ಸಕತ್ ಸ್ಟೈಲಿಶ್ ಲುಕ್‌ನಲ್ಲಿ ಮಿಂಚಿದ ಸಿದ್ಧಾರ್ಥ್ ಮಲ್ಹೋತ್ರಾ

ಬಾಲಿವುಡ್ ಚಿತ್ರಗಳಲ್ಲಿ ಮಿಂಚುತ್ತಿರುವ ಸುಂದರ ಮುಖದ ಸಿದ್ಧಾರ್ಥ್ ಮಲ್ಹೋತ್ರಾ ಯಾರಿಗೆ ತಾನೇ ಇಷ್ಟವಾಗುವುದಿಲ್ಲ ಹೇಳಿ? ಸ್ಟೂಡೆಂಡ್ ಆಫ್‌ದ ಇಯರ್, ಏಕ್‌ ಥ ವಿಲನ್, ಬ್ರದರ್ಸ್ ಚಿತ್ರಗಳಲ್ಲಿ ಸಿದ್ಧಾರ್ಥ್ ಭಿನ್ನ ಪಾತ್ರಗಳಲ್ಲಿ ನಟಿಸಿ ಸೈ ಅನ್ನಿಸಿಕೊಂಡಿದ್ದಾರೆ. ಸದೃಢ ದೇಹಕಾಯ, ಸುಂದರ ವದನ, ಪಾತ್ರಗಳಲ್ಲಿ ಮೈಮರೆವ ನಟನಾ ಸಾಮರ್ಥ್ಯಗಳಿಂದಾಗಿ ಸಿದ್ಧಾರ್ಥ್ ಬಾಲಿವುಡ್‎‌ನಲ್ಲಿ ತಮ್ಮ ಬೇಡಿಕೆಯನ್ನು ಹೆಚ್ಚಿಸಿಕೊಂಡಿದ್ದಾರೆ.

2010 ರ ಕರಣ್ ಜೊಹಾರ್ ನಿರ್ದೇಶನದ ಮೈನೇಮ್ ಈಸ್ ಖಾನ್ ಚಿತ್ರದಲ್ಲಿ ಸಿದ್ಧಾರ್ಥ್ ಸಹಾಯಕರಾಗಿ ಕೆಲಸ ಮಾಡಿದ್ದರು. ಅಂತೆಯೇ ಮಾಡೆಲಿಂಗ್ ಕ್ಷೇತ್ರದಲ್ಲೂ ಸಿದ್ಧಾರ್ಥ್ ತಮ್ಮ ಸಾಮರ್ಥ್ಯ ತೋರಿದ್ದಾರೆ. ಇನ್ನೂ ಮುಂದುವರಿದು ಕರಣ್ ಅವರ ಸ್ಟೂಡೆಂಟ್ ಆಫ್‌‌ದ ಇಯರ್ ಚಿತ್ರದಲ್ಲಿ ತಮ್ಮ ನಟನಾ ಸಿದ್ಧಿಯನ್ನು ಪ್ರಸ್ತುತಪಡಿಸಿದರು.

ಇನ್ನು ಚಿತ್ರದ ಉತ್ತಮ ನಟನೆಗಾಗಿ ಫಿಲ್ಮ್‌‎ಫೇರ್ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡವರು. ಇಂದು ಸಿದ್ಧಾರ್ಥ್ ಬಗ್ಗೆ ನಾವು ಮಾತನಾಡಹೊರಟಿರುವುದು ದೀಪಾವಳಿಯ ದಿನದಂದು ಅವರು ಮಿಂಚಿರುವುದರ ಕುರಿತಾಗಿದೆ. ಏಕ್ತಾ ಕಪೂರ್ ಆಯೋಜಿಸಿದ್ದ ದೀಪಾವಳಿ ಪಾರ್ಟಿಯಲ್ಲಿ ಸಿದ್ಧಾರ್ಥ್ ಕಪ್ಪು ಬಣ್ಣದ ಕುರ್ತಾ ಮತ್ತು ಕ್ಲಾಸಿ ಎಂಬ್ರಾಯಿಡರಿ ವರ್ಕ್ ಇರುವಂತಹ ಪ್ಯಾಂಟ್ ಧರಿಸಿ ಮಿಂಚಿದ್ದಾರೆ. ಇನ್ನು ಕಪ್ಪು ಬಣ್ಣದಿಂದ ಕೂಡಿರುವ ನೆಹ್ರೂ ಕೋಟ್ ಅನ್ನು ಧರಿಸಿ ಹಬ್ಬದ ಕಳೆಯನ್ನು ದಿರಿಸಿನಲ್ಲಿ ಹೊರಹೊಮ್ಮಿಸಿದ್ದಾರೆ. ಅಂತೂ ಹ್ಯಾಂಡ್‎ಸಮ್ ಸಿದ್ಧಾರ್ಥ್ ಇನ್ನಷ್ಟು ಮುದ್ದಾಗಿ ಈ ದಿರಿಸಿನಲ್ಲಿ ಕಾಣಿಸಿಕೊಂಡಿದ್ದಾರೆ. ನಿಮಗೂ ಸಿದ್ಧಾರ್ಥ್ ಈ ಲುಕ್ ಇಷ್ಟವಾಯಿತೇ?
Read in english- Why Sidharth Malhotra Looked This Hot At Ekta Kapoor's Diwali Party