ಹಳದಿ ದಿರಿಸಿನಲ್ಲಿ ಫ್ಯಾಷನ್ ಮಂತ್ರ ಕಲಿಸಿದ ಕಂಗನಾ

ಬಾಲಿವುಡ್ ಕ್ವೀನ್ ಗುಂಗುರು ಕೂದಲಿನ ಸೊಗಸುಗಾತಿ ಕಂಗನಾ ರಾಣಾವತ್ ಬಾಲಿವುಡ್ ಅಂಗಳದಲ್ಲಿ ಪ್ರಸಿದ್ಧಿಯ ತುತ್ತ ತುದಿಯಲ್ಲಿದ್ದಾರೆ. ಬೋಲ್ಡ್ ಪಾತ್ರದಲ್ಲಿ ಮಿಂಚುವ ಈ ನಟಿಗೆ ಭಾಗ್ಯದ ಬಾಗಿಲು ತೆರೆದಿದ್ದು ಕ್ವೀನ್ ಮತ್ತು ತನು ವೆಡ್ಸ್ ಮನು ಚಿತ್ರಗಳಾಗಿವೆ. ತಮ್ಮ ಸೂಜಿಗಲ್ಲಿನಂತಹ ನಟನೆಯಿಂದ ಪ್ರೇಕ್ಷಕರನ್ನು ಹಿಡಿದಿಡುವ ತಾಕತ್ತು ಈ ನಟಿಗೆ ಕರತಲಾಮಲಕವಾಗಿದೆ. ಸಿನಿ ಕ್ಷೇತ್ರದಲ್ಲಿ ಮಾತ್ರವಲ್ಲದೆ ಫ್ಯಾಷನ್ ಲೋಕದಲ್ಲೂ ಈ ನಟಿ ಮಾಡುವ ಮೋಡಿ ಅತ್ಯದ್ಭುತವಾಗಿದೆ.

ಹೊಸ ಹೊಸ ಫ್ಯಾಷನ್ ಟ್ರೆಂಡ್‎ಗಳೊಂದಿಗೆ ಕಂಗನಾ ಫ್ಯಾಷನ್ ಪ್ರಿಯರ ಮನಗೆದ್ದಿದ್ದಾರೆ. ಇಂದಿನ ಲೇಖನದಲ್ಲಿ ಕೂಡ ಈ ಚೆಲುವೆಯ ಫ್ಯಾಷನ್ ಮಂತ್ರ ಹೇಗಿದೆ ಎಂಬುದನ್ನು ನಿಮಗೆ ತೋರಿಸಲಿದ್ದೇವೆ. ತಮ್ಮ ಅಂದವಾದ ದೇಹವನ್ನು ಯಾವುದೇ ಬಗೆಯ ದಿರಿಸಿನಲ್ಲಿ ಕೂಡ ಹಿಡಿದಿಡುವ ಕಲೆ ಈ ಚೆಲುವೆಗೆ ಗೊತ್ತಿದ್ದು ಅದುವೇ ಅವರ ಯಶಸ್ಸಿನ ಟಾಪ್ ಸೀಕ್ರೆಟ್ ಎಂದೆನಿಸಿದೆ. ಫ್ಯಾಷನ್ ಲೋಕದ ಅನಭಿಷಕ್ತ ರಾಣಿ- ಕಂಗನಾ ರಾಣಾವತ್‌!

ಹಳದಿ ಬಣ್ಣದ ಟೂ ಪೀಸ್‎ನಲ್ಲಿ ಕಂಗನಾ ನಿಜಕ್ಕೂ ಸ್ಟೈಲ್ ಐಕಾನ್ ಎಂದೆನಿಸಿದ್ದಾರೆ. ಬ್ಲೇಜರ್ ಮತ್ತು ಸ್ಕರ್ಟ್ ಬಣ್ಣ ನಿಜಕ್ಕೂ ಅನುರೂಪವಾಗಿದ್ದು ಅವರ ಸೌಂದರ್ಯವನ್ನು ಎದ್ದುಗಾಣಿಸಿದೆ. ಉಡುಗೆಗೆ ಇನ್ನಷ್ಟು ಅಂದವನ್ನು ನೀಡುವ ಬೌ ಟೈಯನ್ನು ಅವರು ಕಟ್ಟಿಕೊಂಡಿದ್ದು ಸ್ಟೈಲಿಶ್ ಚಪ್ಪಲಿಗಳ ಮೂಲಕ ಇನ್ನಷ್ಟು ಗ್ಲಾಮರಸ್ ನೋಟವನ್ನು ನೀಡಿದ್ದಾರೆ. ಹಿಂದುಸ್ತಾನ್ ಟೈಮ್ಸ್ ಲೀಡರ್‎ಶಿಪ್ ಸಮ್ಮಿತ್‎ನಲ್ಲಿ ಕಂಗನಾ ಈ ಉಡುಗೆಯನ್ನು ತೊಟ್ಟಿದ್ದು ನಿಮಗೆ ಆಕೆಯ ಈ ಸ್ಟೈಲ್ ಟ್ರೆಂಡ್ ಹೊಸ ಫ್ಯಾಷನ್ ಪಾಠವನ್ನು ಕಲಿಸಿಕೊಟ್ಟಿದೆ ಅಲ್ಲವೇ?