ಫ್ಯಾಷನ್ ಲೋಕದ ಅನಭಿಷಕ್ತ ರಾಣಿ- ಕಂಗನಾ ರಾಣಾವತ್‌!

ಬಾಲಿವುಡ್‌ನಲ್ಲಿ ಇತ್ತೀಚೆಗೆ ಪುರುಷರಿಗಿಂತ ಮಹಿಳೆಯರೇ ಹೆಚ್ಚು ಪ್ರಸಿದ್ಧರಾಗುತ್ತಿದ್ದು ಅವರಂತೆಯೇ ತಮಗೂ ಬೋಲ್ಡ್ ನಟನೆ ಸಾಧ್ಯ ಎಂಬುದನ್ನು ಈ ಮಹಿಳಾ ಮಣಿಯರು ತೋರಿಸಿಕೊಡುತ್ತಿದ್ದಾರೆ. ಇನ್ನೂ ಇದೇ ಸಾಲಿನಲ್ಲಿ ಪ್ರಸಿದ್ಧರಾಗುತ್ತಿರುವ ನಟಿ ಕಂಗನಾ ರಾಣಾವತ್. ಬೋಲ್ಡ್ ಅಂಡ್ ಬ್ಯೂಟಿಫುಲ್ ಎಂಬ ಹೆಸರಿನಿಂದೇ ಬಾಲಿವುಡ್‌ನಲ್ಲಿ ಪ್ರಸಿದ್ಧರಾಗಿರುವ ಕಂಗನಾ ಅತ್ಯುತ್ತ ಚಿತ್ರಗಳನ್ನೇ ಬಾಲಿವುಡ್ ಅಂಗಳಕ್ಕೆ ನೀಡಿದ್ದಾರೆ ಮತ್ತು ಚಾಲೆಂಜಿಂಗ್ ಪಾತ್ರಗಳನ್ನು ನಿರ್ವಹಿಸಿ ಗಟ್ಟಿಗಿತ್ತಿ ಎಂದೆನಿಸಿದ್ದಾರೆ.

ಕ್ವೀನ್ ಮತ್ತು ತನು ವೆಡ್ಸ್ ಮನು ಚಿತ್ರದಲ್ಲಿನ ಸವಾಲಿನ ಪಾತ್ರಗಳಲ್ಲಿ ನಟಿಸಿ ಕಂಗನಾ ಬಹುಬೇಗ ಪ್ರಸಿದ್ಧಿಯನ್ನು ಪಡೆದುಕೊಂಡಿದ್ದರು. ಇನ್ನು ಚಿತ್ರಗಳಲ್ಲಿ ಮಾತ್ರವಲ್ಲದೆ ಫ್ಯಾಷನ್ ಲೋಕದಲ್ಲೂ ಕಂಗನಾ ಬಹುಬೇಡಿಕೆಯುಳ್ಳವರು. ನವೆಂಬರ್ 2015 ರ ಹಾರ್ಪರ್ ಬಜಾರ್‌ ನಿಯತಕಾಲಿಕೆಯ ಮುಖಪುಟದಲ್ಲಿ ಈ ತಾರೆ ಮಿಂಚಿದ್ದಾರೆ. ಈಕೆಯ ನೋಟ ನಿಜಕ್ಕೂ ಮೋಡಿಮಾಡುವಂತಿದ್ದು ತಮ್ಮ ಗುಂಗುರು ಕೂದಲನ್ನು ನಯಗೊಳಿಸಿ ಅದನ್ನು ಸುಂದರವಾಗಿಸಿಕೊಂಡಿದ್ದಾರೆ. ಕಣ್ಮನ ಸೆಳೆದ ಕಂಗನಾ ರಣಾವತ್‌‌ರ ಅನನ್ಯ ಶೈಲಿ

ಇನ್ನು ಇವರು ಧರಿಸಿದ ಡ್ರೆಸ್ ಅಂತೂ ಅದ್ಭುತವಾಗಿದ್ದು ಡಿಯೊರ್ ಸ್ವೆಟರ್ ಮತ್ತು ಸ್ಕರ್ಟ್ ಅನ್ನು ಕಂಗಾನಾ ಧರಿಸಿ ನಿಯತಕಾಲಿಕೆಯ ಮುಖಪುಟವನ್ನೇ ಸುಂದರಗೊಳಿಸಿದ್ದಾರೆ. ಆಕೆಯ ಕಪ್ಪು ಮತ್ತು ಬಿಳಿ ನೋಟ ಎಲ್ಲರನ್ನು ಆಕರ್ಷಿಸುವಂತಹದ್ದೇ.