ನವ ವಧುವಿನ ಕಳೆ ತರುವ ಮಲ್ಲಿಗೆ ಕೇಶಾಲಂಕಾರ

ಮದುವೆಯ ಸೀಸನ್ ಈಗಾಗಲೇ ಆರಂಭವಾಗಿದ್ದು ದಿರಿಸುಗಳ ಖರೀದಿ ಭರದಿಂದ ನಡೆಯುತ್ತಿದೆ ಅಲ್ಲವೇ? ಸೀರೆಗಳು, ಸಾರೀ ಗೌನ್‎ಗಳು, ಆಭರಣ, ಸಲ್ವಾರ್‎ಗಳು, ಲೆಹೆಂಗಾ ಹೀಗೆ ಭರ್ಜರಿಯಾಗಿಯೇ ಮದುವೆಯ ಸಿದ್ಧತೆಗಳನ್ನು ನಾವು ಮಾಡುತ್ತೇವೆ. ಆದರೆ ದಿರಿಸು ಮಾತ್ರ ಖರೀದಿಸಿ ಆಭರಣಗಳನ್ನು ಖರೀದಿಸಿಲ್ಲ ಎಂದಾದಲ್ಲಿ ದಿರಿಸು ಸಪ್ಪೆಯಾಗಿ ಬಿಡುತ್ತದೆ.

ನೀವು ತೊಡುವ ಉಡುಗೆಗೆ ಸಮರ್ಪಕವಾಗಿರುವ ಆಭರಣಗಳ ಆಯ್ಕೆಯನ್ನು ನೀವು ಮಾಡಬೇಕಾಗುತ್ತದೆ. ಮೂಗುತ್ತಿ, ಬಳೆಗಳು, ತೋಳುಬಂಧಿ, ಗೆಜ್ಜೆ ಹೀಗೆ ಸರಳ ಆಭರಣಗಳು ಈ ದಿನಗಳಲ್ಲಿ ಅತಿಮುಖ್ಯ ಎಂದೆನಿಸಿರುತ್ತದೆ.

ಮದುಮಗಳಿಗೆ ಮಾಡುವ ಕೇಶ ಶೃಂಗಾರ ಕೂಡ ಅತಿಮುಖ್ಯವಾದುದು. ಮಲ್ಲಿಗೆಯ ದಂಡೆಯನ್ನು ಕಪ್ಪು ಕೂದಲಿನ ಸುತ್ತ ಸುತ್ತಿ ಪಿನ್ ಮಾಡುವುದೇ ಕೇಶ ಶೃಂಗಾರದ ಒಂದು ಭಾಗವಾಗಿರುತ್ತದೆ. ಆದ್ದರಿಂದ ಇಂದಿನ ಲೇಖನದಲ್ಲಿ ಅತಿ ಮುಖ್ಯ ಎಂದೆನಿಸಿರುವ ಕೇಶಶೃಂಗಾರದ ಕುರಿತು ಮಾತನಾಡಲಿರುವೆವು. ಮಲ್ಲಿಗೆ ಕೇಶಾಲಂಕಾರಗಳಿಂದ ನೀವು ಮಿಂಚುವುದು ಖಂಡಿತ.

ಕಾಂಚೀಪುರಮ್ ರೇಷ್ಮೆ ಸೀರೆಗಳೊಂದಿಗೆ ದಕ್ಷಿಣ ಭಾರತದ ಕೇಶಾಲಂಕಾರ