ಬೀದಿ ಬದಿಯಲ್ಲಿ ಬಲೂನ್‌ ಮಾರುತ್ತಿದ್ದ ಹುಡುಗಿ ಇಂಟರ್ನೆಟ್‌ ಸೆನ್ಸೇಷನ್ ಆದ ಕತೆ

ಬಲೂನ್ ಮಾರುತ್ತಿದ್ದ ಹುಡುಗಿ ಮಾಡೆಲ್ ಆದ ಕತೆ

ಕೇರಳದಲ್ಲಿ ರಸ್ತೆ ಬದಿಯಲ್ಲಿ ಬಲೂನ್‌ ಮಾರುತ್ತಿದ್ದ ಹುಡುಗಿ ಈಗ ಇಂಟರ್‌ನೆಟ್‌ ಸೆನ್ಸೇಷನ್‌. ಸನ್‌ ಟ್ಯಾನ್‌ ಬಗ್ಗೆ ಚಿಂತಿಸದೆ ಬಿರು ಬಿಸಿಲಿನಲ್ಲಿ ಬಲೂನ್‌ ಮಾರುತ್ತಿದ್ದ ಹುಡುಗಿ ಈಗ ಯಾವ ಮಾಡೆಲ್‌ಗೂ ಕಮ್ಮಿಯಿಲ್ಲದ ಲುಕ್‌ನಲ್ಲಿ ಸಾಮಾಜಿಕ ತಾಣದಲ್ಲಿ ಸೆನ್ಸೇಷನ್‌ ಕ್ರಿಯೇಟ್‌ ಮಾಡಿದ್ದಾರೆ.

ಆ ಫೋಟೋಗ್ರಾಫರ್‌ ಕಣ್ಣಿಗೆ ಬಿದ್ದ ಬಲೂನ್‌ ಮಾರು ಹುಡುಗಿ

ಅರ್ಜುನ್‌ ಕೃಷ್ಣನ ಕಣ್ಣಿಗೆ ಬಿದ್ದಿದ್ದೇ ತಡ ಆ ಬಲೂನ್ ಮಾರುವ ಹುಡಗಿಯ ಲಕ್‌ ಬದಲಾಗಿ ಹೋಯ್ತು.

ಆಕೆಯ ಹೆಸರು ಕಿಸ್ಬು. ರಾಜಾಸ್ಥಾನ ಕುಟುಂಬವು ಕೇರಳದಲ್ಲಿ ಬಂದು ಬಲೂನ್‌ ಮಾರುತ್ತಿತ್ತು, ಆ ಕುಟುಂಬದ ಮಗಳು ಕಿಸ್ಬು.

ಕ್ಯಾಮರಾದಲ್ಲಿ ಸೆರೆಯಾದ ಕಿಸ್ಬು

ಕಿಸ್ಬು ತನ್ನ ತಾಯಿ ಜೊತೆ ಅಂದಾಲೂರ್ ಕಾವು ಹಬ್ಬದಲ್ಲಿ ಬಲೂನ್‌ ಮಾರುತ್ತಿದ್ದಳು, ಆಗ ಆ ಹಬ್ಬಕ್ಕೆ ಬಂದಿದ್ದ ಅರ್ಜುನ್‌ ಕೃಷ್ಣನ್‌ ಎಂಬ ಫೋಟೋಗ್ರಾಫರ್ ಕಣ್ಣಿಗೆ ಈ ಹುಡುಗಿ ಬೀಳ್ತಾಳೆ. ಕೂಡಲೇ ಆಕೆಯನ್ನು ತಮ್ಮ ಕ್ಯಾಮರಾದಲ್ಲಿ ಸೆರೆ ಹಿಡಿಯುತ್ತಾರೆ.

ವೈರಲ್‌ ಆಯ್ತು ಪೋಟೋ

ತಾನು ತೆಗೆದ ಫೋಟೋವನ್ನು ಕಿಸ್ಬು ಹಾಗೂ ಅವಳ ತಾಯಿಗೆ ತೋರಿಸುತ್ತಾರೆ, ಇಬ್ಬರಿಗೂ ಖುಷಿಯಾಗುತ್ತೆ.

ತಾನು ತೆಗೆದ ಫೋಟೋವನ್ನು ಅರ್ಜುನ್ ಸೋಷಿಯಲ್‌ ಮೀಡಿಯಾದಲ್ಲಿ ಹಾಕುತ್ತಾರೆ, ಅದಕ್ಕೆ ಸಿಕ್ಕಿದ ಪ್ರತಿಕ್ರಿಯೆ ನೋಡಿ ಸ್ವತಃ ಅವರೇ ದಂಗಾಗುತ್ತಾರೆ, ಆಕೆಯ ಫೋಟೋ ವೈರಲ್ ಆಗುತ್ತೆ.

ಕಿಸ್ಬು ಫೋಟೋ ಶೂಟ್

ಕಿಸ್ಬು ಫೋಟೋ ವೈರಲ್ ಆದ ಬಳಿಕ ಬೇರೆ ಯಾರೋ ಒಬ್ಬರು ಆಕೆಯ ಕುಟುಂಬವನ್ನು ಸಂಪರ್ಕಿಸಿ ಆಕೆಯ್ನು ಮೇಕೋವರ್ ಮಾಡಿ ಫೋಟೋಶೂಟ್‌ ಮಾಡುತ್ತಾರೆ.

ಅದೃಷ್ಟ ಎಂದರೆ ಇದೇ ತಾನೆ?

ಸ್ಟೈಲಿಷ್ಟ್ ರಮ್ಯಾ ಎನ್ನುವವರು ಕಿಸ್ಬುಗೆ ಮೇಕಪ್ ಮಾಡಿಸಿ ಫೋಟೋಶೂಟ್ ಮಾಡಿಸುತ್ತಾರೆ, ಅದಕ್ಕೂ ಕೂಡ ಸೋಷಿಯಲ್‌ ಮೀಡಿಯಾದಲ್ಲಿ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ.

ತನ್ನಿಂದ ಒಬ್ಬ ಹುಡುಗಿಯ ಬದುಕು ಒಳ್ಳೆಯ ರೀತಿಯಲ್ಲಿ ಬದಲಾಗಿದ್ದು ಫೋಟೋಗ್ರಾಫರ್ ಅರ್ಜುನ್ ಕೃಷ್ಣನ್‌ಗೆ ಖುಷಿ ತಂದಿದೆ.