ಕಪ್ಪು ದಿರಿಸಿನ ಅಪ್ಪಟ ಪ್ರೇಮಿ-ಕರಾವಳಿ ಸಿರಿ ಐಶ್ವರ್ಯ ರೈ

ಬಾಲಿವುಡ್‌‎ನ ಹಾಟ್ ಅಮ್ಮಂದಿರು ಇಂದು ಯುವ ನಟಿಯರಿಗಿಂತಲೂ ಹೆಚ್ಚಿನ ಬೇಡಿಕೆಯನ್ನು ಪಡೆದುಕೊಳ್ಳುತ್ತಿದ್ದಾರೆ. ಮಲೈಕಾ ಅರೋರಾ ಖಾನ್, ಮಾಧುರಿ ದೀಕ್ಷಿತ್, ಜೂಹಿ ಚಾವ್ಲಾ, ಶಿಲ್ಪಾ ಶೆಟ್ಟಿ ಹೀಗೆ ಪಟ್ಟಿ ಮಾಡುತ್ತಾ ಹೋದರೆ ಅದಕ್ಕೆ ಕೊನೆ ಇಲ್ಲದಂತಾಗುತ್ತದೆ. ಆದರೆ ಈ ಪಟ್ಟಿಯಲ್ಲಿ ಅಗ್ರಗಣ್ಯರಾಗಿ ಮಿಂಚುತ್ತಿರುವ ಕರಾವಳಿ ಸಿರಿ, ಮಾಜಿ ವಿಶ್ವ ಸುಂದರಿ ಐಶ್ವರ್ಯಾ ರೈ ಅಮ್ಮನಾದ ನಂತರ ಇನ್ನಷ್ಟು ಮೋಡಿ ಮಾಡುವ ಸೌಂದರ್ಯದಿಂದ ಬಾಲಿವುಡ್‌‎ಗೆ ಅಡಿ ಇಟ್ಟಿದ್ದಾರೆ.

ಜಾಹಿರಾತು, ಫ್ಯಾಷನ್ ಸಪ್ತಾಹಗಳು, ಸಿನಿಮಾ ಹೀಗೆ ಐಶ್ ತಮ್ಮ ಕಾರ್ಯಕ್ಷೇತ್ರದಲ್ಲಿ ಬ್ಯುಸಿಯಾಗಿಬಿಟ್ಟಿದ್ದಾರೆ ಅಂತೆಯೇ ಇನ್ನಷ್ಟು ಸುಂದರಿಯಾಗಿದ್ದಾರೆ. ಐಶ್ ಕಪ್ಪು ಬಣ್ಣದ ಅಪ್ಪಟ ಪ್ರೇಮಿಯಾಗಿದ್ದು ಈ ಬಣ್ಣದಲ್ಲಿ ಐಶ್ ರೂಪರಾಶಿ ಕಣ್ಣುಕುಕ್ಕುವಂತಿದೆ. ಇನ್ನು ಲಾಂಗಿನಸ್ ವಾಚ್‌‎ನ ರಾಯಭಾರಿಯಾಗಿರುವ ಐಶ್ ಇಲ್ಲೂ ಕಪ್ಪು ಬಣ್ಣದ ತನ್ನ ಮೋಹವನ್ನು ಬಿಟ್ಟುಕೊಟ್ಟಿಲ್ಲ. ಲಾಂಗಿನಸ್‎‌ಗಾಗಿ ಐಶ್‎ರ ಫೋಟೋಶೂಟ್ ವರ್ಣನೆಯನ್ನು ಇಂದಿನ ಲೇಖನದಲ್ಲಿ ನಾವು ಮಾಡುತ್ತಿದ್ದು ಐಶ್ ಒಂದೇ ನೋಟದಲ್ಲಿ ನಿಮಗೆ ಇಷ್ಟವಾಗುತ್ತಾರೆ. ದೇವಲೋಕದ ಚೆಲುವೆ ಐಶ್ವರ್ಯಗೆ ಸರಿಸಾಟಿ ಯಾರು?

ಕಪ್ಪು ಬಣ್ಣದ ಮ್ಯಾಕ್ಸಿ ಗೌನ್‎‌ನಲ್ಲಿ ಐಶ್ ಸೆಕ್ಸಿಯಾಗಿ ಕಾಣುತ್ತಿದ್ದಾರೆ. ಲಾಂಗಿನಸ್‎ ಜಾಹೀರಾತಿನಲ್ಲಿ ಕಣ್ಣು ಕುಕ್ಕುವ ಸೌಂದರ್ಯವತಿಯಾಗಿ ಐಶ್ ಮಿಂಚಿದ್ದು ಕಪ್ಪು ಬಣ್ಣಕ್ಕೆ ಸೊಬಗು ಬಂದಿರುವುದೇ ಇವರಿಂದ ಎಂಬುದಾಗಿ ಇಲ್ಲಿ ಹೇಳಬಹುದು. ಇನ್ನು ಇದೇ ವಾಚ್‌‎ನ ಜಾಹೀರಾತಿಗಾಗಿ ಐಶ್ ನೀಲಿ ಬಣ್ಣದ ಸ್ವೆಟರ್ ಮತ್ತು ಹೈ - ವೈಸ್ಟ್ ಪ್ಯಾಂಟ್‪‌‎‌ನಲ್ಲಿ ಮಿಂಚೋಟವನ್ನೇ ಹರಿಸಿದ್ದಾರೆ. ನಿಜಕ್ಕೂ ವಾಹ್ ಎಂಬ ಉದ್ಗಾರ ನಿಮ್ಮ ಬಾಯಲ್ಲಿ ಬರುತ್ತದೆ.

ನವೆಂಬರ್ 2015 ರ ಲಾಂಗಿನಸ್‎ ಐಶ್‌‎ರ ಸೌಂದರ್ಯವನ್ನು ಬಿಚ್ಚಿಟ್ಟಿದೆ. ಇನ್ನೊಂದು ಕಪ್ಪು ದಿರಿಸಿನಲ್ಲಿ ಐಶ್, ಸೊಬಗುಗಾತಿಯೆಂದೆನಿಸಿದ್ದು ಅಗಲ ಪಟ್ಟಿಗಳುಳ್ಳ ದಿರಿಸನ್ನು ಇವರು ತೊಟ್ಟಿದ್ದಾರೆ. ವಾಚ್ ಅನ್ನು ಐಶ್ ಪ್ರದರ್ಶಿಸಿರುವ ರೀತಿ ಅಮೋಘವಾಗಿದೆ. ನವೆಂಬರ್ ತಿಂಗಳ ಲಾಂಗಿನಸ್‌‎ಗಾಗಿ ಐಶ್ವರ್ಯಾ ರೈ ಬಚ್ಚನ್‌‌‎ರ ಫೋಟೋ ಶೂಟ್‎ ನಮಗೆ ನಿಜಕ್ಕೂ ಇಷ್ಟವಾಗಿದ್ದು, ನಿಮ್ಮ ಅಭಿಪ್ರಾಯವೂ ಇದೇ ಆಗಿದೆ ಅಲ್ಲವೇ?
Read in English - Photoshoot: Aishwarya Rai's Hot Black And Blue Looks For Longines, November Issue