ಫ್ಯಾಷನ್ ಲೋಕದ ಸುಂದರಿಯಂತೆ ಮಿಂಚಿದ ಪ್ರಾಚಿ ದೇಸಾಯಿ

ಬಾಲಿವುಡ್ ಅಂಗಳದಲ್ಲಿ ನಟನೆಗೆ ಹೇಗೆ ಪ್ರಾಧಾನ್ಯತೆ ಇದೆಯೋ ಅಂತೆಯೇ ಡ್ರೆಸ್ಸಿಂಗ್ ಸೆನ್ಸ್ ಮತ್ತು ಮೇಕಪ್ ಪಾಠಕ್ಕೆ ಇದು ಉತ್ತಮ ವೇದಿಕೆ ಎಂದೆನಿಸಿದೆ. ಸೆಲೆಬ್ರಿಟಿಗಳು ಸೌಂದರ್ಯದ ಪಾಠವನ್ನೇ ಪ್ರತಿಯೊಂದು ಈವೆಂಟ್‎ನಲ್ಲೂ ನಡೆಸುತ್ತಿದ್ದು ಸರಳ ದಿರಿಸನ್ನು ಹೇಗೆ ಅಲಂಕಾರ ಪೂರ್ಣವಾಗಿ ಮಿಂಚಿಸುವುದು ಎಂಬುದನ್ನು ನಮಗಿಲ್ಲಿ ತಿಳಿದುಕೊಳ್ಳಬಹುದಾಗಿದೆ. ಯಾವುದೇ ಪ್ರಶಸ್ತಿ ಪ್ರಧಾನ ಕಾರ್ಯಕ್ರಗಳಿರಲಿ, ಆರತಕ್ಷತೆ ಕಾರ್ಯಕ್ರಮಗಳಿರಲಿ ಸಿನಿಮಾಗಳಲ್ಲಿ ಮಿಂಚುವುದಕ್ಕಿಂತಲೂ ಭಿನ್ನವಾಗಿ ಇವರುಗಳು ಕಾರ್ಯಕ್ರಮಗಳಲ್ಲಿ ಗ್ಲಾಮರ್ ಗೊಂಬೆಗಳಾಗಿ ಬದಲಾಗಿಬಿಡುತ್ತಾರೆ.

ಇಂದಿನ ನಮ್ಮ ಫ್ಯಾಷನ್ ಲೋಕದ ಬೊಂಬೆಯಾಗಿ ಮಿಂಚಿರುವುದು ಪ್ರಾಚಿ ದೇಸಾಯಿಯಾಗಿದ್ದಾರೆ. ಸರಳವಾದ ದಿರಿಸಿನಲ್ಲಿ ಕೂಡ ಪ್ರಾಚೀ ಎಲ್ಲರನ್ನೂ ಸೆಳೆಯುವಂತಹ ಮೋಡಿಯನ್ನು ಮಾಡಿದ್ದಾರೆ. ಆಕೆಯ ಸ್ಟೈಲಿಂಗ್ ಟಿಪ್ಸ್ ಸದಾಕಾಲವೂ ಟ್ರೆಂಡಿಂಗ್ ಎಂದೆನಿಸಿದ್ದು ಬೋರ್ ಹೊಡೆಸುವ ಡೆನೀಮ್‎ಗೂ ಕಳೆಯನ್ನು ನೀಡುವುದು ಹೇಗೆ ಎಂಬುದನ್ನು ತಿಳಿಸಿಕೊಡುತ್ತಾರೆ. ಹಿಂದಿನಿಂದಲೂ ಆಕೆ ಫ್ಯಾಷನ್ ಪಾಠಗಳನ್ನು ತಿಳಿಸಿಕೊಡುವಲ್ಲಿ ನಂಬರ್ ಒನ್ ಎಂದೆನಿಸಿದ್ದಾರೆ.