ಐಸಿಡಬ್ಲ್ಯೂ 2016: ದಿರಿಸು ಹಬ್ಬದಲ್ಲಿ ಚಿತ್ತ ಕದಡಿದ ಸೋಫಿ ಚೌದರಿ!

ಭಾರತದ ಉಡುಪುಗಳ ಹಬ್ಬ ಇಂಡಿಯನ್ ಕೌಚರ್ ವೀಕ್ ನಿನ್ನೆಯಷ್ಟೇ ಆರಂಭವಾಗಿದ್ದು ಇದಕ್ಕಾಗಿ ದೀಪಿಕಾ ಮತ್ತು ಫವಾದ್ ಮನೀಶ್ ಮಲ್ಹೋತ್ರಾ ವಿನ್ಯಾಸ ಪಡಿಸಿದ ದಿರಿಸುಗಳನ್ನು ಧರಿಸಿ ರಾಂಪ್ ಮೇಲೆ ನಡೆದಿದ್ದಾರೆ. ಮನೀಶ್ ಅವರು ವಿನ್ಯಾಸ ಪಡಿಸಿರುವ ಕೆಂಪು ಬಣ್ಣದ ಲೆಹಂಗಾದಲ್ಲಿ ದೀಪಿಕಾ ಪರ್ಷಿಯನ್ ರಾಣಿಯಂತೆ ಕಂಗೊಳಿಸುತ್ತಿದ್ದರು.

ಇನ್ನು ಫವಾದ್ ಅವರು, ವೆಲ್ವೆಟ್ ಶೇರ್ವಾನಿಯಲ್ಲಿ ಹೆಜ್ಜೆ ಹಾಕಿದ್ದು, ಪ್ರೇಕ್ಷಕರನ್ನು ಇವರಿಬ್ಬರೂ ಮಂತ್ರಮುಗ್ಧಗೊಳಿಸಿದ್ದಾರೆ. ಇದರ ಜೊತೆಗೆ ಹಾಡುಗಾರ್ತಿ ವಿಜೆ ಸೋಫಿ ಈವೆಂಟ್‌ಗೆ ರಂಗು ತುಂಬಿದ್ದು, ಹೃದಯಬಡಿತವನ್ನು ಹೆಚ್ಚಿಸುವಂತೆ ಮಾಡಿದ್ದಾರೆ. ಮನೀಶ್ ಮಲ್ಹೋತ್ರಾ ಅವರ ಆರಂಭಿಕ ಪ್ರದರ್ಶವನ್ನು ಸೋಫಿ ರಂಗಾಗಿಸಿದ್ದಾರೆ.

ಆಕರ್ಷಕ ದಿರಿಸನ್ನು ಧರಿಸಿ ಸೋಫಿ ಪ್ರೇಕ್ಷಕರನ್ನು ಮೋಡಿ ಮಾಡಿದ್ದು ಪ್ಲಂಗಿಂಗ್ ನೆಕ್‌ಲೈನ್ ಅವರ ದಿರಿಸು ಒಳಗೊಂಡಿತ್ತು. ಇದರ ರಾಯಲ್ ವೈನ್ ಬಣ್ಣ ನಿಜಕ್ಕೂ ದಿರಿಸಿನ ಶ್ರೀಮಂತಿಕೆಯನ್ನು ಹೆಚ್ಚಿಸಿದೆ. ಬೇರೆ ಬೇರೆ ಬಣ್ಣಗಳನ್ನು ಗೌನ್ ಪಡೆದುಕೊಂಡಿದ್ದು ಸೋಫಿಯವರು ಇಂಚಿನಷ್ಟು ಉದ್ದವಾಗಿರುವಂತೆ ಕಂಡಿದ್ದಾರೆ.