಕಾರ್ಪೆಟ್‌ನಲ್ಲಿ 24 ಹೆಜ್ಜೆಗಳನ್ನು ಇಡುತ್ತಾರೆ. ಈ ಚಲನ ಚಿತ್ರೋತ್ಸವ ನಡೆಯುವಾಗ ದಿನದಲ್ಲಿ ಮೂರು ಬಾರಿ ಇದನ್ನು ಬದಲಾಯಿಸಲಾಗುವುದು.
* ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು 20.000 ಯುರೋ ಪಾವತಿಸಬೇಕು.