ನೀಲಿ ಗೌನ್‌ನಲ್ಲಿ ಮಿರಿ-ಮಿರಿ ಮಿಂಚಿದ ಐಶ್ವರ್ಯಾ ರೈ

ಐಶ್ವರ್ಯಾ ರೈ ಬಚ್ಚನ್ ಪ್ರಸ್ತುತ ಬಾಲಿವುಡ್‎ನಲ್ಲಿ ತಮ್ಮ ಝಲಕ್ ಅನ್ನು ಹರಿಸುತ್ತಿರುವ ಬೆಡಗಿಯಾಗಿದ್ದಾರೆ. ಹೆಣ್ಣು ಮಗುವಿನ ತಾಯಿಯಾಗಿದ್ದರೂ ಐಶ್ ತಮ್ಮ ಸೌಂದರ್ಯವನ್ನು ಇಂದಿಗೂ ಕಾಪಾಡಿಕೊಂಡು ಬಂದಿದ್ದಾರೆ. ಹೆಸರಾಂತ ಉತ್ಪನ್ನಗಳಿಗೆ ಬ್ರ್ಯಾಂಡ್ ಅಂಬಾಸಿಡರ್ ಎಂದೆನಿಸಿದ್ದಾರೆ. ಪ್ರಸ್ತುತ ಚಿತ್ರ ಯೇ ದಿಲ್ ಹೇ ಮುಷ್ಕಿಲ್‎ನಲ್ಲೂ ತಮ್ಮ ಪ್ರತಿಭೆಯನ್ನು ಅನಾವರಣಗೊಳಿಸಿ ಇಂದಿಗೂ ತಾವು ಬಾಲಿವುಡ್ ರಾಣಿ ಎಂಬುದನ್ನು ಖಾತ್ರಿಪಡಿಸಿದ್ದಾರೆ.

ಪ್ರಸ್ತುತ ಐಶ್ ನೋಯ್ಡಾದಲ್ಲಿ ನಡೆದ ಲಾಂಗಿನಸ್ ಸ್ಟೋರ್ ಲಾಂಚ್‎ನಲ್ಲಿ ಐಶ್ ಇನ್ನೂ ಮುದ್ದಾಗಿ ಕಾಣುತ್ತಿದ್ದರು. ಇದಕ್ಕಾಗಿ ಐಶ್ ಆರಿಸಿಕೊಂಡಿದ್ದ ದಿರಿಸು ನೀಲಿ ಬಣ್ಣದ ಸೊಫೆಸ್ಟಿಕೇಟೆಡ್ ಗೌನ್ ಆಗಿದ್ದು ಇದನ್ನು ವಿನ್ಯಾಸಪಡಿಸಿದವರು ಮನೀಶ್ ಮಲ್ಹೋತ್ರಾ ಆಗಿದ್ದಾರೆ. ಗೌನ್ ನಿಜಕ್ಕೂ ಐಶ್‎ರನ್ನು ಇನ್ನಷ್ಟು ಸುಂದರಿಯಾಗಿಸಿದ್ದು ಅವರು ಹದಿಹರೆಯದವರಂತೆ ನಳನಳಿಸುತ್ತಿದ್ದರು.

ನೆಲಕ್ಕೆ ತಾಗುತ್ತಿದ್ದ ಗೌನ್ ನಡುವಿನಲ್ಲಿ ಫ್ಲೋರಲ್ ಸೊಂಟದ ಬೆಲ್ಟ್ ಅನ್ನು ಒಳಗೊಂಡಿತ್ತು. ಗೌನ್ ಕ್ಯಾಪ್ ಸ್ಲೀಬ್ ಅನ್ನು ಹೊಂದಿದ್ದು ಐಶ್‎ರನ್ನು ಬೊಂಬೆಯಂತೆ ಕಂಗೊಳಿಸುವಂತೆ ಮಾಡಿದೆ. ಸರಳವಾದ ಅಲಂಕಾರದಲ್ಲಿ ಐಶ್ ನಮ್ಮ ಮನಗೆದ್ದಿದ್ದು ಆಕೆಯ ಸೌಂದರ್ಯ ಪ್ರಜ್ಞೆ ಅಚ್ಚರಿ ಮೂಡಿಸುವಂತಿದೆ.