ಬ್ಯೂಟಿ ಕ್ವೀನ್ ಕಾಜಲ್ ಅಗರ್‎ವಾಲ್‌ರ ಫ್ಯಾಷನ್ ಝಲಕ್!

ಬಾಲಿವುಡ್ ಅಂಗಳದಲ್ಲಿ ಬ್ಯೂಟಿ ಐಕಾನ್‎ಗಳು ತಮ್ಮ ಸುಂದರತೆಯಿಂದ ಗಮನ ಸೆಳೆಯುತ್ತಿದ್ದಾರೆ. ಆಲಿಯಾ ಭಟ್, ಶ್ರದ್ಧಾ ಕಪೂರ್, ಸೋನಾಕ್ಷಿ ಸಿನ್ಹಾ, ಸೋನಂ ಕಪೂರ್ ಹೀಗೆ ಬಾಲಿವುಡ್ ಬೆಡಗಿಯರು ತಮ್ಮ ಹೊಸ ಹೊಸ ಸ್ಟೈಲ್‎ಗಳಿಂದ ಅಭಿಮಾನಿ ಬಳಗವನ್ನು ಅಪಾರವಾಗಿ ಹೊಂದಿದ್ದಾರೆ.

ಈಗ ಇದೇ ಸಾಲಿಗೆ ಸೇರುತ್ತಿರುವ ಖ್ಯಾತಿವೆತ್ತ ನಾಯಕಿ ಕಾಜಲ್ ಅಗ‎ರ್‎ವಾಲ್. ತಮಿಳು, ತೆಲುಗು ಹೀಗೆ ದಕ್ಷಿಣ ಭಾರತದಲ್ಲಿ ಕೊಂಚ ಹೆಸರು ಮಾಡಿರುವ ಬೆಡಗಿ ಬಾಲಿವುಡ್‎ನಲ್ಲೂ ತಮ್ಮ ಝಲಕ್ ಅನ್ನು ತೋರಿಸುತ್ತಿದ್ದಾರೆ. ಈಗ ಸರಳವಾಗಿ ಸ್ಟೈಲಿಶ್ ಆಗಿ ಕಾಣುವುದು ಹೇಗೆ ಎಂಬುದನ್ನು ಈ ಬೆಡಗಿ ನಮಗೆ ತಿಳಿಸಿಕೊಡುತ್ತಿದ್ದು ಅದನ್ನು ಇಂದಿನ ಲೇಖನದಲ್ಲಿ ನಿಮಗೆ ತಿಳಿಸಲಿದ್ದೇವೆ.

ನಿಜಕ್ಕೂ ಕಾಜಲ್ ಸೌಂದರ್ಯವನ್ನು ನೋಡುವಾಗ ಬಾಲಿವುಡ್‎ನ ಬ್ಯೂಟಿ ಐಕಾನ್ ಎಂಬ ಹೆಸರಿಗೆ ಪಾತ್ರರಾದವರು ಆಕೆಯೇ ಎಂದನಿಸುತ್ತಿದೆ. ಶಾಹಿನ್ ಮನ್ನಾನ್ ವಿನ್ಯಾಸದ ದಿರಿಸನ್ನು ಧರಿಸಿ ಕಾಜಲ್ ಇನ್ನಷ್ಟು ಸ್ಟೈಲಿಶ್ ಆಗಿ ಕಾಣುತ್ತಿದ್ದರು. ಕಾಜಲ್‎ರ ಸಪೂರ ಮೈಮಾಟಕ್ಕೆ ಒಪ್ಪುವಂತಹ ದಿರಿಸನ್ನು ಕಾಜಲ್ ಧರಿಸಿದ್ದು ಹಿಂಭಾಗದಲ್ಲಿ ಬ್ಯಾಕ್ ಪ್ಯಾನಲಿಂಗ್ ಅನ್ನು ಹೊಂದಿದೆ.

ಇದು ಕಂದು ಬಣ್ಣದಲ್ಲಿದ್ದು ಆಕೆಯ ಮೈಮಾಟಕ್ಕೆ ಒಪ್ಪುವಂತಿದೆ. ಆದಷ್ಟು ತಮ್ಮ ನೋಟವನ್ನು ಸರಳವಾಗಿರಿಸುವ ಕಾಜಲ್ ಕಪ್ಪು ಬಣ್ಣದ ಹೀಲ್ಡ್ ಅನ್ನು ಧರಿಸಿ ಸಹಜ ಸುಂದರಿಯಾಗಿ ಕಾಣುತ್ತಿದ್ದರು. ಕೂದಲಿನ ಅಲಂಕಾರವನ್ನು ಸರಳವಾಗಿಸಿ ಅದನ್ನು ಲೂಸಾಗಿ ಹಾರಲು ಬಿಟ್ಟಿದ್ದಾರೆ. ತಮ್ಮ ದಿರಿಸಿಗೆ ಒಪ್ಪುವಂತಹ ಕೇಶಾಲಂಕಾರ ಮತ್ತು ಮುಖದ ಅಲಂಕಾರವನ್ನು ಕಾಜಲ್ ಇನ್ನಷ್ಟು ಮುದ್ದಾಗಿ ಕಾಣುತ್ತಿದ್ದರು