ಇಳಿವಯಸ್ಸಿನಲ್ಲೂ ನವತರುಣನಾಗಿ ಮಿಂಚಿದ ಅಮಿತಾಬ್ ಬಚ್ಚನ್

ಬಾಲಿವುಡ್ ಅಂಗಳದಲ್ಲಿ ಬಿಗ್ ಬಿ ಅಮಿತಾಬ್‎ರನ್ನು ಮೆಚ್ಚಿಕೊಳ್ಳದವರು ಯಾರಿದ್ದಾರೆ ಹೇಳಿ? ತಮ್ಮ ಇಳಿವಯಸ್ಸಿನಲ್ಲೂ ಬಿಗ್ ಬಿ ಇಂದಿಗೂ ಚಿರಯೌವನದ ಯುವಕರಂತೆಯೇ ಕಂಗೊಳಿಸುತ್ತಿದ್ದಾರೆ. ಕಂಚಿನ ಕಂಠ ಮತ್ತು ಅಜಾನುಬಾಹು ವ್ಯಕ್ತಿತ್ವದಿಂದಾಗಿ ಅಮಿತಾಬ್ ಆಂಗ್ರಿ ಯಂಗ್‎‌ ಮ್ಯಾನ್ ಎಂದೆನಿಸಿದ್ದಾರೆ. ಇಂದಿಗೂ ಅಮಿತಾಬ್ ತಮ್ಮ ನಟನಾ ಕೌಶಲ್ಯವನ್ನು ಎಂದಿನಂತೆಯೇ ನಿರ್ವಹಿಸುತ್ತಿರುವುದರಿಂದ ಅವರ ಬೇಡಿಕೆ ಕುಗ್ಗಿಲ್ಲ.

ಬರಿಯ ಸಿನಿಮಾಗಳಲ್ಲಿ ಮಾತ್ರವಲ್ಲದೆ ನಡೆಸಿಕೊಡುವ ಯಾವುದೇ ಕಾರ್ಯಕ್ರಮದಲ್ಲಿ ಅಮಿತಾಬ್ ಅಚ್ಚುಕಟ್ಟುತನವನ್ನು ಕಾಯ್ದುಕೊಂಡು ಬಂದಿದ್ದಾರೆ. ಸಿನಿ ಕ್ಷೇತ್ರದಲ್ಲಿ ಎಷ್ಟೇ ಹೆಸರು ಮಾಡಿಕೊಂಡಿದ್ದರೂ ಬಿಗ್ ಬಿಯ ಧೀಮಂತ ವ್ಯಕ್ತಿತ್ವಕ್ಕೆ ನಾವು ತಲೆದೂಗಲೇಬೇಕು. ಕಿರಿಯವರಲ್ಲಿ ಕಿರಿಯರಾಗಿ ಹಿರಿಯವರಲ್ಲಿ ಹಿರಿಯರಾಗಿ, ಎಲ್ಲರೊಂದಿಗೂ ಸಮಾನವಾಗಿ ಬೆರೆಯುತ್ತಿರುವ ಅಮಿತಾಬ್ ಬಚ್ಚನ್‌ನ ಸರಳತೆಗೆ ಹಿಡಿದ ಕನ್ನಡಿಯಾಗಿದೆ. ಇನ್ನು ಅವರ ಸ್ಟೈಲ್ ಸೆನ್ಸ್ ಅಂತೂ ಅದ್ಭುತವಾಗಿದ್ದು ಕಿರಿಯರು ಅವರಿಂದ ಕಲಿತುಕೊಳ್ಳಬೇಕಾದ್ದು ಬಹಳಷ್ಟಿದೆ. ಸ್ಟೈಲಿಶ್ ಲುಕ್‌ನಲ್ಲಿ ಮಿರಿಮಿರಿ ಮಿಂಚಿದ ಅಮಿತಾಬ್

ಇಂದಿನ ಲೇಖನದಲ್ಲಿ ಆಜ್ ಕೀ ರಾತ್‌ ಹೇ ಜಿಂದಗಿ ಕಾರ್ಯಕ್ರಮದಲ್ಲಿ ಅಮಿತಾಬ್‌‎ರ ಸ್ಟೈಲಿಶ್ ಲುಕ್ ಅನ್ನು ನಾವು ನಿಮಗಾಗಿ ವರ್ಣಿಸುತ್ತಿದ್ದೇವೆ. ಕೋಬಾಲ್ಟ್ ನೀಲಿ ಬಣ್ಣದ ಬ್ಲೇಜರ್‎‌ನಲ್ಲಿ ಹ್ಯಾಂಡ್‎ಸಮ್ ಆಗಿ ಅಮಿತಾಬ್ ಕಾಣುತ್ತಿದ್ದಾರೆ. ಇನ್ನು ಬ್ಲೇಜರ್ ಸುಂದರವಾದ ಚರ್ಮದ ಹೊಳೆಯುವಿಕೆಯನ್ನು ಪಡೆದುಕೊಂಡಿತ್ತು.

ಕಪ್ಪು ಪ್ಯಾಂಟ್ ಮತ್ತು ನೀಲಿ ಬಣ್ಣದ ಶರ್ಟ್‌‎ನಲ್ಲಿ ಅಮಿತಾಬ್ ನೋಡುಗರ ಕಣ್ಮನ ಸೆಳೆಯುವಂತಿದ್ದರು. ಮನೀಶ್ ಪಾಲ್ ಸೆಟ್‌‎ನಲ್ಲೂ ಬಿಗ್ ಬಿ ತಮ್ಮ ಸುಂದರತೆಯನ್ನು ಪ್ರದರ್ಶಿಸಿದ್ದಾರೆ. ನೀವು ಅಮಿತಾಬ್ ಕಟ್ಟಾ ಅಭಿಮಾನಿ ಹೌದಾಗಿದ್ದರೆ ಅವರ ಈ ಸ್ಟೈಲ್ ಕುರಿತು ನಿಮ್ಮ ಅಭಿಪ್ರಾಯವೇನು?
Read in english -You Must Check This Regal Look Of Amitabh Bachchan, In Cobalt Blue Suit