ಏನ್ ಚಂದಾನೇ ಮಲೈಕಾ, ನಿನ್ನ ಉಡುಗೆ-ತೊಡುಗೆ!

ಬಾಲಿವುಡ್‌‎ನಲ್ಲಿ ಈಗೀಗ ಮೂವತ್ತು ಮತ್ತು ನಲ್ವತ್ತರ ಆಸುಪಾಸಿನವರೇ ಹೆಚ್ಚು ಮಿಂಚುತ್ತಿದ್ದಾರೆ. ಮಾಧುರಿ ದೀಕ್ಷಿತ್, ಐಶ್ವರ್ಯಾ ರೈ, ಜೂಹಿ ಚಾವ್ಲಾ, ಸುಶ್ಮಿತಾ ಸೇನ್, ಕಾಜಲ್ ಹೀಗೆ ನಲ್ವತ್ತರ ಆಸುಪಾಸಿನಲ್ಲೂ ಇಪ್ಪತ್ತರ ಮಿಂಚನ್ನು ಹರಿಸುತ್ತಿರುವ ಬಾಲಿವುಡ್‌ನ ಈ ಬಹು ಬೇಡಿಕೆಯ ನಟಿಯರು ಇನ್ನೂ ತಮ್ಮ ಸ್ಥಾನವನ್ನು ಉಳಿಸಿಕೊಂಡು ಬಂದಿದ್ದಾರೆ.

ಕಟ್ಟುನಿಟ್ಟಿನ ಪಥ್ಯ, ದೈಹಿಕ ವ್ಯಾಯಮ ಇವರ ಚಿರಸೌಂದರ್ಯದ ಗುಟ್ಟಾಗಿದೆ. ಇನ್ನು ಇವರ ಸಾಲಿನಲ್ಲಿ ತುಸು ಹೆಚ್ಚು ಪ್ರಖ್ಯಾತಿಯನ್ನು ಪಡೆದುಕೊಂಡಿರುವ ಮಲೈಕಾ ಅರೋರಾ ಖಾನ್. ಹೌದು ದೈಹಿಕ ವ್ಯಾಯಮ ಮತ್ತು ಕಟ್ಟುನಿಟ್ಟಿನ ಆಹಾರ ಕ್ರಮವನ್ನು ಪಾಲಿಸಿಕೊಂಡು ಬರುತ್ತಿರುವ ಮಲೈಕಾ ದಿರಿಸುಗಳ ಆಯ್ಕೆಯಲ್ಲಿ ಎಂದಿಗೂ ಎಡವುದೇ ಇಲ್ಲ. ಹೆಚ್ಚಿನ ಕಾರ್ಯಕ್ರಮಗಳಲ್ಲಿ ಭಿನ್ನ ಭಿನ್ನ ದಿರಿಸುಗಳಲ್ಲಿ ಮಲೈಕಾ ಮೋಡಿ ಮಾಡುವಂತೆ ತರುಣಿಯರನ್ನೇ ನಾಚಿಸುವಂತೆ ಅಲಂಕಾರ ಮಾಡುತ್ತಾರೆ. ಬಾಲಿವುಡ್ ಅಂಗಳದಲ್ಲಿ ಮಿಂಚು ಹರಿಸಿದ ಮಲೈಕಾ

ಇತ್ತೀಚೆಗೆ ಮಲೈಕಾ ಸುಂದರವಾದ ಅನಾರ್ಕ‌ಲಿ ಸೂಟ್‌‎ನಲ್ಲಿ ಕಂಡುಬಂದಿದ್ದಾರೆ. ಮಸ್ಟರ್ಡ್ ಬಣ್ಣದ ದುಪ್ಪಟ್ಟಾವನ್ನು ಸೂಟ್‎ಗೆ ಮಲೈಕಾ ಮ್ಯಾಚ್ ಮಾಡಿಕೊಂಡಿದ್ದಾರೆ. ಚೆರ್ರಿ ಬಣ್ಣದ ಗಾಢ ಲಿಪ್‌‎ಸ್ಟಿಕ್ ಆಕೆಗೆ ಇನ್ನಷ್ಟು ಸೊಗಸಾದ ನೋಟವನ್ನು ನೀಡಿದೆ. ಮಲೈಕಾರ ದಿರಿಸಿನ ಸುಂದರ ನೋಟ ಇಲ್ಲಿದೆ.