ಕನಸಿನ ಕನ್ಯೆ ಹೇಮಾಮಾಲಿನಿ ಇಳೆಯ ಅಪ್ಸರೆಯಾದಾಗ...!

ಕನಸಿನ ಕನ್ಯೆ ಹೇಮಾಮಾಲಿನಿ ತಮ್ಮ ಇಳಿವಯಸ್ಸಿನಲ್ಲಿ ಕೂಡ ಇಪ್ಪತ್ತರ ತರುಣಿಯರನ್ನು ನಾಚಿಸುವಂತಹ ಬೆಡಗುಳ್ಳವರು. ನಾಟ್ಯ, ಯೋಗ ಮೊದಲಾದ ದೈಹಿಕ ಚಟುವಟಿಕೆಗಳಿಂದ ಇಂದಿಗೂ ಲವಲವಿಕೆಯಿಂದ ಕಾರ್ಯಕ್ರಮಗಳಲ್ಲಿ ಭಾಗವಹಿಸುತ್ತಿದ್ದಾರೆ. ಇನ್ನು ಅಲಂಕಾರ ಪ್ರಿಯರೂ ಆಗಿರುವ ಹೇಮಾಮಾಲಿನಿ ಸರಳ ಉಡುಗೆಗಳಿಂದಲೇ ಮನದಲ್ಲಿ ಅಚ್ಚಳಿಯದೆ ನಿಲ್ಲುತ್ತಾರೆ. ಚಲನಚಿತ್ರಗಳಿಂದ ಹಿಡಿದು ರೆಡ್ ಕಾರ್ಪೆಟ್‌‎ವರೆಗೂ ಅವರ ವಯ್ಯಾರ ಎಲ್ಲರ ಮನದಲ್ಲಿ ಅಚ್ಚಳಿಯದೇ ಉಳಿಯುವಂಥದ್ದು.

ಇತ್ತೀಚೆಗೆ ಈ ಕನಸಿನ ಕನ್ಯೆಯ ಸರಳ ಸುಂದರ ನೋಟ ನಮಗೆ ಲಭ್ಯವಾಗಿದ್ದು ಆಲ್ಬಮ್ ಲಾಂಚ್ ಕಾರ್ಯಕ್ರಮದಲ್ಲಿ. ಮೇ ಹೂ ಮೇರಾ ಆಲ್ಬಮ್ ಲಾಂಚ್ ನಲ್ಲಿ ಹೇಮಾಮಾಲಿನಿ ಅದ್ಭುತವಾದ ಕಪ್ಪು ಮತ್ತು ಕ್ರೀಮ್ ಬಣ್ಣದಿಂದ ಹೊಳೆಯುತ್ತಿದ್ದ ಎಂಬ್ರಾಯಿಡರಿ ಸೀರೆಯನ್ನುಟ್ಟಿದ್ದರು.