ಕಾಸ್ಮೋಪಾಲಿಟನ್ ಮುಖಪುಟದಲ್ಲಿ-ಮಿಂಚಿದ ಆಲಿಯಾ ಭಟ್

ಬಾಲಿವುಡ್‌ನ ಕನಸಿನ ಕನ್ಯೆ, ಈಗಿನ ಹದಿ ಹರೆಯದವರ ಮನದನ್ನೆ ಆಲಿಯಾ ಭಟ್ ತನ್ನ ತುಂಟತನ, ದಡ್ಡತನ, ಚೇಷ್ಟೇ ಮತ್ತು ಮುಗ್ಧತೆಯಿಂದ ಎಲ್ಲರ ಮನಸೂರೆಗೊಳ್ಳುತ್ತಾಳೆ. 18 ರ ಹರೆಯದ ಈ ಹುಡುಗಿ, ಬಾಲಿವುಡ್‌ನ ಅಪ್ಸರೆಯರ ಸಾಲಿನಲ್ಲಿ ನನಗೂ ಒಂದು ಸ್ಥಾನ ಇದೆ ಎಂದು ಈಗಾಗಲೇ ನಿರೂಪಿಸಿದ್ದಾಳೆ.

ಇದರ ಹಿಂದಿನ ಎಲ್ಲಾ ಶ್ರೇಯಸ್ಸು, ಆಕೆಯ ಚಿತ್ರರಂಗದ ಹಿನ್ನೆಲೆಯಿರುವ ಕುಟುಂಬ ಮತ್ತು ವಿಶೇಷವಾಗಿ ಆಕೆಯ ತಂದೆಗೆ ಸಲ್ಲಬೇಕು. ಆದರೆ ಆಕೆಯಲ್ಲಿ ದಿನೇ ದಿನೇ ಬೆಳೆಯುತ್ತಿರುವ ಪ್ರಬುದ್ಧತೆಯನ್ನು ಯಾರೂ ಬೇಕಾದರೂ ಗಮನಿಸಬಹುದು.

ಆಕೆ ತನ್ನ ವೃತ್ತಿ ಜೀವನವನ್ನು 'ಸ್ಟೂಡೆಂಟ್ ಆಫ್ ದಿ ಇಯರ್' ಚಿತ್ರದಿಂದ ಆರಂಭಿಸಿದಳು. ಇದು ಜನಾಕರ್ಷಣೆಗೆ ಸಹ ಕಾರಣವಾಯಿತು. ಇದಕ್ಕೆ ಕಾರಣ ಅದನ್ನು ನಿರ್ಮಿಸಿದವರು ಕರಣ್ ಜೋಹರ್ ಪ್ರೊಡಕ್ಷನ್ಸ್.

ಜೊತೆಗೆ ಅದರಲ್ಲಿದ್ದ ಹುಚ್ಚೆಬ್ಬಿಸುವ ಹಾಡುಗಳು ಸಹ ಯುವಕರ ಮನಸೂರೆಗೊಂಡಿತು. ಈ ಚಲನಚಿತ್ರದಲ್ಲಿ ಆಕೆ ಅದ್ಭುತವಾಗಿ, ಮುದ್ದಾಗಿ ಕಾಣಿಸಿಕೊಂಡಳು. 'ಹೈವೆ' ಚಿತ್ರದಲ್ಲಿ ಆಕೆ ತಾನು ಕೇವಲ ಸುಂದರಿಯಲ್ಲ, ನಟಿಯೂ ಸಹ ಹೌದು ಎಂದು ನಿರೂಪಿಸಿದಳು.

ಮುದ್ದಾಗಿ ಕಾಣುವ ಮುಖ, ಸಂದರ್ಶನಗಳಲ್ಲಿ ತೋರುವ ದಡ್ಡತನ ಎರಡೂ ಸೇರಿ ಈಕೆಯನ್ನು ಬಾಲಿವುಡ್ ಅಂಗಳದ ಮಗುವಿನಂತೆ ಮಾಡಿಬಿಟ್ಟಿವೆ. ಆದರೆ ಅಕ್ಟೋಬರ್ ತಿಂಗಳ ಕಾಸ್ಮೋಪಾಲಿಟನ್ ಪತ್ರಿಕೆಯ ಮುಖಪುಟದಲ್ಲಿ ಈಕೆಯನ್ನು ನೋಡಿದ ಮೇಲೆ, ನಾವು ಈ ಅಭಿಪ್ರಾಯವನ್ನು ಮರು ವಿಮರ್ಶೆ ಮಾಡಬೇಕಾದ ಪರಿಸ್ಥಿತಿ ಬಂದಿದೆ.

ಈ ಮುಖಪುಟದಲ್ಲಿ ಆಲಿಯಾ ನೋಡುಗರ ಎದೆಯಲ್ಲಿ ಕಿಚ್ಚೆಬ್ಬಿಸುವ ಹಾಗೆ ಕಾಣಿಸಿಕೊಂಡಿದ್ದಾಳೆ. ಒಂದೇ ಒಂದು ಸಾಲಿನಲ್ಲಿ ಹೇಳಬೇಕೆಂದರೆ ಈಕೆ ಈ ಲುಕ್‌‍ನಲ್ಲಿ ಬೋಲ್ಡ್ ಅಂಡ್ ಬ್ಯೂಟಿಫುಲ್ ಆಗಿ ಕಾಣಿಸಿಕೊಂಡಿದ್ದಾಳೆ.