ಪಂಜಾಬಿ ಸ್ಟೈಲ್‌ನಲ್ಲಿ ವಿದ್ಯಾ ಬಾಲನ್ ಭಲ್ಲೇ ಭಲ್ಲೇ..!

ತಮ್ಮ ಬೋಲ್ಡ್ ನಟನೆಯಿಂದ ಬಾಲಿವುಡ್‎ನಲ್ಲಿ ತಮ್ಮದೇ ಹೆಸರು ಮೂಡಿಸಿದವರು ವಿದ್ಯಾಬಾಲನ್. ಅಷ್ಟೇ ಅಲ್ಲದೆ, ನಟನೆಯಲ್ಲಿ ತಮ್ಮನ್ನೇ ಅರ್ಪಸಿಕೊಂಡು ಮೈಮರೆತು ನಟಿಸುವ ಅದ್ಭುತ ನಟಿ ವಿದ್ಯಾಬಾಲನ್ ಎಂದೆನಿಸಿದ್ದಾರೆ.

ಸಿವಿಲಿಯನ್ ಪ್ರಶಸ್ತಿಗೆ ಇವರೂ ಭಾಜನರಾಗಿದ್ದು ಎಲ್ಲಾ ಪಾತ್ರದಲ್ಲೂ ಸೈ ಎನಿಸುವ ಚುರುಕುತನ ವಿದ್ಯಾರಿಗಿದೆ. ಡರ್ಟಿ ಪಿಚ್ಚರ್, ಕಹಾನಿ, ಭೂಲ್ ಬುಲಯ್ಯಾ ಮೊದಲಾದ ಚಿತ್ರದಲ್ಲಿ ತಮ್ಮ ವಿಶಿಷ್ಟ ನಟನಾ ಸಾಮರ್ಥ್ಯವನ್ನು ಇವರು ಬಹಿರಂಗಪಡಿಸಿದ್ದಾರೆ. ಇನ್ನು ದಿರಿಸುಗಳ ವಿಷಯದಲ್ಲಿ ವಿದ್ಯಾರ ಆಯ್ಕೆ ಎಂದಿಗೂ ಸೀರೆಯಾಗಿದ್ದರೂ ಇಂದು ಆಕೆ ಕೊಂಚ ಭಿನ್ನ ರೀತಿಯಲ್ಲಿ ತಮ್ಮ ಉಡುಗೆಯನ್ನು ಆಯ್ದುಕೊಂಡಿದ್ದಾರೆ.

ಹೌದು, ಮುಂಬೈನಲ್ಲಿ ನಡೆಯುತ್ತಿರುವ MAMI (ಎಮ್ಎಎಮ್ಐ) ಫಿಲ್ಮ್ ಫೆಸ್ಟಿವಲ್‌ನಲ್ಲಿ ವಿದ್ಯಾ ತಾವು ಎಲ್ಲಾ ಉಡುಗೆಯಲ್ಲೂ ಮಿಂಚುವುದು ಖಂಡಿತ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ. ಆರೆಂಜ್ ಬಣ್ಣದ ಪಂಜಾಬಿ ಉಡುಗೆಯನ್ನು MAMI (ಎಮ್ಎಎಮ್ಐ) ‌ಫೆಸ್ಟಿವಲ್‎ನ ನಾಲ್ಕನೇ ದಿನದಂದು ವಿದ್ಯಾ ತೊಟ್ಟಿದ್ದಾರೆ.