ಕೇರಳ ಶೈಲಿಯ ಸೀರೆಗೆ ಫಿದಾ ಆದ ನಟಿಮಣಿಯರು...

ದೀಪಿಕಾ ಪಡುಕೋಣೆ

ಬಿಳಿ ಮತ್ತು ಚಿನ್ನ ಬಣ್ಣ ಮಿಶ್ರಿತವಾಗಿರುವ ಕೇರಳ ಸೀರೆಯನ್ನು ದೀಪಿಕಾ ಕೇನ್ಸ್ 2016 ರಲ್ಲಿ ಉಟ್ಟು ಸಂಭ್ರಮಿಸಿದ್ದಾರೆ. ರೋಹಿತ್ ಬಾಲ್ ಈ ಸೀರೆಯನ್ನು ವಿನ್ಯಾಸಪಡಿಸಿದ್ದಾರೆ. ಸೀರೆಗೆ ತೋಳಿಲ್ಲದ ಸ್ಲೀವ್ ರವಿಕೆಯನ್ನು ಆಕೆ ತೊಟ್ಟಿದ್ದು ದೀಪಿಕಾ ಎಷ್ಟು ಸುಂದರವಾಗಿ ಕಾಣುತ್ತಿದ್ದಾರೆ ಎಂಬುದನ್ನು ನೀವೇ ನೋಡಿ

ರಾಣಿ ಮುಖರ್ಜಿ

ಸುಂದರವಾದ ಕೇರಳ ಸೀರೆಯಲ್ಲಿ ರಾಣಿ ನಮ್ಮ ಮನವನ್ನು ಕದ್ದಿದ್ದಾರೆ. ಮಲ್ಲಿಗೆ ಮತ್ತು ಚಿನ್ನದ ಚೈನ್ ಅನ್ನು ಧರಿಸಿ ಆಕೆ ಇನ್ನಷ್ಟು ಸುಂದರವಾಗಿ ಕೇರಳ ಸೀರೆಯಲ್ಲಿ ಮಿಂಚುತ್ತಿದ್ದಾರೆ.

ಕಂಗನಾ ರಾಣಾವತ್

ಸುಂದರವಾದ ಕೇರಳ ಸೀರೆಯ ಮೆರುಗಿನಲ್ಲಿ ಕಂಗನಾ ಕೂಡ ನಮ್ಮನ್ನು ಮೋಡಿ ಮಾಡಿದ್ದಾರೆ. ಕಂಗನಾ ಈ ಸೀರೆಗೂ ತೋಳಿಲ್ಲದ ರವಿಕೆಯನ್ನು ಧರಿಸಿ ಚಿನ್ನದ ಜುಮುಕಿಯನ್ನು ತೊಟ್ಟಿದ್ದಾರೆ. ಆಕೆ ತಮ್ಮ ಗುಂಗುರು ಕೂದಲನ್ನು ಮುಕ್ತವಾಗಿ ಬಿಟ್ಟಿದ್ದು ಸೀರೆಗೆ ಹೊಸ ಮೆರುಗನ್ನು ಇದು ತಂದಿದೆ.

ಆಸೀನ್

ಕೇರಳ ಸೀರೆಯಲ್ಲಿ ಅಸೀನ್ ಮಿಂಚಿದ್ದು ಅಸೀನ್ ಹುಟ್ಟೂರು ಕೂಡ ಕೇರಳವಾಗಿದೆ. ಈ ಸೀರೆಯನ್ನು ಹೇಗೆ ಉಟ್ಟುಕೊಳ್ಳಬೇಕು ಎಂಬುದನ್ನು ಅಸೀನ್ ಚೆನ್ನಾಗಿ ಅರಿತುಕೊಂಡಿದ್ದಾರೆ ಎಂಬುದನ್ನು ಫೋಟೋ ನೋಡಿಯೇ ಗಮನಿಸಬಹುದಾಗಿದೆ. ಸೀರೆಗೆ ಒಪ್ಪುವ ಮಲ್ಲಿಗೆ ದಂಡೆಯನ್ನು ತನ್ನ ತುರುಬಿನ ಸುತ್ತ ಅಲಂಕರಿಸಿ ಬಳೆಯನ್ನು ಧರಿಸಿ ಸೀರೆಯ ಸೌಂದರ್ಯವನ್ನು ಇಮ್ಮಡಿಗೊಳಿಸಿದ್ದಾರೆ,

ಐಶ್ವರ್ಯಾ ರೈ

ವಿನ್ಯಾಸಗಳಿಂದ ಶ್ರೀಮಂತವಾಗಿರುವ ಸುಂದರ ಕೇರಳ ಸೀರೆಯಲ್ಲಿ ಐಶ್ವರ್ಯಾ ಕೂಡ ಮಿಂಚಿದ್ದಾರೆ. ಚಿನ್ನದ ನೆಕ್ಲೇಸ್ ಮತ್ತು ಕಿವಿಯಾಭರಣವನ್ನು ಐಶ್ ಸೀರೆಗೆ ಮ್ಯಾಚಿಂಗ್ ಆಗಿ ಆಕೆ ಧರಿಸಿಕೊಂಡಿದ್ದು ಚಿನ್ನದ ಬಣ್ಣದ ಪರ್ಸ್ ಅನ್ನು ಕೈಯಲ್ಲಿ ಹಿಡಿದುಕೊಂಡಿದ್ದಾರೆ.

ಐಶಾದಲ್ಲಿ ಸೋನಂ ಕೇರಳ ಸೀರೆ ಲುಕ್

ಐಶಾ ಸಿನಿಮಾದಲ್ಲಿ ಸೋನಂ ಕೇರಳ ಸೀರೆಯನ್ನುಟ್ಟು ಕಂಗೊಳಿಸಿದ್ದಾರೆ. ಸೀರೆಗೆ ಮ್ಯಾಚಿಂಗ್ ಆಗಿ ಎಂಬ್ರಾಯಿಡರಿ ರವಿಕೆಯನ್ನು ಅವರು ತೊಟ್ಟುಕೊಂಡಿದ್ದು ಚಿನ್ನದ ಬಳೆ, ಜುಮುಕಿಗಳನ್ನು ತೊಟ್ಟುಕೊಂಡಿದ್ದಾರೆ. ತುರುಬಿಗೆ ಮಲ್ಲಿಗೆಯನ್ನು ಮುಡಿದುಕೊಂಡು ಆಕೆ ಕಂಗೊಳಿಸಿದ್ದಾರೆ.

ಶಿಲ್ಪಾ ಶೆಟ್ಟಿ

ಇತರ ಸೆಲೆಬ್ರಿಟಿಗಳಂತೆಯೇ, ಶಿಲ್ಪಾ ಕಪ್ಪು ರವಿಕೆಯೊಂದಿಗೆ ಕೇರಳ ಸೀರೆಯನ್ನು ಉಟ್ಟಿದ್ದಾರೆ. ಬಿಳಿ ಬಣ್ಣ ಮುತ್ತಿನ ನೆಕ್ಲೇಸ್ ಅನ್ನು ಸೀರೆಗೆ ಮ್ಯಾಚಿಂಗ್ ಆಗಿ ಶಿಲ್ಪಾ ತೊಟ್ಟುಕೊಂಡಿದ್ದಾರೆ.