ಫ್ಯಾಷನ್ ರಾಣಿ ಸೋನಂರ ವರ್ಣರಂಜಿತ ಝಲಕ್

ಬಾಲಿವುಡ್‎ನ ಫ್ಯಾಷನ್ ರಾಣಿ ಎಂದೇ ಅನಭಿಷಕ್ತೆಯಾಗಿರುವ ಸೋನಂ ಕಪೂರ್, ತಮ್ಮ ವರ್ಣರಂಜಿತ ದಿರಿಸುಗಳಿಂದ ಪಡ್ಡೆ ಹುಡುಗರ ಮನ ಕದಿಯುವವರು. ಸೋನಂರ ಸಹೋದರಿ ಫ್ಯಾಷನ್ ತಜ್ಞೆಯಾಗಿದ್ದು ತನ್ನ ಅಕ್ಕನ ಹೆಚ್ಚಿನ ದಿರಿಸುಗಳ ಕುಶಲತೆಯ ಕೈವಾಡ ಎಂದೆನಿಸಿದ್ದಾರೆ. ತಮ್ಮ ಯಾವುದೇ ಚಿತ್ರದ ಪ್ರಮೋಷನ್ ಇರಲಿ ಸೋನಂ ಮಾತ್ರ ತಮ್ಮ ದಿರಿಸುಗಳ ಆಯ್ಕೆಗೆ ಕೊಡುವ ಮಹತ್ವ ಮಾತ್ರ ಮೆಚ್ಚುವಂತಹುದ್ದೇ.

ತಮ್ಮ ಮುಂಬರಲಿರುವ ಚಿತ್ರ ನೀರಜಾ ಪ್ರಮೋಷನ್ ಕಾರ್ಯಕ್ರಮದಲ್ಲಿ ಸೋನಂ ಈ ಬಾರಿ ನಮ್ಮನ್ನು ಮನಸೋಲುವಂತೆ ಮಾಡಿದ್ದಾರೆ. ಪ್ರಬಲ್ ಗುರಂಗ್ ವಿನ್ಯಾಸ ಪಡಿಸಿದ ಸ್ವೆಟರ್ ಮತ್ತು ಸ್ಯಾಟಿನ್ ಸ್ವೆಟರ್‌ ಮಿಶ್ರಣದ ದಿರಿಸು ಆಕೆಯ ಮೈಯನ್ನು ಅಪ್ಪಿಹಿಡಿದಿರುವಂತ್ತಿದೆ. ಹೊಸ ಮಾದರಿಯ ಸ್ವೆಟರ್ ವಿನ್ಯಾಸ ಇದಾಗಿದೆ ಎಂದೇ ಹೇಳಬಹುದಾಗಿದ್ದು ಸೋನಂರ ಸಪೂರ ಮೈಕಟ್ಟಿಗೆ ಇದು ಒಪ್ಪುವಂತಹದ್ದಾಗಿದೆ.

ಇದೇ ತಾರೆ ಮೆಹಬೂಬ್ ಸ್ಟುಡಿಯೋದಲ್ಲಿ ರೆಡ್ ಟ್ಯುನಿಕ್ ದಿರಿಸು ಧರಿಸಿ ನಮ್ಮನ್ನು ಸ್ತಂಭಿಭೂತರನ್ನಾಗಿಸಿದ್ದಾರೆ. ನಿಜಕ್ಕೂ ಸರಳ ಸುಂದರಿಯಾಗಿ ಸೋನಂ ಕೆಂಪು ದಿರಿಸಿನಲ್ಲಿ ಮಿಂಚಿದ್ದಾರೆ. ನಮಗೇನೋ ಈಕೆಯ ಹೊಸ ದಿರಿಸು ಇಷ್ಟವಾಗಿದೆ ನಿಮ್ಮ ಅಭಿಪ್ರಾಯವನ್ನು ತಿಳಿದುಕೊಳ್ಳುವ ಮನಸ್ಸು ನಮ್ಮದಾಗಿದ್ದು ನಿಮ್ಮ ಅಭಿಪ್ರಾಯಗಳಿಗೆ ಸ್ವಾಗತವಿದೆ.