ದೇವಲೋಕದ ಅಪ್ಸರೆಯಂತೆ ಕಣ್ಮನ ಸೆಳೆದ ಮಲೈಕಾ

ಬಾಲಿವುಡ್ ಸುಂದರತಿ ಮಲೈಕಾ ಅರೋರಾ ಖಾನ್ ಬಗ್ಗೆ ತಿಳಿಯದವರು ಯಾರುಂಟು? ಮುನ್ನಿ ಬದನಾಮ್ ಎಂದೇ ಖ್ಯಾತಿಯಾಗಿರುವ ನಟಿ, ಆಕೆಯ ಅಂದ ಚೆಂದಕ್ಕೆ ನಮ್ಮ ಪಡ್ಡೆಹುಡುಗರಂತೂ ಫಿದಾ ಆಗಿದ್ದಾರೆ.

ಆಕೆಯ ಉಡುಪಿನ ಆಯ್ಕೆ ನಿಜಕ್ಕೂ ಮನಮೋಹಕ. ವಿಶೇಷವಾಗಿ ಆಕೆ ಧರಿಸುವ ಗೌನು ಅಥವಾ ನಿಲುವಂಗಿ ಮುಖ್ಯ ಆಕರ್ಷಣೆ. ಈ ವಸ್ತ್ರವು ಆಕೆಗೆ ಹೇಳಿಮಾಡಿಸಿದಂತಿದೆ. ಏಕೆಂದರೆ ಆಕೆ ಯಾವುದೇ ಕಾರ್ಯಕ್ರಮಕ್ಕೆ ತೆರಳಿದರೂ ನಿಲುವಂಗಿಯನ್ನೇ ಧರಿಸುತ್ತಿರುವುದು ಇದಕ್ಕೆ ಸಾಕ್ಷಿ.

ಆಕೆಯ ಪ್ರತಿ ಆಗಮನದಲ್ಲೂ ವಿವಿಧ ಮಾದರಿಯ ಗೌನಿನಿಂದ ನೆರೆದವರಿಗೆ ಆಶ್ಚರ್ಯ ಬರುವಂತಿದ್ದು, ತರಹೇವಾರಿ ಗೌನುಗಳಿಂದ ಆಕೆಯ ಅಂದವನ್ನು ಹೆಚ್ಚಿಸುತ್ತಿರುವ ಭಾರತೀಯ ಕಸುಬುದಾರರಿಗೆ ನಿಜಕ್ಕೂ ಕೃತಜ್ಞತೆ ಹೇಳಲೇಬೇಕು. ನಮಗೆ ಹೆಚ್ಚು ಮಾದರಿಯ ವಿವಿಧ ರೀತಿಯ ಗೌನು ತಯಾರಿಸುವ ವಿಚಾರ ತಿಳಿದಿದ್ದರೂ ಸಹ ಮಲೈಕಾ ಖಾನ್ ಹೆಚ್ಚು ನಳನಳಿಸುವುದು ಆಯಿಶಾ ಡೆಪಾಲಾ ರವರ ವಸ್ತ್ರ ವಿನ್ಯಾಸದಿಂದ.

ಆಯಿಶಾ ರವರು ಮಲೈಕಾಗಾಗಿ ದಂತದ ಕಹಳೆಯಂತಿರುವ ವಿನ್ಯಾಸದ ಗೌನನ್ನು ವಿನ್ಯಾಸಗೊಳಿಸಿದ್ದು, ವಿಶಿಷ್ಟ ರೀತಿಯ ಪಟ್ಟಿ ಹಾಗೂ ಚೆಂದದ ಕೊರಳ ಪಟ್ಟಿಯನ್ನು ಒಳಗೊಂಡಿದ್ದು, ಈ ವಿನ್ಯಾಸವನ್ನು ಹೆಚ್ಚು ಅಂದಗೊಳಿಸಲು ಕಿವಿಗೆ ಮುತ್ತಿನ ಓಲೆಯನ್ನು ನೀಡಲಾಗಿದೆ. ನಿಜಕ್ಕೂ ಈ ವಸ್ತ್ರದಲ್ಲಿ ಮಲೈಕಾ ದಂತದಗೊಂಬೆಯೇ ಸರಿ.