ಆರಾಧ್ಯ ಹುಟ್ಟುಹಬ್ಬ- ರವೀನಾ ಟಂಡನ್ ಫುಲ್ ಮಿಂಚಿಂಗ್!

Bollywood Wardrobe

oi-Staff

By Super

Updated: Monday, November 23, 2015, 12:50 [IST]

ಬಾಲಿವುಡ್ ತಾರಾ ಜೋಡಿಗಳಾದ ಅಭಿಷೇಕ್ ಮತ್ತು ಐಶ್ವರ್ಯಾ ತಮ್ಮ ಮುದ್ದಿನ ಕುವರಿ ಆರಾಧ್ಯ ಬಚ್ಚನ್ ಹುಟ್ಟುಹಬ್ಬವನ್ನು ಇತ್ತೀಚೆಗೆ ಆಚರಿಸಿಕೊಂಡರು. ಇನ್ನು ಬಚ್ಚನ್ ಕುಟುಂಬದ ಸಮಾರಂಭ ಎಂದರೆ ಇಡೀಯ ಬಾಲಿವುಡ್ ಅಲ್ಲಿ ನೆರೆದಿರುತ್ತದೆ. ಈ ಬಾರಿಯೂ ಬಚ್ಚನ್ ರಾಜಕುಮಾರಿಯ ಹುಟ್ಟುಹಬ್ಬ ಸಮಾರಂಭಕ್ಕೆ ಪ್ರಮುಖ ತಾರೆಯರು ಕುಟುಂಬ ಸಮೇತರಾಗಿ ಬಂದಿದ್ದರು. ತಮ್ಮ ವೈಭವೋಪೇತ ದಿರಿಸುಗಳಿಂದ ಸಮಾರಂಭಕ್ಕೆ ಬಂದಿದ್ದ ಅತಿಥಿಗಳು ಗಮನ ಸೆಳೆದರು.

ಸಮಾರಂಭಕ್ಕೆ ಆಗಮಿಸಿದ ಸೆಲೆಬ್ರಿಟಿ ತಾರೆ ರವೀನಾ ಟಂಡನ್ ಕುರಿತೇ ಇಂದಿನ ಲೇಖನದಲ್ಲಿ ನಾವು ಮಾತನಾಡಲಿರುವೆವು. ತಮ್ಮ ಇಬ್ಬರು ಮಕ್ಕಳಾದ ರಾಶಾ ಹಾಗೂ ರಣಬೀರ್‌‎ನೊಂದಿಗೆ ರವೀನಾ ಹುಟ್ಟುಹಬ್ಬದ ಸಮಾರಂಭಕ್ಕೆ ಆಗಮಿಸಿದ್ದರು. ರವೀನಾ ಎಂದಿನಂತೆಯೇ ತಮ್ಮ ಸ್ಟೈಲಿಶ್ ದಿರಿಸಿನಿಂದ ಕಾರ್ಯಕ್ರಮಕ್ಕೆ ಆಗಮಿಸಿದ್ದು ಬಾಲಿವುಡ್‌‎‌ನಲ್ಲಿ ಈಕೆ ತಮ್ಮ ಸ್ಟೈಲ್ ಸೆನ್ಸ್‌‎ಗೆ ಹೆಸರುವಾಸಿಯಾಗಿದ್ದಾರೆ. ತಾವು ಧರಿಸಿದ್ದ ಡೆನಿಮ್ ಶರ್ಟ್ ಹಾಗೂ ವೈನ್ ಬಣ್ಣ ಪೆನ್ಸಿಲ್ ಸ್ಕರ್ಟ್‌‎‌ನಲ್ಲಿ ಸಕತ್ ಸ್ಟೈಲಿಶ್ ಆಗಿ ಕಾಣುತ್ತಿದ್ದರು.
ಇನ್ನು ಅವರ ಈ ಆಧುನಿಕ ನೋಟವಂತೂ ರವೀನಾರನ್ನು ಇನ್ನಷ್ಟು ಸುಂದರಿಯಾಗಿಸಿತ್ತು. ಚರ್ಮದ ಸ್ಟ್ರಾಪಿ ಸ್ಯಾಂಡಲ್ ಧರಿಸಿದ್ದ ರವೀನಾ ನಿಜಕ್ಕೂ ಸಮಾರಂಭದಲ್ಲಿ ಮಿಂಚಿದ್ದಾರೆ. ವಜ್ರದ ಕಿವಿಯಾಭರಣಗಳಿಂದ ರವೀನಾ ಇನ್ನಷ್ಟು ತಮ್ಮ ಅಲಂಕಾರವನ್ನು ಮುಗಿಸಿಕೊಂಡಿದ್ದಾರೆ.