ಸಾಂಪ್ರದಾಯಿಕ ದಿರಿಸಿನಲ್ಲಿ ಮನ ಸೆಳೆದ ಜಾಕಿ ಭಗ್ನಾನಿ

ಬಾಲಿವುಡ್‌‌‎ನಲ್ಲಿ ಈಗೀಗ ಹೊಸ ಮುಖಗಳು ತಮ್ಮ ನಟನೆಯಿಂದ ಸೈ ಅನ್ನಿಸಿಕೊಳ್ಳುತ್ತಿದ್ದು ಅಭಿಮಾನಿ ಬಳಗವನ್ನು ಸೃಷ್ಟಿಸಿಕೊಳ್ಳುತ್ತಿದ್ದಾರೆ. ಇಟ್ಟ ಹೆಜ್ಜೆಯನ್ನು ಹಿಂದಕ್ಕೆ ಇಡದೇ ಮುಂದಕ್ಕೆ ಬರಬೇಕೆನ್ನುವ ಮಹತ್ವಾಕಾಂಕ್ಷೆಯಿಂದ ಇವರುಗಳು ಅಭಿನಯ ಕ್ಷೇತ್ರಕ್ಕೆ ಅಡಿ ಇಡುತ್ತಿದ್ದಾರೆ. ಸಿನಿ ರಂಗದಲ್ಲಿ ಪ್ರಭಾವ ಒಂದಿದ್ದರೆ ಮಾತ್ರ ಸಾಲದು ಪ್ರತಿಭೆ ಕೂಡ ಅತ್ಯಗತ್ಯವಾದುದು.

ಹೀಗೆಯೇ ಬಾಲಿವುಡ್ ಕ್ಷೇತ್ರದಲ್ಲಿ ಅಂಬೆಗಾಲಿಡುತ್ತಿರುವ ಸಿನಿ ತಾರೆ ಜಾಕಿ ಭಗ್ನಾನಿ. ಭಾರತೀಯ ಚಿತ್ರ ನಿರ್ಮಾಪಕ ವಶು ಭಗ್ನಾನಿ ಪುತ್ರ ಜಾಕಿ ಭಗ್ನಾನಿ. 2009 ರಲ್ಲಿ ಕಲ್ ಕಿಸ್ನೆ ದೇಖಾ ಚಿತ್ರದ ಮೂಲಕ ಸಿನಿ ಜಗತ್ತನ್ನು ಪ್ರವೇಶಿಸಿದ ಜಾಕಿ 2015 ರಲ್ಲಿ ವೆಲ್‌‌‎ಕಮ್ ಟು ಕರಾಚಿ ಚಿತ್ರದ ಮೂಲಕ ಅದೃಷ್ಟ ಪರೀಕ್ಷೆ ನಡೆಸುತ್ತಿದ್ದಾರೆ.

ಇತ್ತೀಚೆಗೆ ಮನಾಲಿ ಜಗ್‌‎‌ತಾಪ್‌‎ರ ಶೋನಲ್ಲಿ ತಮ್ಮ ಹ್ಯಾಂಡ್‌‎ಸಮ್ ಲುಕ್ ಮೂಲಕ ರಾಂಪ್‌‌‌‎ನಲ್ಲಿ ಹೆಜ್ಜೆಯನ್ನಿಟ್ಟಿದ್ದಾರೆ. ಉಮ್ಮೀದ್ ಫೌಂಡೇಶನ್‌‎‌ಗಾಗಿ ಈ ಶೋವನ್ನು ಏರ್ಪಡಿಸಲಾಗಿತ್ತು. ಅಂಗವಿಕಲ ಮಕ್ಕಳ ಮುಖದಲ್ಲಿ ಈ ಶೋ ನಗುವನ್ನು ತರುವಲ್ಲಿ ಯಶಸ್ವಿಯಾಗಿದೆ.