ಹಳತನ್ನು ಹೊಸದಾಗಿಸುವ ಆಲಿಯಾರ ಹೊಸ ಸ್ಟೈಲ್ ಪಾಠ

ಬಾಲಿವುಡ್ ಸೆಲೆಬ್ರಿಟಿಗಳು ಫ್ಯಾಷನ್ ಪಾಠವವನ್ನು ನಮಗೆ ತಿಳಿಸಿಕೊಡುವಲ್ಲಿ ಸಿದ್ಧಹಸ್ತರು. ಅತಿ ಸರಳ ಉಡುಗೆಯನ್ನೇ ಆಕರ್ಷಕವಾಗಿ ತೊಟ್ಟುಕೊಳ್ಳುವುದು ಹೇಗೆ ಎಂಬುದನ್ನು ಕುರಿತು ನಮಗೆ ತಿಳಿಸಿಕೊಡುವಷ್ಟು ನಿಪುಣರು. ಪ್ರತಿಯೊಂದು ಫ್ಯಾಷನ್ ಕಾರ್ಯಕ್ರಮದಲ್ಲೂ ಇವರುಗಳ ಸೌಂದರ್ಯದ ಝಲಕ್‌ನಿಂದ ನಾವು ಸಾಕಷ್ಟನ್ನು ಅರಿತುಕೊಳ್ಳಬಹುದಾಗಿದೆ.

ಈಗ ಬಾಲಿವುಡ್‌ನಲ್ಲಿ ಹೆಚ್ಚು ಬೇಡಿಕೆಯನ್ನು ಪಡೆದುಕೊಂಡಿರುವ ಆಲಿಯಾ ಭಟ್ ತಮ್ಮ ಫ್ಯಾಷನ್ ಮಂತ್ರದಿಂದ ಎಲ್ಲರನ್ನೂ ಮಂತ್ರಮುಗ್ಧಗೊಳಿಸುತ್ತಿದ್ದಾರೆ. ನಮ್ಮ ಹೆಚ್ಚಿನ ದಿರಿಸುಗಳ ಸಮಸ್ಯೆಯನ್ನು ಚಿಟಿಕೆಯಲ್ಲಿ ಈಕೆ ನಿವಾರಣೆ ಮಾಡಲಿದ್ದಾರೆ. ಹಳೆಯ ಬಟ್ಟೆಗಳನ್ನು ನಾವು ಹೆಚ್ಚು ಬಳಸುವುದೇ ಕಡಿಮೆ. ಅದು ಹಳತಾದ ಒಡನೆ ಅದನ್ನು ಮೂಲೆಗೆಸೆದು ಬಿಡುತ್ತೇವೆ. ಆದರೆ ಆಲಿಯಾ ಹಳೆಬಟ್ಟೆಯಿಂದಲೇ ಹೊಸ ಸ್ಟೈಲ್ ಸೆನ್ಸ್ ಅನ್ನು ಮಾಡಿಕೊಳ್ಳುವುದು ಹೇಗೆ ಎಂಬುದನ್ನು ನಮಗೆ ತಿಳಿಸಿಕೊಡಲಿದ್ದಾರೆ.

ಇತ್ತೀಚೆಗೆ ತಾನೇ ಆಲಿಯಾ ಸ್ಮೈಲ್ ಫೌಂಡೇಶನ್ ಈವೆಂಟ್‌ನಲ್ಲಿ ಫೇಡ್ ಆದ ಡಿಟೈಲ್ಡ್ ಟಾಪ್ ಅನ್ನು ಧರಿಸಿ ಹೊಸ ಸ್ಟೈಲಿಂಗ್ ಅನುಭವವನ್ನೇ ಉಣಬಡಿಸಿದ್ದಾರೆ. ಇದಕ್ಕೆ ಜೋಡಿಯಾಗಿ ನೀಲಿ ಸ್ಕಿನ್ನಿಯನ್ನು ಆಕೆ ತೊಟ್ಟಿದ್ದು ವೈನ್ ಹೀಲ್ಸ್ ಅನ್ನು ಮ್ಯಾಚಿಂಗ್ ಆಗಿ ತೊಟ್ಟುಕೊಂಡಿದ್ದರು.

ಕೂದಲಿಗೆ ಹೇರ್ ಬ್ಯಾಂಡ್ ಅನ್ನು ಧರಿಸಿ ಬಬ್ಲಿ ಲುಕ್ ಅನ್ನು ನೀಡಿ ನಮ್ಮ ಮನತಣಿಸಿದ್ದಾರೆ. ಇಲ್ಲಿಯೇ ಸೊಗಸಾದ ಸೌಂದರ್ಯ ಪಾಠವನ್ನು ನೀವು ಕಲಿತುಕೊಳ್ಳಬಹುದಾಗಿದ್ದು ಹಳೆಯ ದಿರಿಸಿನಿಂದ ಹೊಸ ಸ್ಟೈಲ್ ಅನ್ನು ಮಾಡಿಕೊಳ್ಳವುದು ಹೇಗೆ ಎಂಬುದನ್ನು ಅರಿತುಕೊಳ್ಳಬಹುದು.