ಮೋಡಿ ಮಾಡಿದ ರಣಬೀರ್-ದೀಪಿಕಾರ ತಮಾಷ ಕೆಮಿಸ್ಟ್ರಿ..!

ರಣಬೀರ್ ದೀಪಿಕಾ ಪಡುಕೋಣೆ ಜೋಡಿ ಬಾಲಿವುಡ್‎‌ನಲ್ಲಿ ಇನ್ನೊಮ್ಮೆ ತಮ್ಮ ಮೋಹಕತೆಯನ್ನು ಬೀರಲು ಹೊರಟಿದ್ದಾರೆ. ಯೆ ಜವಾನಿ ಹೇ ದಿವಾನಿ, ಬಚನಾ ಹೇ ಹಸೀನೊ ಚಿತ್ರಗಳಲ್ಲಿ ಮಸ್ತಾಗಿ ಅಭಿನಯಿಸಿ ಸ್ಟಾರ್ ಇಮೇಜನ್ನು ಹುಟ್ಟು ಹಾಕಿದ ಈ ಜೋಡಿ ಮತ್ತೊಮ್ಮೆ ತೆರೆಯಲ್ಲಿ ತಮ್ಮ ಧಮಾಕಾಧಾರ್ ಪ್ರದರ್ಶನವನ್ನು ಹೊಮ್ಮಿಸಲು ಬರುತ್ತಿದ್ದಾರೆ.

ಹಲವಾರು ವದಂತಿಗಳು ಮತ್ತು ಬ್ರೇಕಪ್‎‌ಗಳ ನಡುವೆಯೂ ಈ ಜೋಡಿ ಸಾಧಾರಣವಾಗಿ ನಟಿಸುವಂತಹ ಕಲೆ ನಿಜಕ್ಕೂ ಶ್ಲಾಘನೀಯವಾದುದು. ಅದು ಯಾವುದೇ ಪಾತ್ರವಾಗಿರಲಿ, ತಾವು ಎಲ್ಲಾ ಪಾತ್ರಕ್ಕೂ ಸೈ ಎನ್ನುವ ರೀತಿಯಲ್ಲಿ ಮೈಮರೆತು ನಟಿಸಿ ಚಿತ್ರಕ್ಕೆ ಜೀವತುಂಬುವುದರಿಂದಲೇ ಅಭಿಮಾನಿ ಬಳಗದಲ್ಲಿ ಇವರಿಂದಿಗೂ ಟಾಪ್ ಫೇವರೇಟ್ ಎಂದೆನಿಸಿದ್ದಾರೆ. ಇದೇ ಜೋಡಿಯ ಹೊಸ ಚಿತ್ರ

ತಮಾಷಾ ಬಿಡುಗಡೆಗೆ ಮುನ್ನವೇ ಹೊಸ ಆಕಾಂಕ್ಷೆಯನ್ನು ಹುಟ್ಟು ಹಾಕಿದೆ. ಇಮ್ತಿಯಾಜ್ ಆಲಿ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರದ ಹೈಲೈಟ್ ರಣಬೀರ್ ಮತ್ತು ದೀಪಿಕಾ ಜೋಡಿ ಎಂದೆನಿಸಿದ್ದಾರೆ.

ಮಾಜಿ ಪ್ರೇಮಿಗಳಾಗಿರುವ ದೀಪಿಕಾ ಮತ್ತು ರಣಬೀರ್ ಚಿತ್ರದ ಪ್ರಮೋಶನ್ ವೇಳೆಯಲ್ಲೂ ಜೋಡಿಯಾಗಿಯೇ ಕಾಣಿಸಿಕೊಂಡಿದ್ದಾರೆ. ಮುಂಬೈನ ಪೃಥ್ವಿ ಥಿಯೇಟರ್‌‎ನಲ್ಲಿ ರಣಬೀರ್ ಕಪ್ಪು ಸ್ವೆಟ್ ಶರ್ಟ್ ಮತ್ತು ಅದೇ ಬಣ್ಣದ ಸಿಗರೇಟ್ ಪ್ಯಾಂಟ್‎‌ನಲ್ಲಿ ಕಾಣಿಸಿಕೊಂಡಿದ್ದರೆ ದೀಪಿಕಾ ಬಿಳಿ ಬಣ್ಣದ ಕಾಟನ್ ದಿರಿಸಿನಲ್ಲಿ ಮನಮೋಹಕರಾಗಿ ಕಂಡುಬಂದಿದ್ದಾರೆ. ಡೆನಿಮ್ ಜಾಕೆಟ್ ಮತ್ತು ಬಿಳಿ ಶೂಗಳನ್ನು ದೀಪಿಕಾ ಧರಿಸಿದ್ದಾರೆ. ಇವರ ನೋಟ ನಿಮಗೂ ಇಷ್ಟವಾಯಿತು ಅಲ್ಲವೇ?